Maravillas gaztetxearen aldeko manifestazioa deitu dute urtarrilaren 19rako
Udaletxe plazan abiatuko da 17:00etan, 'Maravillas aurrera' lelopean. Protesta zaratatsuari ekin diote arratsaldean, eta foruzainak eta Espainiako Poliziak oldartu egin zaizkie.
Salda beroa banatzeko hitzordua iragarri zuten atzo gaztetxeko kideek. 18:00etan batu dira. Navarreria plazan egin nahi zuten ekintza. Baina ez dute aukerarik izan horretarako, poliziak ez die sartzen utzi. Protesta zaratatsua egiten ari dira orain Alde Zaharreko karriketatik. 20:00etan oldartu egin zaie Foruzaingoa eta Espainiako Polizia, gomazko pilotak jaurtiz. Alde Zaharrean gertatzen ari dena zuzenean eskaintzen ari da Ahotsa.info ataria.
Atzoko oldarraldian zauritutakoen irudiak eskutan egin dute prentsaurrekoa Maravillas gaztetxeko kideek. "Txakur gorri zein urdinek" 50 lagun baino gehiago zauritu zituztela salatu dute. Gaztetxean arriskurik egon ez dela, eta bizilagunei kalterik eragin ez dietela gaineratu dute. Nafarroako Gobernuak gaztetxeak ordezkatzen zuen ereduaren beldur dela uste dute.
Manifestazioa deitu dute gaztetxearen alde urtarrilaren 19rako. Iruñeko Udaletxe plazatik irtengo da manifestazioa 17:00etan, Maravillas aurrera lelopean.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]