Emakumeak borrokan

Memoria inklusiboa aldarri Martxoaren 3ko sarraskiaren 43.urteurrenean

  • Igande arratsaldea izanda ere, milaka lagun atera dira Gasteizko kaleetara Pedro María Martínez Ocio, Francisco Aznar, Romualdo Barroso, José Castillo eta Bienvenido Pereda gogoratzeko. Herri mugimenduko eragileek indarrak batzeko deia luzatu dute, bakoitza bere “lubakietatik” ateratzeko deia eginez. Bide batez, Martxoaren 8ko Greba Feministan kaleak hartzeko aldarria egin dute.

Hala Bedi @halabedi
2019ko martxoaren 04a
Argazkia: Hala Bedi.

43 urteren ostean, igande arratsaldez eta ihauterietako asteburuan, milaka lagun atera dira berriz ere Gasteizko kaleetara justizia eskatzeko eta  1976ko Martxoaren 3an Espainiako Poliziak erahildako Pedro María Martínez Ocio, Francisco Aznar, Romualdo Barroso, José Castillo eta Bienvenido Pereda gogoratzeko. Bost eraildako eta milaka zauritu, baina epaitutako errudunik ez.

Eguneko manifestazioa hasi aurretik, Martxoak 3 Elkarteko kideek hitza hartu dute, hiru ardatzetan zentratuz hitzartzea: 

- Inpunitatea: “Inpunitateak jarraitzen du, baina borroka grinak ere bai”.

- Martin Villa eta Memoria Gara: Gasteizek Martin Villa ‘persona non grata’ izendatu izana gogoratu dute eta Martxoaren 3ko eliza memoria eta giza eskubideen gune bihurtzea eskatu dute, Memoria Gara ekimenarekin bat eginez.

- Ostiraleko Greba Feministan parte hartzeko deia luzatu dute: “Memoria ere feminista izan behar da”.

“Lubakietatik” ateratzeko dei bateratua

Aurreko urtean bezala, sindikatuek eta herri mugimenduko eragileek deituta, manifestazioa egin dute Gasteizko kaleetan barrena, bost langileen argazkiak buru zituen mobilizazioan. Horretaz gain, JUSTIZIA hitza letra larriz eta sindikatuek herri mugimenduko eragileekin adostutako leloa egon dira presente: “Etorkizuna eraikiz. Confluir, luchar, avanzar”.

Foru enparantzan, eskubide sozialetan atzerapausoak ematen ari direla salatu dute: “Eskubideak murrizteko faxismoa, arrazismoa eta xenofobia erabiltzen dituzte langileak banatzeko”. Zentzu honetan, herri mugimenduko eragileek indarrak batzeko deia luzatu dute, egunero borrokatuz eta bakoitza bere “lubakietatik” ateraz.

Ekitaldi horretan, datorren ostiralean emakumeek, bollerek eta transek kaleak “indartsu” hartuko dituztela ohartarazi dute: “Iraultza feministak bizitza politizatzea eskatzen du. Feminismoa ez da erosoa, praktika politiko erradikal bat da”.

Astelehenero kalera ateratzen diren pentsionistak eta “prekarizazio bortitzera kondenatu nahi dituzten gazteak” ere izan dituzte gogoan: “Gazte perspektibatik sistemari aurre egiten eta klaseen arteko gudan sakontzeko konpromisoan berresten gara. Euskal Herrian erabaki eta bizi nahi dugulako, gure bizitzak zeharkatzen dituen prekaritateari ateak itxiko dizkiogu”. Ekitaldi nagusiaren aurretik, Gazte Blokea egin dute gazte mugimenduko espresio ezberdinek.

Miarritzeko G7 gailurrari dagokionez, egun horietan zehar okupazio poliziala jasango dugula adierazi dute: “Beste herrialde batzuei inposatuko zaizkien politika ekonomikoak bertan erabakiko dira”. Eta, amaitzeko, Euskal Herrian beste eredu baten beharra dagoela ekarri dute gogora:  “Justizia soziala, elkartasuna eta berdintasuna lortzeko burujabetza behar dugu”.

