Emakumeak borrokan

Multinazionalen edertasun-kanona eta eragiten duten prekarietatea salatu ditu Ernaik Bilbon

  • Ernaiko zenbait kidek arropa erantzita multinazionalen edertasun-kanonaren kontrako ekintza egin dute Bilbon.

ARGIA @argia
2019ko otsailaren 13a
Ernaiko kideak asteazken goizean egin duten ekintzan.

"Eskapatu eskaparatetik!" lemapean, Ernaiko zenbait kidek Bilboko On Diego Lopez de Haro kale nagusian dauden arropa-multinazionalen aurrean desfilatu dute, arropa erantzita. Ekintzaren bidez, enpresa erraldoi hauek ezartzen dituzten kanon estetikoak salatu nahi izan dituzte.

Izan ere, Ernairen arabera, "egungo sistema heteropatriarkalak edertasun kanon zurrunetan oinarritutako emakume ideala inposatu nahi digu eta kapitalismo basatiaren multinazionalek eredu hau proiektatu eta erreproduzitzen dute".

Eredu horrek eragiten dituen zenbait kalte ere aipatu dituzte, adibidez, Euskal Herrian "anorexia kasuen %90a neskek pairatzea 9 urterekin hasita".

Ernairen ustez, EAJren udalek "alfonbra gorria jartzen diete neska gazteon bizitzak prekarizatzen dituzten enpresari handiei, aurpegia garbitzeko azaleko mezu feministekin ahoa betetzen duen bitartean". Prekarietatearen aurka egiteko otsailaren 16an Euskadi plazatik abiatuko den manifestaziora deitzeko ere baliatu dute agerraldia.

Bideo honetan jaso du ekintza gazte antolakundeak.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Enpresa transnazionalak  |  Prekarietatea  |  Ernai  |  Gorputza

Enpresa transnazionalak kanaletik interesatuko zaizu...
Azkenak
EGILEA
Eguneraketa berriak daude