Melillan dagoen euskal karabanak oztopoak eta erasoak salatu ditu
Espainiako Poliziak mugara inguratzea eragotzi die begirale lanak egin nahi zituzten ekintzaileei. Bestalde, agenteek zamaketari bati egindako erasoaren frogak aurkeztu dituzte Gobernuaren Ordezkaritzan.
Errefuxiatuen aldeko Mugak zabalduz karabanako kideak zailtasunak izaten ari dira Melillan Marokorekin mugan gertatzen ari denaren berri izateko. Poliziak oztopoak jarri dizkie ingurura hurbiltzeko, “inolako azalpenik eman gabe”.
Azaldu dutenez, bost emakumez osaturiko komisio batek Melillako txinatar auzoko muga pasatzea lortu duenean, tentsio uneak bizi izan dituzte eta eraso baten lekuko ere izan dira. Zamaketari lanetan aritzen diren emakumeetako bati eraso egin dio agente batek inolako motiborik gabe.
Karabanan parte hartzen ari diren abokatuek Espainiako Gobernuaren ordezkariari polizia erasotzailea identifikatu ahal izateko bideoa igorri diote eta Espainiako Arartekoaren aurrean kexa aurkeztuko dutela ere azaldu dute.
“In situ ikusi ahal izan dugu, beste igarobide batean, mugaz-gaindiko langileok egunero jasaten duten biolentzia –azaldu dute karabanakoek–. Exijitzen dugu langile hauek gutxienez gure lan-eskubide berak izatea”.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]