Nafarroako etxegabetzeen diagnostikoa aurkeztu dute

  • Datu ofizialen “hutsuneei” aurre egin eta etxebizitza arazoaren benetako dimentsioa ezagutu asmoz, Nafarroako etxegabetzeen diagnostikoa egin du Iruñerriko Kontseilu Sozialistak, etxegabetzeen aurkako sarea sortu eta gutxira.

Duela hainbat urte, Orkoiengo bizilagun baten etxe-kaleratzea gelditzea lortu zutenekoa (argazkia: Ekinklik)

2022ko maiatzaren 24an - 10:21

2021ean 247 kaleratze exekutatu ziren Nafarroan, baina datu ofizialetan hutsuneak salatu ditu Kontseilu Sozialistak: “Etxegabetze ikusezinak eta estrajudizialak ez dituzte kontuan hartzen, ezta okupazio kasuekin lotutakoak ere”. Alokairuagatik etxegabetuak dira protagonistak, baina hain justu alokairuari lotutakoak “arazo ahaztuak” direla gogoratu du taldeak eta ez dutela hipoteka-betearazpenekin lotutako etxegabetzeek duten jarraipen mediatikoa. Edonola, kaleratze datuen atzean dagoen errealitate gordina nabarmendu nahi izan dute.

Egungo testuingurua

Erosteko ahalmena jaitsi da, inflazioa igo da eta etxebizitzaren gastuei aurre egin ahal izatea gero eta zailagoa da, “etxegabetze bat izateko arriskua areagotuz”. Nafarroako datuak kezkagarriak direla diote: “Alokairuaren prezioa %40 inguru igo da azken bost urteotan; etxebizitzen salerosketa-prezioa %2,8 igo zen 2021ean, eta zazpi urtez jarraian egin du gora; 30 urtetik beherakoen %13,8 baino ez da emantzipatuta bizi…”.

Arazoa zabalago ulertu behar dela uste du Kontseilu Sozialistak eta behar bezalako etxebizitza bat ezin izatearen etengabeko mehatxua errealitate bat dela gure gizarte kapitalistan. “Benetan doakoa, unibertsala eta kalitatezkoa den etxebizitza” bermatzea proposatu du Iruñerriko Kontseilu Sozialistak, hainbat gogoetan jasotzen dituen diagnostikoan.


Kanal honetatik interesatuko zaizu: Etxegabetzeak
Etxegabetzeak 48 ordutan burutu ahal izateko lege aldaketa proposatu du EAJk

EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.


Iruñean familia bat etxegabetuko dutela salatu dute Harituk eta Jaki Tokik

Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.


2024-02-13 | ARGIA
Hamabi familia etxetik bota nahi dituzte Pasaian, trenbide zati bat egiteko

Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.


Bilboko etxegabetzearen aurka protestan ari direnen kontra oldartu da Ertzaintza

Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.


Eguneraketa berriak daude