Errefuxiatuen aldeko 'Mugak Zabalduz' karabana martxan da

  • Abiatu da Melillaraino helduko den errefuxiatuen aldeko 'Mugak Zabalduz' karabana. Europar Batasuna eta Espainiako Estatua egiten ari diren migrazio politikak eta giza eskubideen urraketak salatzea dute helburu, uztailaren 14tik 22ra.

Itsaso Zubiria Etxeberria @itsasozubiria
2017ko uztailaren 14a
(Arg.: @nagorgorita).

Euskal Herritik lau autobus dira Melillara bidean, eta ARGIAk bertan doan ekintzaile batekin hitz egiteko aukera izan du. "Bi autobus beteta atera gara Bilbotik, eta Euskal Herriko beste biekin Bardeetan elkartuko gara laster", adierazi digu. Melillan hiru egun pasako dituzte eta hura izango da ekintza jendetsuenak bilduko dituen gunea (Espainiatik beste lau autobus gerturatuko dira), baina bidean ere prestaturik dituzte hainbat ekintza. "Lehena Bardeetan egingo dugu, salatzeko industria militarrak gaur egungo egoera larriarekin duen lotura zuzena", azaldu du ekintzaileak. Madrilgo Kongresuaren aurrean protesta egingo dute bihar, uztailak 15, Sevillan ere bai, eta Tarifako eta Aljecirasko atxikitze zentroen (gazteleraz CIE) aurrean ere bilduko dira.

Melillan performance-ak, elkarretaratzeak eta protestak egingo dituzte "Mediterraneoan gure erruz", dio ekintzaileak, "hiltzen diren pertsona guztiengatik, Melillako kaleetan inolako babesik gabe bizi diren haurrengatik, emakume migranteek bizi duten egoeragatik, Marokoren eta Melillaren arteko mugan ibiltzen diren porteadoreengatik". Guztira, bertan, 450-480 pertsona inguru biltzea espero dute.

Baina beren lana ez da han protesta egitea bakarrik izango. Afrika iparraldera bidean doan lagunak dioenez, "gure lana izango da itzuleran guztia kontatzea, zer ikusi dugun azaltzea, zergatik joan garen, zer salatzen dugun eta egoera zein den; denok egin dezakegu zerbait eta ezin dugu pentsatu ezer egin ezin denik. Borroka ditzagun guztionak diren giza eskubideak".

(Argazkia: @arantzatxu)

(Argazkia: @ArabaOEE)

(Argazkia: @kokoteko)

Kanal hauetan artxibatua: Errefuxiatu krisi globala  |  Giza eskubideak

Errefuxiatu krisi globala kanaletik interesatuko zaizu...
2017-11-19 | Miren Artetxe
Bortizkeria matriuskak

Zabaldu matriuska.

EFE agentziaren berria. Lerro-burua: “Cantabria espainiar ontziak itsasoan aurkitutako 26 gorpu lehorreratu ditu”. Testua: “Ontziak Italiako Salerno hirian porturatu ditu 26 emakumeren gorpuak, itsasoan erreskatatutako beste 400 immigrante eta errefuxiaturekin batera”.

Emakumeak izateak ez du, antza, lerro-bururik merezi (eta kurioski, testuan immigrante eta errefuxiatuak bereizteak bai). Salernoko prefetaren azalpenak jasotzen ditu berriak:... [+]


2017-11-15 | Axier Lopez
Ongi etorri armak, refugees go home!

Bilboko Portuaren plan estrategikoaren onurak hedabidez hedabide azaltzen aritu da Asier Atutxa presidentea. Baina, enpresariek beren enpresez hitz egitean ohikoa duten autobonboaz aparte, bi galdera ‘deseroso‘ erantzun behar izan ditu. Bata, errefuxiatuak portura ez sartzeko eraikitzen ari diren harresiari buruz. Eta bigarrena, martxoan Ignacio Robles suhiltzaile desobedienteak piztu zuen eztabaidaren harira, Saudi Arabiara bidean Bilboko Portuan izan diren armaz betetako... [+]


2017-11-09 | Juan Mari Arregi
Portuak, bizitzarako edo heriotzarako?

