ARGIA.eus

2022ko urtarrilaren 25a

Lufthansak 18.000 hegaldi huts edo ia huts egin ditu neguan aireportuetako ordutegi eskubideak ez galtzeko

  • Pandemia lehertu zenetik hegaldi fantasmen kontua milaka aldiz errepikatzen ari da. Azken datuak Luftahnsa konpainiarenak dira. Nazioarteko aireportuetako ordutegi eskubideak ez galtzeko, 18.000 hegaldi huts –edo oso bidaiari gutxirekin– egin ditu, eta bere jabetzakoa den Brussels Airlines konpainiak, adibidez, bertan behera uzteko moduko beste 3.000 egin dituela jakin berri da.

Lander Arbelaitz Mitxelena @larbelaitz
2022ko urtarrilaren 10a
Milaka eta milaka hegaldi huts egiten ari dira pandemia hasi zenetik aire konpainiak, beren negozio interesak lehenetsiz.

Le Soir eta RTBF hedabideek egin dute publiko informazioa: Brussels Airlines konpainiak 3.000 hegaldi huts edo ia huts egin ditu azken hilabeteotan aireportuetako ordutegi eskubideak bermatzeko. Albisteak astindua ekarri du herrialde hartan eta Belgikako gobernu federalak Europako Batzordeari idatzi dio eskatuz aireportuetako ordutegiei buruzko arauak birpentsatzeko.

Lufthansa konpainia alemaniarrak, bere hegaldi eskubideak ez galtzeko negu honetan 18.000 hegaldi huts edo ia huts egin beharko dituela jakinarazi du, Climáticak jaso duenez. Konpainiaren ustez "zentzurik gabeko hegaldiak dira".

2020 hasieran, airelineek programatuta zeuzkaten aireratzeko edo lurreratzeko ordutegian %80a bete behar zuten gutxienez etorkizunena hegaldiak antolatzeko eskubidea gal ez zezaten. Hori pandemia gertatu aurretik zen. Ondoren %50era jaitsi zuten, baina oraindik ere gehiago apaldu beharko litzatekela dirudi konpainiek ez dezaten jarraitu bidaiaririk gabeko milaka bidaia egiten, horrek dakarren kutsadura eta zentzugabekeriarekin. Belgikako Mugikortasun Federaleko ministro Georges Gilkinetek Europako garraio komisario Adina Valeani hori eskatuz idatzi diola esan du.

Financial Times egunkariaren informazioen arabera, Bruselako agintariek arau horiek aldatzeko presioak sentitzen dituzte.

Stay Grounded mugimenduak salatzen duenez, munduko klima beroketaren %5etik %8ra hegazkinek sortzen dute, eta beraz, aire konpainiek neurri arduratsuak hartu behar dituzte klima larrialdiari erantzuteko. Hegaldi fantasma hauek kezka areagotu besterik ez dute egin.

 

Kanal hauetan artxibatua: Larrialdi klimatikoa  |  Ekonomia

Larrialdi klimatikoa kanaletik interesatuko zaizu...
Karbono merkatuak adostu dituzte Glasgown, sistemak bere horretan segitzeko gisan

Berotegi efektua eragiten duten gasen isurketak murrizteko asmoz, 1997an izenpeturiko Kyotoko Protokoloak ekarri zuen karbono merkatuaren aukera, ondotik Parisko Akordioak gauzaturikoa eta behingoan, Glasgowko gailurrean xeheki adosturikoa. Munduko kutsatzaile handienak pozik... [+]


2021-11-28 | Itxaro Borda
Prest al gara?

Ez dugu erraten ahal Glasgowko COP 26 gailurraren berririk ukan ez dugula: euskal kazetariak han ziren eta bertan nabaritu den tentsioaren neurria ederki partekatu dute gurekin. Eskerrak eman behar dizkiegu. Baina meza kantatu erraldoia ehorzketa baten parekoa izan dela ezin... [+]


Nekazariekin batera zaindu lurzoru naturala, CO2 biltegi handiena eta biodibertsitate altxorra

COP26 biltzarraren bezperan, planeta osoko laborarien bozgorailu izan nahi duen Via Campesina saiatu da klima are gehiago zora ez dadin bere proposamena zabaltzen Hararetik (Zimbabwe): “Aldarrikatzen dugu aitortua izan dadila nekazaritza agroekologikoak, basogintza... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude