Autobus transfoboaren leloa estali eta kanpainarekin jarraituko duela dio Hazte Oir-ek
Elkarteak Madrilgo Udalaren aurkako salaketa jarriko du autobusa geldiarazteagatik eta leloa aldatuta kanpainarekin jarraituko du, ostegunean Hazte Oir elkarteko bozeramaleak adierazi eta Europa Pressek jaso duenez.
Ignacio Arsuaga eledunak adierazi du ez direla "beldutzen utziko" eta Madrilgo 42. instrukzio Epaitegiak adierazitatkoa betez kanpainarekin jarraituko dutela. Polemika piztu duen mezua binilo batekin estaliko dutela jakinarazi du.
Madrilgo epaitegiaren debekua
Madrilgo epaile batek debekatu egin dio HazteOir.org antolakundeari autobusa mugitzea mezu transfoboak ezabatu arte. Epaileak argudiatu du “heterosexuala ez den beste orientazio sexual bat duten pertsonak gutxiesten” dituela, eta beraz beren duintasunaren kontra egiten duela.
Madrilgo Udaltzaingoak geldiarazita zeukan autobusa, gorrotozko delituak zituela eta iragarkien ordenantza betetzen ez zuelakoan. Gorrotozko delitua ikertzen ari den epaileak behin behineko neurri hori berretsi du.
Hazte Oir elkartea "Mutilek zakila dute. Neskek bulba dute. Ez zaitzatela engaina. Gizon jaio ezkero, gizona zara. Emakume jaio ezkero, emakumea zara" idatzita zuen autobus batean ibiltzeko asmoa zuen Espainiako Estatuko hainbat hiritan, tartean Euskal Herrian.
Oraindik ez da ezaguna datak mantenduko dituzten ala ez. Iruñera igandean heltzeko asmoa zuen. Larunbaterako manifestazioa antolatu du E28 plataformak. “Nafarroa: aniztasun lurraldea. Transfobiarik ez!” 18:00etan aterako da protesta autobus geltoki zaharretik.
Hainbat udalek ere jakinarazi dute autobusaren ibilbidea geldiarazten saiatuko direla. Iruñeko Joseba Asiron alkateak Twitter bidez jakinarazi du “bide guztiak ikertzen” ari direla autobusa Iruñera joan ez dadin, eta adierazi du antolatzaileek ez dutela oraindik baimenik eskatu autobusa hirian egoteko. Gasteiz, Bilbo eta Getxoko udalek ere antzeko asmoak adierazi dituzte, eta Donostiako Udalak “Non grata” izendatu du autobusa.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Donostian, aldarrikapenez beteriko ekitaldian aurkeztu dute orain arte Chrysallis izena izan duen elkartearen izen eta irudi berria. Duela lau urte zortzi familiak osatzen zuten elkartea, gaur egun 100 dira jada.
Antolaketa modua, izena eta irudia aldatuko ditu transexualitate egoeran dauden adin txikiko gurasoen elkarteak. Aldaketon berri emateko jaia antolatu du Donostiako Principal Antzokian, urtarrilaren 26an.
New Yorken jaio edo bizi den edonork du 'X' sexuarekin inskribatzeko aukera. Horretarako, ez da mediku-ziurtagiririk aurkezteko beharrik izango.
Zeinen sotil, zenbat ñabardurekin, kontatzen digun Girl filmeko zuzendariak protagonistaren sufrimendu isila; zeinen natural lortzen duen ikusleok sufrimendu horrekin bat egitea, gorputz arrotzean bere burua ezagutzen ez duen nerabearen bakardadea ulertzea. Besteei “ongi nago” errepikatu eta irribarre eginagatik handia izan baitaiteke ezkutuan daramagun ezinegona.
Hamabost ordu iraun ditu lege proiektua onartu ala ez erabakitzeko asteazkenean egindako saioak. Legearen aldeko apustua nagusitu da, 95 diputaturen botorekin. Kontrako botoak 46 izan dira.
Arabako Gesaltza-Añanako igerilekuetako sorosleak bainatzea debekatu zion adin txikikoari, soina estaltzen zion kamiseta bat jantzita eramateagatik. Baztertutakoaren lagunek kolektiboki erantzun zioten erasoari.
Nahasmendu psikologiko kategoria kendu diote transexualitateari, eta genero inkongruentzia bezala izendatu. Aldaketak kontu fisikora mugatzen du orain arte gaitz psikologikotzat jotakoa.
Gurutzeta Ospitaleko Genero Identitateko Unitatean eman ditzaketen hobekuntzak lantzen ari da iazko azarotik. Sexuz aldatu nahi duten pazienteei eragiten dien neurriaren berri eman dute Eusko Jaurlaritzarekin bildu ostean: unitatera doazen pertsonen sarbidea Endrokinologian hasiko da, eta ez Psikiatria sailean. Hormona tratamendua jasotzeko denbora hainbeste luzatzea ekiditea da xedea.
Artikuluaren lerro-burua hauxe: Euskaltzaindiak zakila arazo linguistiko bilakatu zuenekoa. Axier Lopez kazetariak ARGIAn publikatutakoa. Horrela hasten zen: “Orain bi hilabete jaio zen Lur. Artean izen ofizialik ez bazuen ere, Lur izan da burua mundu honetara atera aurretik eta ondoren. Haurdunaldian ez genuen bere hanka-tartearen berri eduki nahi izan. Genitalen forma bigarren mailako kontua iruditzeaz gain, gure burua eta ingurua ez genituen aurrez baldintzatu nahi genero jakin bati... [+]
