Mundu mailako enpresa ezagunenak Indonesiako oihanen suntsitzaile
Palma olioa ekoizten duten 25 enpresak oihan tropikaleko 130.000 hektarea baino gehiago suntsitu dituzte hiru urte baino gutxiagoan, Greenpeaceren txosten baten arabera.
Wilmar enpresa da palma olioaren banatzaile handiena. 2013an Greenpeacek salatu zuen hura dela Indonesiako deforestazioaren erantzule nagusia, legez kanpoko mozketak egiten dituena eta zohikaztegietako suteen eragilea.
Urtebetera konpainiak azaldu zuen neurri aitzindari batzuk jarriko zituela martxan: “deforestaziorik ez, zohikaztegien suntsiketarik ez”, zioen. Aitzitik, Greenpeacek adierazi du ez duela hartutako konpromisorik bete.
Greenpeaceko ordezkari Kiki Taufik dioenez, “palma olioa ekoiztu daiteke oihan tropikalik suntsitu gabe. Hala ere, Wilmar basoak desegiten dabil”. Gaineratu du, Unilever, Nestlé eta Colgate-Palmolive bezalako marka handiak Wilmarren bezero izaten jarraitzen dutela, nahiz eta bezeroei zin egin palma olio jasangarria erabiliko zutela.
Txostenaren arabera, olioaren industria habitatak suntsitzen ari da: Borneoko orangutan asko desagertu dira eta 193 espezie arriskuan daude.
Deforestazioa eta zohikaztegien suntsiketa dira klima aldaketaren eragile nagusiak eta horregatik da Indonesia mundu mailako kutsadura igorle handienetarikoa, AEB eta Txinarekin batera.
Txostena osorik hemen: gazteleraz eta frantsesez
Hegazkinez bidaiatzeak trenean baino bi aldiz merkagoa izaten segitzen du, bataz bestean, Europan. Aldea are handiagoa da bidaia zehatz batzuentzat: Bartzelona-Londres 30 aldiz merkagoa da hegazkinez bidaiatzea; Londres-Bratislava 15,5 aldiz; Viena-Erroma 10 aldiz... [+]
Volkswagen, BMW eta Mercedes-Benz auto ekoizleen aurka egingo dute hainbat talde ekologistek. Krisi klimatikoa elikatzen dutela leporatuta, auzitara eramango dituzte, barne-errekuntzako motordun autoak 2030erako eraikitzeari utz diezaiotela eskatuz. Wintershall Dea... [+]
Lau talde ekologistek duela bi urte abiaturiko prozesua auzitegietara iritsi da: joan den ostegunetik, Frantziako Gobernua epaitzen ari dira Parisko Epaitegi Administratiboan, klima aldaketari aurre egiteko agindutako neurriak ez betetzea leporatuta. Epaia hilabete... [+]
Konfinamendu osteko egoerari begira, garraio publikoetan jende pilaketak saihesteko asmotan auto pribatuak aukera bat direla adierazi du José Luis Ábalos Espainiako garraio ministroak. Talde ekologistak horren aurka agertu dira, Europako beste herrialde batzuen... [+]
2018ko otsailean Bahri Tabuk itsasontzi saudi arabiarraren aurkako protestan parte hartu zuten Greenpeaceko 23 ekintzailek. 200 tona arma kargatzeko asmoa zuela salatu zuten ekintzaileek, eta horietako bederatzik itsasontziaren amarretatik zintzilikatzea lortu zuten. Orain,... [+]