Lurrak sal ditzaten, Solaria enpresaren “etengabeko presioa” salatu dute UAGAko nekazariek
Solariak makrozentral fotovoltaikoak eraiki nahi ditu Arabako 1.100 hektareatan, eta horretarako lur sailak erosi behar ditu. Enpresak diruaren truke egindako “jazarpena” salatu dute lurren jabeek, Edurne Begiristain kazetariak Berria-n jakinarazi duenez.
aurre egingo dieten hedabide independenteak
UAGA Arabako Nekazari Elkarteak Solaria enpresaren “presioa” eta “jazarpena” salatu du. Solaria enpresak makrozentral fotovoltaikoak eraiki nahi ditu Arratzu-Ubarrundia udalerriko (Araba) 1.100 hektareatan, eta horretarako lur eremu zabalak behar ditu. Gauzak horrela, inguru horietako nekazariei laborantza lurrak erostea du helburu, baina hauen ezezkoaren aurrean, “etengabeko presioa” eta “kolonizazio mehatxua” salatu dute nekazariek.
Nekazariek salatu dute Solariako kideak haien etxe eta lantokietan agertzen direla eta telefonoz deitzen dietela etengabe lurrak sal ditzaten, Berriak jakinarazi duenez. Halaber, nabarmendu dute haien jabetzen inguruko datu konfidentzialen berri dutela, baita datu pertsonalena ere: “Gure datu guztiak dituzte: badakite zenbat lur ditugun, eta gezurrekin xantaia egiten saiatzen dira, esanez batzar administratiboek lurrak saltzearen alde sinatu dutela eta guk ere hala egin beharko genukeela”.
Enpresak “kopuru izugarriak” eskaintzen dizkietela azpimarratu du Arabako nekazari Alfredo Ortiz de Zaratek. Hala ere, ezezkoa askotan eman duen arren, enpresak ez duela amore ematen adierazi du: “Behin eta berriz esan diet ez dudala interesik, baina berriro itzuli dira. Berriro ez bueltatzeko eskatu diet, baina alferrik”. Ertzaintzara salaketa jartzera jo du, baina mehatxurik jaso ez duenez ezin dutela ezer egin esaten diote.
Nekazarien etorkizuna arriskuan ikusten dute UAGAko kideek, haien ustez jabe askorentzat “oso erakargarria” baita enpresak eskainitako dirutza: “Ogibide honek ematen duen baino askoz diru gehiago eskaintzen ari dira, eta, noski, askok amore emango dute”. Berriak jaso duenez, hala ere, “mehatxuen” aurrean geldirik geratuko ez direla azpimarratu dute, eta egoera honen aurrean instituzioen “utzikeria” salatu dute: “Horrela segituz gero, Araba suntsituko dute”.
Maribi Ugarteburuk, EHNE Bizkaiaren enkarguz, herrialdeko hamar emakume baserritarren bizi historiak batu ditu Erein, Borrokatu, Bizi liburuan. Azken mende erdian Hego Euskal Herrian nekazaritzan eta abeltzaintzan izandako gertaerak bizi izan dituzten emakumeak dira protagonista.
Martxoaren 1ean ospatuko du NNPEK-k urteurrena argazki erakusketa eta txalaparta ikuskizun batekin.
Gasteizko protestak Trebiñu eta Araba elkarteek deitu dituzte, Tafallakoak Semilla y Belarra elkarteak eta Baionakoak 'Pirinio mendikateko laborariek’. Denek salatu dute Mercosur merkataritza akordioaren ondoriozko konpetentzia, eta erregaien zerga gehiegizkoak.
Mikro eta makro kontzeptuen arteko muga lausoa da, eta elkarren arteko eragina lausoa izan arren, eragiten du. Baita gugan ere. Arazoa dator lainopeko itsutasunean asmatzen ez dugunean gu geu non gauden, herria non dagoen.
Sanmartinak gure baserrietan oso ezagunak dira, txerria hiltzeko garaia baita. Jende askok, ordea, ez du jakingo antzina San Martin egunak nekazaritza urtearen amaiera ezartzen zuela. Eta hori ez zen ahuntzaren gauerdiko eztula. Izan ere, urte amaierarekin etxeko ugazabari... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
Baserritarrek badute oporrik? Galdetu dute eskolan. Ezezkoa erantzun dute ikasleek. Orduan, egunero lanean, baserritar izan nahiko zenukete etorkizunean? Eta inork baserritarra izan nahi ez badu, nork egingo du guretzako janaria? Airean gelditu da galdera.
Pertsonaren osasun... [+]
Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]
Titulu handia iruditzen zaio “nekazari”. Bera “mahastizain” omen. Baina, izan, da nekazari mahastizaina. Eta da, izan, emakume nekazari mahastizaina. Eta mahatsaren orpotik mama goxoa nola, halaxe aletu ditu Ana Iriarte Bañezek lanbidearen... ez... [+]
Asteleheneko goizeko 10:00etatik hasita 24 orduz itxi nahi dute muga. Nekazariek salatu dute martxotik ez dela aurrerapausurik eman beren eskaeren inguruan.
Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Ostegun goizean, traktoreekin elkarretaratzea egin dute kanpoaldean, eta saioa hasi denean hainbat nekazari ateraino hurbildu dira. Tirabirak izan ondoren, Foruzaingoak atea ixtea lortu eta manifestariek ezin izan dute barrura sartu.