Albiste hau Hala Bedi irratiak argitaratu du eta gurera ekarri dugu, CC-By-SA lizentziari esker.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: 1976ko martxoaren 3a  |  Gasteiz

1976ko martxoaren 3a kanaletik interesatuko zaizu...
2019-03-01 | Hala Bedi
Bideoa
Martxoaren 3a, defendatu beharreko memoriaren barrikada

Letra eta irudiekin bildu ditu Errekaleor Bizirik!-ek Gasteizko Martxoaren 3ko gertakari lazgarriak. Igandean 43 urte beteko dira sarraskia gertatu zenetik, orduko irudiak erabili ditu auzo askeak Romualdo Barroso bizilaguna eta gainontzeko langileak oroitzeko.


2019-03-01 | Arabako Alea
Margolan berria Errekaleorren: Martxoaren 3an hil zuten Romualdo Barroso bizilagunaren eraikinean

Romualdo Barrosoren etxearen horman egin du margolana Irantzu Lekuek.


2019-03-01 | Juan Mari Arregi
M3tik M8ra, intsumisioa kapitalismoari

Martxoaren lehen aste honetan bi data garrantzitsuk bat egiten dute: Gasteizen martxoaren 3an duela 43 urte gertaturiko bost grebalariren sarraskia batetik, eta martxoaren 8an antolatutako emakumeen greba orokorra bestetik.


2019-02-26 | Arabako Alea
Aldaketa sozialean eragiteko bost giltzarri, martxoaren 3ko sarraskiaren 43. urteurrenean

Martxoaren 3ko sarraskia gogoratzeko ekitaldia aurkeztu dute.


2019-02-22 | Axier Lopez
Martin Villa barne ministro frankista pertsona "non grata" izendatu du Gasteizko Udalak

Ostiralean Gasteizko udalbatzak onartu du Frankismoaren aurkako plataformak sustatutako mozioa, EAJ, EH Bildu, Podemos eta Irabaziren aldeko bozekin. PP eta PSE-EE kontra azaldu dira. 1976ko martxoaren hiruko sarraskiaren arduradun politikoetako bat da Rodolfo Martin Villa.


2018-12-10 | ARGIA
Martxoak 3 elkartea Urtaranen Gobernuarekin eta EiTBrekin minduta agertu da

Gasteizen kokatuko den Terrorismoaren Biktimen Oroimenerako Zentroak ez ditu bere baitan hartuko Martxoaren 3ko biktimak. Honen gainean galdegin dio EiTBk Martxoak 3 elkarteari, eta horren harira izandako hartu-emanaren ostean, hedabideak zein Urtaranen Gobernuak erakutsitako jarrera gaitzetsi du elkarteak.


2018-10-02 | Hala Bedi
Memoria Gara ekimena
"San Frantzisko eliza memoriaren ikur bihurtu nahi dugu"

Larunbatean “Memoria Gara” ekimena aurkeztu zuten hainbat lagunek Gasteizen, Zaramagako San Frantzisko eliza Memoria eta Giza Eskubideen Zentroa bihurtu dadin eskatzeko. 1976ko martxoaren 3ko biktimen erreparazio eta oroimenean beharrezko pauso bezala aldarrikatu zuten elizaren erabilera.


Rodolfo Martin Villa frankismoaren ministro ohia berriz galdekatu nahi du Servini epaileak

Hainbat hilketa egozten dizkio Servinik ministro ohiari. Horien artean daude 1976ko martxoaren 3an Gasteizen Polizia Armatuak hil zituen bost langileenak.


2018-09-27 | Hamaika Telebista
"Martxoaren 3ko kasuan, egiaren aitortza eta zigorgabetasunaren amaiera nahi ditugu"
MULTIMEDIA - erreportajea

1976ko martxoaren 3an Espainiako Poliziak Gasteizen egindako sarraskia Arabako herritarren oroimen kolektiboan iltzatuta geratu da. 42 urte geroago, justiziaren aldeko aldarriak bizirik jarraitzen du. Martxoak 3 elkarteak, egia eta biktimentzako aitortza eskatzeaz gain, arduradunen zigorgabetasuna salatu du. Horretarako, Argentinan, Servini epailearen bitartez, bide judizialari ekin dio eta Bruselan europarlamentariekin biltzeko aukera izan du. Gasteiztarren oroimen kolektiboa markatu duen... [+]


Eguneraketa berriak daude