Martxoaren 3ko mobilizazio nagusiak aurkeztu dituzte Gasteizen

  • Martxoaren 8ko Greba Feministan parte hartzeko deia egin dute eragileek eta sindikatuek, izan ere, mugimendu feminista izango da aurtengo Martxoaren 3ko protagonista nagusietako bat. Ekitaldi nagusia 19:00etan abiatuko den manifestazioa izango da, aurten sindikatuek sinatuko ez dutena.

Hala Bedi @halabedi
2018ko otsailaren 27a
Martxoaren 3ko mobilizazioak aurkeztu dituzte prentsaurrean (Arg: Hala Bedi)

42 urte beteko dira larunbatean poliziak bost langile gasteiztar erail zituenetik. Urtero bezala, mobilizazioak eta ekitaldiak egongo dira Arabako hiriburuan, baina beste urte batzuekin alderatuta, sindikatuak ez dira egun honetako antolatzaile bakarrak izango.

Hedabideen aurrean azaldu dutenez, antolakuntza ereduari buelta bat eman diote eta “gure hiriburuan aktiboak diren eragile eta sindikatuok elkarlanean egingo dugu eguna. Gaur, inoiz baino gehiago, aldaketa sozialerako apostua egiten dugunok batera atera behar gara kalera”.

Urteetan zehar lortutako eskubide guztiak sistema kapitalistak suntsitu nahi dituela salatu dute, “gizarte frakturatu bat eraikiz”. Honi aurre egiteko, han eta hemen sortzen diren esperientziak ekarri dituzte gogora: plano sindikalean, sozialean, ekologikoan, arrazakeriaren aurka, kulturalean… “Guzti hauek batzeko gai izan behar gara”.

Martxoaren 8ko Greba Feministara begira

Mugimendu feministak antolatu duen Greba Feministak garrantzi handia izango du larunbateko zitan. “Kapitalismoak sistema heteropatriarkalarekin batera sortzen duen prekarietatea eta eskubide urraketa salatzeko eguna izango da hau”, gaineratu dute. Horretaz gain, indarkeria hau sistematikoa eta estrukturala dela azimarratu dute.

Martxoaren 3ko mobilizazioetan parte harteaz gain, Greba Feministako deialdietara batzeko deia luzatu dute bildutakoek.

Mobilizazioen ezaugarriak

  • 18:30ean ekitaldia egingo dute Martxoak 3 plazan, Zaramagako auzoan. Bertan, eragile sozialekin sindikatuekin batera adostutako manifestua irakurriko dute eta Martxoak 3 Elkarteak ere bere irakurketa egingo du.
  • 19:00etan manifestazioa abiatuko da bertatik, Andra Maria Zuriaren plazaraino. Lehenengo pankarta herri mugimenduko eragileetako emakumeek* eramango dute; bigarrena, Martxoak 3 Elkarteko kideek; hirugarrena, mugimendu feministak.
  • Manifestazioa amaitzerakoan, ekitaldia izango da Andra Maria Zuriaren plazan: mugimendu feministak hartuko du hitza.

Pelikularen trailerra

Euskal Herrian ekoiztutako pelikularik onenak eskainiko ditu Euskal Zinemaren Asteak Dendarabako Vita Fundazioko aretoan astelehenetik larunbatera bitartean. Martxoaren 3an bertan, 20:00etatik aurrera, berriki grabatu duten 1976ko martxoaren 3ko gertaeren inguruko pelikularen trailerra aurkeztuko dute. Bertan izango dira Victor Cabaco zuzendaria eta zenbait aktore, grabazioaren nondik norakoak azaltzeko.

Elkarrizketa hau Hala Bedik argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


1976ko martxoaren 3a kanaletik interesatuko zaizu...
2018-07-12 | Arabako Alea
Martxoaren 3ko gertakarien aitortza galdegingo dio Europak Espainiari

Justizia Ministerioari elkarte memorialistak eskatutako gutuna helaraztea adostu du Eskari Batzordeak.


