ARGIA.eus

2022ko maiatzaren 24a

'Maite zaitugu, maita gaitzazu zuk ere'. Twitter euskaratzeko kanpaina berria abian

  • Twitter euskaratzeko eskatuz bigarren kanpaina bat abian da. Joseba Kamiok eman zion hasiera Maite zaitugu, maite gaitzazu zuk ere mezuarekin. Sortzaileak adierazi duenez, helburua euskal erabiltzaileek egunero mezu hau Twitter-eko administratzaileei bidaltzea litzateke, hauek itzulpen sistema euskarari ere ireki diezaioten.

Kanpaina abiatu zuen mezua
2011ko azaroaren 24a

Mezu hau izan zen hasiera:

"We love u. Please, do love us back". "One twit per day" campaign to get @ in basque language. Help us meet the future #basquetwitter

Euskaratuta honela litzateke:

Maite zaitugu, mesedez, maita gaitzazu zuk ere. "Egunero twit bat" kanpaina @Twitter euskaraz lortzeko. Lagun gaitzazu etorkizunarekin bat egiten #basquetwitter

Twitter bidez eman dituen azalpenetan dio kanpaina "sinpatiko" bat hobetsi duela, eta erabiltzaile kopuru jakin batetik gorak bat egitea  lortuz gero, eraginkor izan daitekeela. Kanpaina automatizatzea proposatu du Kamiok bere blogean, Buffer tresna erabilita. Honekin, erabiltzaileak aldez aurretik prestatuta utzi ditzake egunero era automatikoan bidaliko dituen mezuak.

Gaur goizean Twitterreko euskal komunitatean protagonismo handia izan du kanpainak eta asko izan dira mezu bera bidali dutenak.

Ez da Twitter euskaratzeko eskatuz abiatzen den lehen kanpaina. Aurretik, beste plataforma bat erabiliz, ARGIAko kazetari Lander Arbelaitzek atxikimenduak lortzeko kanpaina bat abiatu zuen, kataluniarrek egindako kanpaina bat egokituz. Bertan, bederatzi hilabetetan ia 1.900 atxikimendu bildu dituzte euskal erabiltzaileek eta oraindik ere atxikimenduak hazten doaz.

Twitter plataforma munduko webgunerik garrantzitsuenetako bat da, 200 milioi erabiltzaile dituela estimatzen da, eta egunean 65 milioi mezu bidalizen direla zerbitzu hau erabilita. Itzulpengintza zerbitzu bat dauka, eta erabiltzaileen laguntza eskatuta zerbitzua hizkuntza batera eta bestera itzultzen ari dira. Gauzak honela, Twitterreko euskal eta kataluniar komunitateak sare soziala presionatzen ari dira itzulpena euren hizkuntzetara ere ireki dezaten.

Kanal honetan artxibatua: Twitter

Twitter kanaletik interesatuko zaizu...
Elon Muskek Twitter erosi izanak eraginda jende uholdea Mastodonera

Elon Muskek, dirutan munduko pertsona aberatsenak, Twitter osorik erosi izanak zalaparta handia eragin du. Hartu ditzakeen erabakien beldur Twitterreko erabiltzaile askok Mastodoneko larre gozoagoetara jauzi egitea erabaki du. Muskek duela hilabete Twitteren zati erosi zuela... [+]


2022-04-26 | ARGIA
Elon Muskek Twitter erosi du

Munduko pertsona aberatsenak erosi du sare soziala, 44.000 milioi dolarrean.


2021-06-16 | ARGIA
Agur Google, kaixo Matomo: zure pribatutasuna babesteko neurri berriak ARGIAn

Gauza jakina da multinazional askok herritarron datuekin negozioa egiten dutela. Horretarako, doan eskaintzen dizkiguten zerbitzuen bidez, batean eta bestean uzten ditugun arrastoak biltzen dituzte etengabe. Gure irakurleen pribatutasuna bermatzeko hiru neurri berri hartu ditugu... [+]


2020-11-25 | ARGIA
'Hodeia ez da existitzen' Iametzaren podcast kanalaren lehen saioa entzungai dago Baleafunk.eus instantzia librean

Teknologiaren gainean eta bereziki teknologia burujabetzaren inguruan arituko den ‘Hodeia ez da existitzen’ kanal berria abiatu du Iametzak. Hori zabaltzeko Baleafunk.eus sortu du, musika eta podcastak entzuteko sare libre eta deszentralizatua.


2020-10-08 | Dabid Martinez
'The (double) social dilemma'

Ados. Horrenbeste input jaso eta gero, The social dilemma ikusi dut asteburuan. Netflix-en. Horra nire lehen dilema.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude