"Liskarra nahi dutenei aukera ez emateko" bertan behera utzi du Sarek Arrasateko manifestazioa
Sarek Arrasaten larunbatean egin behar zuen martxa bertan behera geratuko dela jakinarazi du prentsaurrekoan. "Bizi osorako zigorrik ez! Giza Eskubidea, elkarbizitza, konponbidea" leloa zuen mobilizazioaren harira, "giza eskubideen aldeko ekimenak kriminalizatzeko" saiakera izan dela salatu dutela. Manifestazioaren partez, herrietan elkarretaratzeak egitera dei egin dute.
"Giza eskubideen aldeko mobilizazio hau hutsaltzeko eta kasu batzuetan kriminalizatzeko ahalegina egin da", adierazi dute Begoña Atxa eta Joseba Azkarraga Sareko kideek Arrasaten ostiralean egindako prentsaurrekoan. Kasuak, Besteak beste, VOX-ek eta PPk hauspotuta, zabalpen mediatiko handia izan du azken egunotan manifestazioak, Unai Parot presoaren aldeko mobilizazioa dela salduta.
31 kilometroko ibilaldia zegoen prestatua larunbaterako Arrasaten, presoen, iheslarien eta deportatuen etxeratzea eskatzeko, eta Unai Paroten salbuespenezko egoera amaitzea galdatzeko. "Mesede eskasa egingo genioke gure herriari eskubideen urraketa horren aurrean isilik geratuko bagina, biktimei min handiago eragiten iela dioen argudio faltsua erabilita", adierazi dute prentsaurrekoan. Elkar ulertzeko espazioak bilatzeko unea dela iritzita, "xede poliko edo ideologikoak tarteko, etsaitzeko, hutsaltzeko eta manipulatzeko jarrerei" ez diete aukerarik eman nahi.
Horregatik, Arrasatera "liskarrak eragitera etortzeko asmoa zutenei" –PPk eta Voxek ekitaldiak sustatu dituzte zapatuan Arrasaten– betarik ez emateko, mobilizazioa bertan behera utzi eta herri guztietan elkarretaratzeak antolatzeko deia egin dute, lelo berari eutsita: "Bizi osorako zigorrik ez! Giza Eskubidea, elkarbizitza, konponbidea".
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.