EAEko Espainiako Gobernuko ordezkariaren ustez Martxoak 3ko hildakoek ez dute lekurik Terrorismoaren Biktimen Oroimenezko Zentroan

 Jesus Laza ordezkariak dionez “gertatutakoa ez zelako terrorismoa izan”. Martxoak 3 elkarteak salatu du “memorialak memoria apartheida planteatzen duela” eta “estatuko terrorismoa” dela gaineratu dute Hala Bedik jaso duenez.


2018-05-17 | Miren Osa Galdona
Martxoaren 3ko sarraskian izan ziren polizien zerrenda eskatu dio Servini epaileak Espainiako Gobernuari

Maria Servini epaile argentinarrak kargu hartu dio Espainiako Gobernuari. Barne Ministerioari eta Gobernuak Araban duen ordezkaritzari 1976ko martxoaren 3an Gasteizko polizia operazioan parte hartu zuten polizien izenak eskatu dizkie. Baita goi kargu eta kasuarekin zerikusia izan dezakeen ororen datuak ere.


15.340 egun justizia eske

Pasa den larunbatean 42 urte bete dira sarraskia gertatu zenetik. Espainiako Poliziak 1976ko martxoaren 3ko greba orokorrean egin zituen 2.000 tiroek bost lagun hil eta 150 zauritu zituen.


2018-03-05 | Arabako Alea
Martxoaren 3ko biktimentzat justizia eskatu dute milaka lagunek Gasteizen

Aurten, emakumeek eta herri mugimenduek hartu dute protagonismoa.


2018-03-04 | Juan Mari Arregi
Gasteiz 1976: ez ahaztu, ez etsi

Espainiako Estatuko ordezkariek eta Arabako patronalak 1976ko martxoaren 3ko data ahaztu nahi dute.


2018-03-02
"Gasteizko herri mugimenduari esker daude bizirik 1976ko martxoaren 3ko aldarrikapenak"

Nerea Martinez Martxoak 3 elkarteko bozeramailearekin hitz egin dute gaur Hala Bediko Hizpidea saioan, 1976ko martxoaren 3ko hilketen 42. urteurrenaren bezperan. Urteotan guztiotan Gasteizko herri mugimenduak izan duen garrantzia nabarmendu du Martinezek, hildako 5 langileen eta zauritutako guztien memoria bizirik mantendu ez ezik, egungo antolaketa eta aniztasunaren eredu ere izan baita.


2018-03-02 | Jaikialdia
M3an kanpusean gertatutakoaren harira ikasleriaren irakurketa

Larunbatean beteko dira 42 urte martxoak 3ko sarraskia pasa zenetik. 42 urte poliziak 5 langile hil eta ehunka zauritu zituela. 42 urte Gasteizko eta Euskal Herriko langile mugimenduaren historia beltzez tintatu zenetik.


2018-03-01 | ARGIA
Ertzaintza Arabako campusean sartu da, Martxoaren 3a salatzeko manifestazio baten aurka oldartu ondoren

Ikasle Abertzaleek deituta manifestazioa egin dute 1976ko martxoaren 3an poliziak bost langile hil zituela gogoratzeko. Hala Bedi bere webgunean argitaratu duenez manifestazioa amaitzen ari zela Ertzaintzak kargatu egin du ikasleen kontra.


Imanol Olabarria
"Francoren heriotzaz geroko krimenik handiena izan zen Martxoaren 3koa"

Urtero da martxoak 3. Bost hildako Gasteizen eta ehunka zaurituak, balaz gehienak, 1976an. Hilabete batzuk lehenago etorria zen Gasteizera lanera Imanol Olabarria. 1975eko azarotik martxoaren 3ko txikizio hura bitartean hainbat fabrikatan egin ziren protesta, asanblea eta mobilizazioetan parte hartu zuen. Are, eragileetakoa izan zen.


Azkenak
EGILEA
Eguneraketa berriak daude