Moneta bakarra izango dute Kuban

  • Moneta sistema dualarekin bukatzea erabaki du Kubako Gobernuak. Bi moneta edukitzeak ekoizpena oztopatu, eta kontabilitatea zailtzen du, Exekutiboaren ustetan.


2013ko urriaren 23an - 00:00
Azken eguneraketa: 2015-02-26 13:37:33
Pertsona bat bi peso motak erakusten. (Arg: Cubainformación)

1994az geroztik, Kubako pesoa (CUP) eta Kubako peso aldagarria (CUC) dira Kubako bi moneta ofizialak. Orduan, Sobietar Batasunaren erorketak eragindako denboraldi berezia gainditzeko balio izan zuen. Orain ordea, Castrok dio sistema monetarioa “agortuta” dagoela. Horregatik, egituraketa ekonomikoa gaurkotzen ari da Gobernua, eta gaurkotze horren baitan sartzen da moneta bateratzea; ez da neurri isolatua.

Ildo horretatik aztertu du erabakia Ariel Terrero ekonomialariak, Telesurrek egindako elkarrizketan. Haren irudiko Kuban aldaketa asko ezartzen ari dira, besteak beste, kontsumo ereduan eta ekoizpenean. Esan duenez, moneta bakarra izateak on egingo dio herrialdeari: “Beharrezko aldaketa da. Ekonomia bultzatuko, eta moneta sistema orekatua sortuko du”.

Raul Castrok ere bateratzeak ekar litzakeen onurak nabarmendu ditu, eta ekonomia “hauspotu” dezakeela uste du. Aldaketaren zailtasunaz ere mintzatu da: “Prozesu zaila izan daiteke, baina ez ditugu talka-terapiak erabiliko Europako hainbat herrialdetan egin duten bezala. Inor ez da babesgabe geratuko doikuntza neurri hauekin”.

Zergatik bateratu?

Egun, CUC batek 25 CUP balio du. Ondasun eta zerbitzu batzuk peso kubatarretan erosten dituzte, eta beste batzuk peso aldagarrietan baino ez. Bateratzeak, beraz, harreman ekonomikoak erraztuko lituzte.

Baina, batez ere enpresei zuzendutako neurria da. Egun, enpresa bakoitzak bi kontabilitate daramatza, moneta bakoitzean bat. Horrek, egoera bereziak sortzen ditu: moneta batean galerak eta bestean irabaziak izatea, kasu. Enpresa munduaren egoera aztertzea zail zaio, ondorioz, Kubako Gobernuari. Bateratzeak enpresen egoera zein den argituko duela dio Castrok.

Era berean, ondasun eta zerbitzuak ekoizten dituzten enpresei bultzada emango diela uste du presidenteak, eta esportazioak handitu nahi ditu.

Ez da “berehala” aplikatuko duten neurria izango; “graduala” izango da, Terreroren hitzetan.

Bateratzeak bateratze, Castrok adierazi du moneta bakarrak ez dituela arazo guztiak konponduko eta aldaketa gehiago beharko dituztela. 


Kanal honetatik interesatuko zaizu: Kuba
Eta 2021eko uda hartan Kubaren osasun sistema ia arnasarik gabe utzi zuten Covid-19ak eta Joe Bidenen zigorrek

Nekez ahantziko dute 2021eko uztaila kubatarrek. Beren osasun sistema eredugarria, pandemiaren larrialdian laguntzera mundu osora ehunka mediku eta erizain bidaltzeko gai izan dena, bat-batean K.O. geratzeko zorian aurkitu da joan den uztailean, AEBek ezarritako blokeo... [+]


2024-05-15 | Estitxu Eizagirre
Zer ikasi Kubako laborantza eta elikadura sistema (ezinbestean) agroekologikotik?

Amets Ladislao Kuban egon berri da bertako laborantza eredua eta elikadura sistema ezagutzen. Sobiet Batasuna (SESB) erori zenean eta jasaten duen mundu mailako blokeoa dela-eta, pestizida eta ongarri kimikorik gabe geratu zen Karibeko irla, eta kimiko horien ondorioz, lur oso... [+]


187 herrialde agertu dira Kubako blokeoa amaitzearen alde, eta soilik bi kontra: Israel eta AEB

Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).


Kubak 17 urtez Pentagonoan infiltratu zuen espioia aske, 20 urte espetxean egin ostean

AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]


Eguneraketa berriak daude