Nafarroa erdialdeko poligono eolikoen proiektuan gobernuaren eta enpresaren arteko “trikimailuak” salatu dituzte
Eguzki elkarte ekologistako kideek adierazi dute “erabat zaharkituta” dagoela proiektuaren ingurumen azterketa, 2012an aurkeztu zelako. Gaineratu dute Nafarroako Gobernuak “modu irregularrean” eman dituela proiektuaren luzapenak.
Larragan, Berbintzanan eta Miranda de Ebron poligono eolikoak ezartzeko proiektua dela eta, Eguzki erakunde ekologistak salatu egin du Nafarroako Gobernuaren eta Agrowind Navarra 2013 SL enpresaren arteko jarduna. 2012an aurkeztu zuen Agrowindek proiektua, eta orain, hamaika urte pasata, eraikitzeko asmotan daude. Eguzkiko kideek adierazi dute “guztiz eskandalagarria” dela ingurumen azterketa “erabat zaharkitua” duen eta “egungo errealitatearekin bat ez datorren” proiektu bat mantentzea.
Sustrai Erakuntzaren Fundazioak adierazi du alegazioak aurkeztuko dituela: “Beste behin ere, Nafarroako Gobernuak enpresen onura pribatua gizartearen interesen aurretik jarri du”. Fundazioko kideek adierazi dute “onartezina” dela enpresa-taldeari eskainitako luzapena, baita proiektuaren “ingurumen-inpaktuak ebaluatzen dituzten tresnen erabilera” ere.
“Trikimailuz” jositako proiektua
Proiektua 2012an jaio zen, eta kalteturiko udalei aurkeztu ondoren 2016an jendaurrean ipini zen. Eguzki erakundeak argudiatzen du data hartakoak direla ahalmen eolikoari, ingurune fisikoari eta ingurumen inpaktuari buruz egindako analisiak: “Garai hartatik gaurdaino, energia berriztagarrien poligonoen ‘boom’ handi bat gertatu da, proiektu honek kalteturiko eremuak barne”.
2018an Nafarroako Gobernuak onartu zuen proiektuaren Udalaz Gaindiko Plan Sektoriala (PSIS), baina ez zioten eraikuntzari ekin, Eguzkiko kideen hitzetan, “enpresak horretarako gaitasunik” ez zutelako: “Enpresa 2013an sortu zen 4.000 euroko kapital sozial urriarekin, baina hori bai, egoitza sozial handi baten itxura eginez”.
Hala ere, adierazi dute Nafarroako Gobernuak “modu artifizialean” eta “erabat modu irregularrean” luzatu zuela PSISaren iraupena: “2021ean, proiektua onartu zenetik 3 urte baino gehiago igaro zirenean enpresak obrarik egin gabe, eta, beraz, iraungitzat jo behar zenean, Gobernuak, ustekabean, beste 5 urtez luzatu zuela adierazi zuen”.
Eguzkiko kideek azpimarratu dute epe luzapenak mesede egin ziola enpresari, eta balio izan ziola proiektua aurrera eramateko gaitasuna zuen beste enpresa bati saltzeko. Eta hala egin zuten: 2022an Agrowindek enpresa eta poligono eoliko guztiak Saudi Arabiako Alfanar taldeari saldu zizkion. Gaur egun, proiektua jendaurrean dago aldaketa berri batekin.
Biolur laborantza ekologikoaren aldeko elkarteak frutazaintza sustatu nahi du eta horretarako egun-pasa ederra antolatu du uztailaren 29rako; hiru proiektu ezagutuko dituzte bertatik bertara: Erroak mintegia Ahatsan (Nafarroa Beherea), Kibbi Sat Donezteben (Nafarroa) eta... [+]
Pandemia garaian erabaki zuten Bea Lopez de Suso Marinak eta Iker Gonzalez Dominguezek landa eremura bizitzera joatea. “Nolabait, orduan berpiztu zen aspalditik landa eremuan proiektu bat sortzeko genuen grina”, azaldu du Lopez de Susok. Kuartangora iritsi zen... [+]
Etorri dira herriko jaiak. Gureak sanferminen atarikoak dira, uztailaren abiatzea. Eta aurten berrikuntza bat izan dute. Artisten herria da gurea, eta apain-apain janzten dute jaietarako, baina aurten, ustekabean, herriko kale nagusiko sarrerako sagarrondoak lorez jantzita hartu... [+]
Euskal Herrian badugu inurrijale bat, baina ez da Ameriketan aurkitzen den ugaztun hori. Gurean hegazti bat da inurrijale amorratua dena, hainbeste gustatzen zaizkio inurriak ezen Debagoiena eta Debabarrenean inurrijale ere deitzen dioten. Eta hau, okil espezie bat da:... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
BiziLagunEkin plataformak desazkunde turistikoaren aldeko Euskal Herriko topaketak iragarri ditu, Donostian, elkar ezagutzea, esperientziak partekatzea eta gogoeta kolektiboa egitea helburu. Egitarauaren xehetasunak datozen asteetan jakinaraziko dituzte.
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Ekainak akainak ekarri ditu: uda iritsi da. Udaberriko egun beroetan hasten dira akainak ehizean, udako ehizaldi nagusirako hankak prestatzen. Garo arruntaren (Pteridium aquilinum) garomenetan izaten da batez ere, bide ertzera zintzilik diren orri muturretan kulunka, gustuko... [+]
Tarteka bada ere, inoiz ikusiko zenuten hego beltzeko “erle erraldoi” eta potolo bat zuen inguruan hegan. Hala bada, ziur izan intsektuen artean ikusgarrienetako bat ikusi duzuela. Eta ziur izan, baita ere, ez duzuela inongo arriskurik, itxura itzeleko erlastar honek... [+]
Euskal Herrian zein munduan, gero eta ugariagoak dira lurraren defentsan sortzen diren mugimenduak, bizitzari eusteko ezinbestekoa den lurraren balioa aldarrikatzen dutenak. Borroka hauek ez dira soilik erresistentzia; itxaropenaren eta konplizitatearen oinarri ere bihurtu dira... [+]
"Kalte nabarmena" eragingo luke proiektuak, alkatearen esanetan. Abantoko EAJ, ""eragin txikiagoko" alternatiben alde kokatu da, "nahiz eta aukera horien kostu ekonomikoa handiagoa izan".
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]
220 milioi tona plastiko sortzen ditugu munduan eta %10a soilik birziklatu. Zifra hori, gainera, hamar urtez jarraian ez da aldatu. Iaz zabor plastiko horren herenak gaizki kudeatzeagatik gure inguruko bazter, erreka, itsaso eta atmosferan bukatu zuen. Greenpeacek salatu... [+]