Medicusmundi Bizkaiak eskatu du ez baztertzeko kolektibo zaurgarriak osasuneko lehen arretan

  • Erakundeak txosten bat aurkeztu du Aldarte fundazioarekin elkarlanean, eta salatu dute osasun publikoan tratu desberdina ematen zaiela LGBTI+ kolektiboko pertsonei zein pertsona arrazializatuei.


2021eko abenduaren 23an - 12:01
Azken eguneraketa: 13:03

Medicusmundi Bizkaia erakundeak eta Aldarte fundazioak aldarrikatu dute kolektibo zaurgarrienek osasuneko lehen arretara sarbide parekidea eta bidezkoa izan behar dutela. Izan ere, Bilbon aurkeztutako txosten batean salatu dute osasun publikoko sistemak baztertu egiten dituela, besteak beste, LGBTI+ kolektiboko kideak eta pertsona arrazializatuak.

El Salto hedabideak jakinarazi duenez, bi erakundeek dokumentu bateratua egin dute, 2018an onartu zen lehen arretaren gaineko Astana Adierazpenari kontrajarria. Itziar Irazabal medicusmundi Bizkaiako presidenteak salatu du adierazpen hori atzerakoia dela: “Astana Adierazpenarekin atzera pausoa eman dugu, zeren ez baitzaio erreferentziarik egiten LGTBI+ kolektiboari inongo puntuetan. Ez da ia inklusiboa, oso hetenormatiboa da, eurozentrista eta androzentrista”.

Bizkaiko lehen arretari buruzko ikerketa bat burutu dute, eta, ondorioztatu dutenez, lehen arretak “ahaztuta” uzten ditu, besteak beste, migratzaileak. “Gaur egun jakintzat ematen da lehen arreta unibertsala dela, baina azterketa honekin konturatu gara ez dutela sarbidea pertsona guztiek”. Esaterako, Aldarte fundazioko Gaizka Villar kideak gogorarazi du Osakidetzako arreta zein sendagaiak jasotzeko beharrezkoa dela Osasun Txartel Indibiduala (OTI), eta migratzaile askok ezin dutela eskuratu, ez daudelako erroldatuta.


Kanal honetatik interesatuko zaizu: Osakidetza
Jaioberrien orpo-probak 14 gaitz bilatuko ditu aurrerantzean EAEn, antzeman daitezkeen 50 gaitzetatik oraindik urrun

Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]


1.431 lanpostu sortzeak ez du Osakidetzaren plantilla handituko, ELA eta ESK sindikatuek salatu dutenez

Eusko Jaurlaritzak Osakidetzan iragarritako lanpostuak behin-behinean dauden langileen plazak formalizatzeko izanen direla esan dute ELA eta ESK sindikatuek.


Lehen arreta eta lan-baldintzak indartzeko premia

Eusko Jaurlaritzak 277 milioi euro bideratuko ditu ospitaleak handitzeko, eta ESK sindikatuak “desegokitzat” jo du erabakia.


EAEn azpikontratatutako osasun-garraioaren greba mugagabea hasi da

Astelehenean, otsailaren 19an, EAEko anbulantzietako langileek greba mugagabeari ekin diote.


Eguneraketa berriak daude