Astearte gauetik ehunka pertsona Madrilgo erdigunean dagoen La Ingobernable zentro sozial okupatua defendatzen aritu dira. Desalojo agindua datozen egunetara atzeratu dute, eta gunea defendatzen jarraitzeko deia zabaldu dute.
Asteazkenean, goizeko hamarretan, Madrilgo Udaleko funtzionarioak La Ingobernable eraikin okupatura hurbildu dira desalojo agindua komunikatzera, baina zentro sozialeko asanbladako bozeramaile batek adierazi duenez, ezin izan dira atera hurbildu ere egin, “zegoen jende andana” dela eta; “Madril Gobernaezin Bat” lelopean jaso dituzte funtzionarioak.
💛 Así está la plaza de la Ingobernable, como en el 15M, pero un miercoles de agosto a las 9 de la mañana.
Frente a quienes nos amenazan con el uso de la fuerza, defendemos el centro social que salvamos de su demolición y privatización. #NoNosVamosDesayunamos pic.twitter.com/rSZDAd8fZI
— La Ingobernable (@CSIngobernable) August 28, 2019
“Gaurko desalojo saiakera geratzea lortu dugula esan dezakegu”, adierazi du bozeramaileak txalo eta txistu artean. “Gobernaezin, desalojaezin”, “desalojo bat, beste okupazio bat” eta “ez gara beldur” oihuen artean jaso dituzte funtzionarioak. Gaurko pausua bide judizialaren hasiera dela adierazi dute funtzionarioek.
Irailean zentroaren egutegi normala berriz hartuko dutela adierazi dute, instituzioen mehatxuek ez dituztela beldurtuko esanaz. Haien hitzetan, hilabetean 200 ekintza antolatzen dituzte, eta bi urtetan 140.000 pertsona hurbiltzea lortu dute.
200 actividades al mes, 140.000 personas en 2 años y mucho cariño todos los días a fuego lento, consiguen cosas extraordinarias.
Frente al odio y la guerra entre pobres, la solidaridad en Madrid es indesalojable. #NoNosVamosDesayunamos pic.twitter.com/rcfs7U97u8
— La Ingobernable (@CSIngobernable) August 28, 2019
La Ingobernableren historia
Eraikina urteetan hutsik egon zen, eta pertsona batzuek 2015ean okupatu zuten. Hortik aurrera, eragile eta talde asko gehitu dira proiektura, hiriko erreferentzietako bat izatera iritsi arte. “La Ingobernablek hainbat gauza ematen dizkio hiriari. Urte hauetan hiriko mugimendu sozialen egoitza bihurtu gara, PAH, M8 edo Ecologistas en Acción eragileena adibidez. Madrilek diruaren logikatik at dauden espazioak behar ditu, baliabiderik ez duten pertsona edo eragileek leku bat izan dezaten”, adierazi du bozeramaile batek.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]