Mozal Legea ezarri diete Sukar Horiako kideei, iaz egindako desobedientzia zibil ekintzagatik

  • Iazko ekainean ekintza burutu zuten Eusko Jaurlaritzaren Bilboko egoitzaren ateetan, Jaurlaritzaren politika ekozidak salatuz eta trantsizio ekologikoa aldarrikaztuz. Ekintzagatik Mozal Lega aplikatu eta 2.000 euroko isuna jarri diete.


2021eko uztailaren 14an - 09:47
Azken eguneraketa: 11:50
Kateatutako bi kideetako bat (Argazkia: Amaia Lekunberri)

Sukar Horia kolektibo ekologistak igandean jakinarazi zuen, sare sozialen bidez, Mozal Legea aplikatu eta 2.000 euroko isunarekin zigortu dituztela iaz egindako desobedientzia zibil ekintzagatik.

2020ko ekainaren 24an, kolektiboko bi kide bidoiekin kateatu ziren Eusko Jaurlaritzak Bilbon duen egoitzaren parean, “Eusko Jaurlaritzaren politika ekozidak salatzeko eta bidezko trantsizio ekologikoa eskatzeko”. “Trantsizio ekologikoa orain!” lelodun kamisetak soinean eta zementuz betetako bidoi banatara katez loturik, kideek Diego Lopez Haroko kale nagusiko errepideko bi errai moztu zituzten. Bi orduz eutsi zioten desobedientzia zibil ekintzari, harik eta suhiltzaileek bidoietara lotutako bi kideak soltatu zituzten arte. Ekintzarekin loturan, bost kide identifikatu zituen Ertzaintzak.

“Urtebete geroago, 2.000 euroko isuna heldu zaigu, Mozal Legea aplikatuz. Multa hauen bidez, gure ahotsa isildu nahi dute, baina ez dute lortuko. Ez dago isilaraziko gaituen mozalik! Aurrera jarraituko dugu, aberats kutsatzaileak salatzen eta trantsizio ekologiko justua eskatzen”, adierazi du kolektiboak.

Errepresioaren berri ematearekin batera, isunari aurre egiteko bono laguntzak atera dituztela jakinarazi dute. Norbaitek horietakoren bat eskuratu nahi izatera, beraiekin harremanetan jartzea besterik ez duela adierazi dute.


Kanal honetatik interesatuko zaizu: Mozal legearen mehatxua
Artxibatu egin dute Ahotsa.info-ko kazetari bat gezurrekin salatu zuen udaltzainaren aurkako kereila

2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]


2023-03-15 | Axier Lopez
Espainiako Gobernuak ez du hitza bete: Mozal Legeak indarrean jarraituko du

2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]


Otsaileko lehen osoko bilkuran onartu nahi dute Espainiako Kongresuan 'Mozal Lege' berria

Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.


Laudioko Gaztetxearen aldeko elkartasun jaialdiak antolatu dituzte Laudion, Bilbon eta Gasteizen

Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]


2022-12-16 | Iñaki Agirre
“Ez dugu ekimen erreformistarik nahi, Mozal Legearen indargabetzea eskatzen dugu”

Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]


Eguneraketa berriak daude