ARGIA.eus

2022ko ekainaren 25a

Marrazki bizidunak eskaintzeko ETB-3ren seinalea emitituko du zenbait orduz ETB-1ek Nafarroan

  • Goizez eskainiko du lehenengo kateak hirugarrenaren emisioa, Nafarroako haurrek egokitutako programazioa izan dezaten.

Euskalerria irratia @fm983irratia
2016ko irailaren 23a

Atzo sartu zen ETB Nafarroako etxeetara berriz, EAEk eta Nafarroak sinatutako hitzarmenari esker. Ez dago zonalde guztietan, baina: ETB-3 herrialde osoan ikusten da, Iruñerrian izan ezik. Alegia, nafarren erdiek ezin dute ikusi.

Gainontzekoan, ETB2 Iruñerrian, Tafallaldean, Lizarraldean, Zangotzan eta Tutera inguruan ikus daiteke. ETB-1, aldiz, Nafarroa osoan.

Lau urterako akordioa

Vaughan kateak haren telebista lizentziari uko egiteak ahalbidetu du, hein handi batean, kateen berrantolaketa. Izan ere, kanal autonomiko bat utzi du libre: hori da ETB-1k hartu duena. ETB-2 eta ETB-3, berriz, tokiko telebisten kanalak hartu dituzte.

Apirilean moztu zuten ETBren seinalea Nafarroan, erregionalisten gobernuaren trikimailu bat medio. Uztailean sinatutako akordioari esker ikus daitezke kateak orain.

Lau urtetarako balio du hitzarmenak. Aurrera begira, bi bide har ditzake Nafarroak: bat, bigarren multiplex bat ezartzea; bi, multiplex digitalean sei kate sartzea.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: ETB  |  Nafarroa

ETB kanaletik interesatuko zaizu...
2021-11-07 | Ula Iruretagoiena
Lurraldea eta arkitektura
Telebistako arkitektura

20 urteren ostean, Anne Igartiburu EiTBra itzuli da, zer eta arkitektura lantzen duen programa bat aurkeztera. Kuriositateak hartuta, emitituriko hiru programak irentsi ditut. Zaila egin zait Espainiako telebista kate publikoak arkitekturaren sustapenerako egiten duen Escala... [+]


2021-07-04 | Unai Brea
Asier Larrinaga Larrazabal. Lagunarteko euskara hornitzen
“Ez dugu sortu behar gaztelaniaren ispilua den euskara kolokial bat”

Euskal filologia ikasten zebilela hasi zen EITBn Asier Larrinaga (Bilbo, 1965), hizkuntz zuzentzaile lanean. Handik zortzi urtera, 1999an, EITBko Euskara Zerbitzuko arduradun izendatu zuten, eta horretan dihardu ordudanik. “Zerbitzu txikia gara, enpresa honek duen... [+]


ETB3 Nafarroa osoan ezartzeko "muga teknikoak" daudela onartu du gobernuak

Haurrentzako euskarazko programazioa eskaintzen duen kanala lurralde osora zabaltzeko multiplex autonomikoa zabaldu edo bigarren bat ezarri beharko litzateke. Espainiak "teknikoki ezinezkoa" dela adierazi dio gobernuari.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude