Manifestazioa egingo du mugimendu antiespezistak ostiralean Bilbon
Euskal Herriko hainbat eragile antiespezistak deitu du manifestazioa azaroaren 1an Bilbon. Unamuno plazatik abiatu eta udaletxean amaituko dute mobilizazioa.
"Urratsez urrats, animalion askatasunerantz!" lelopean, Euskal Herriko mugimendu antiespezistak manifestazioa deitu du ostiral honetan. NOR antiespezista, Askekintza, Tafalla Antiespezista, Bezala, Arkanbele, Gasteizko Ekipo Antiespezista, Antsoain Antiespezista, Inurri Antiespezista, Durangaldea Antiespezista eta Liberazio orroa eragilean batu dira mobilizazioa deitzeko.
Eguerditik aurrera hasiko da egitaraua Bilbon. 13:00etan busen iritsiera aurreikusi dute antolatzaileek. Somera kaletik poteoa abiatuko dute jarraian. 15:00etan, bizkotxoa, txokolatea eta kafea eskainiko dute 7Katu gaztetxean. Horren ostean, 15:30etan, Peru Galbeteren kontzertuaz gozatuko dute. 17:00etan hasiko da manifestazioa, Unamuno plazatik, eta Udaletxean amaituko da. 20:00etan iritsiko dira autobusak.
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