Bilboko Portuak bost urterako Plan Estrategikoa aurkeztu berri du. Getxoko kruzeroen kaian egin du, munduko itsasontzi hoberenetan milaka turista igarotzen diren tokian. Zein da Plana? Irakurleek prentsa bidez jakin ahal izan dute. Baina portuko agintariek ez dituzte azaldu milaka lagunen bizitzari –eta heritozari– eragiten dieten beste alderdi batzuk, nahiz eta portu hori funtsezko tresna izan. Horixe gogoratu zuen Ongi Etorri Errefuxiatuak plataformak, Planaren aurkezpen... [+]


2017-11-09 | Unai Brea
"Legezkoa den bitartean...", Bilboko Portuko presidentearen erantzuna bertatik armak esportatzeaz

Datozen bost urteetarako Bilboko Portuaren Plan Estrategikoa aurkeztu zuten asteazkenean Getxoko gurutzontzien terminalean. Kanpoko aldean hainbat pertsonak Portuaren politikengatik protesta egiten zuten bitartean, Mikel Otero EH Bilduko legebiltzarkideak arma trafikoaz igorritako galderari erantzun zion Asier Atutxa Portuko Agintaritzako presidenteak: “Legezkoa den bitartean, nire iritziak ez du axola”.


2017-11-08 | Unai Brea
Arma esportazioaren eta migratzaileei hesiak jartzearen aurkako protesta Bilboko Portuan

Ongi Etorri Errefuxiatuak plataformak deituta, Bilboko Portuaren politiken kontra protesta egiteko hainbat lagun bildu dira Getxoko gurutzontzien kaian, portuko Plan Estrategikoa aurkezten ari ziren bitartean. Armak esportatzea eta migratzaileei trabak jartzea salatu dute besteak beste.


2017-10-22 | Andoni Mikelarena
Lotsaren harresia Bilboko Portuan

Bilboko Portuko arduradunak lau metroko altuera duen harresi bat eraikitzen ari dira, errefuxiatuak ferryetan polizoi modura sartzea eragozteko. Erabaki horrek erreakzio ugari eragin ditu.


2017-10-11 | Andoni Mikelarena
Migranteak ilegalki kanporatu ostean Zoidok dio "ez dutela zertan hesia saltatu"

Senatuan hitz egin du Juan Ignacio Zoido Espainiako Barne ministroak, aurreko astean Estrasburgok migranteen kanporatze azkarraren inguruan emandako epaiaz.


2017-10-10 | Andoni Mikelarena
Lotsaren harresia Bilboko Portuan

Bilboko Portuko arduradunak lau metroko altuera duen harresi bat eraikitzen ari dira, errefuxiatuak ferryetan polizoi modura sartzea eragozteko. Erabaki horrek erreakzio ugari eragin ditu.


Rohingya herria, sarraskitik ihesi

Rohingya herriko ia milioi erdi lagunek ihes egin dute Myanmarretik (lehengo Birmania) Bangladeshera. Myanmarreko Gobernuko iturriek berriki aitortu dute rohingyen herrien %40 hustu direla armadaren bortizkeriatik ihesi. NBEko Giza Eskubideen goi komisario Zeid Ra’ad Al Husseinek adierazi du “ageriko garbiketa etnikoa dela”.


2017-09-29 | ARGIA
Errefuxiatuak hartzeko konpromisoak bete ditzan eskatuko diote Europari irailaren 30ean

Bizkaiko Ongi Etorri Errefuxiatuak (OEE) plataformak deituta, elkarretaratzea egingo dute Bilbon irailaren 30ean, Europar Batasunari exijitzeko bete dezala orain bi urte hartu zuen errefuxiatuak jasotzeko konpromisoa. Irailaren 26an agortu zen 180.000 pertsona inguru hartzeko EBk bere buruari ezarritako epea, eta kopuru horren %28 ingururi baino ez zaio eman harrera duina.  


Eguneraketa berriak daude