Libanon lan egiten duten etxeko langile kanpotarrak elkartzen hasi dira nagusien gehiegikeriekin amaitzeko. Emakumeek sindikatu bat sortu nahi dute, eta horretarako proposamena aurkeztu dute Lan Ministerioan.
Asia hego-ekialdetik edo Afrikatik iritsitako emakumeak izan ohi dira Libanon etxeetako langile gisa jarduten dutenak. “Kafala” deituriko kontratazio sistemaren bidez, langile horien nagusiak beraien arduradun legalak bilakatzen dira eta ia botere osoa dute beraiengan.
Etxeko langile kanpotar batek etxea uztea erabakitzen badu, biztanle ilegal bilakatzen da Libanon, eta kartzelaratu edo deportatu egin dezakete.
Desberdintasun egoera horrek emakume langileenganako gehiegikeriak eta tratu txarrak errazten ditu. El Diariok jaso duenez, lan behartuak, eraso fisikoak, sexualak eta ahozkoak jasan dituztela salatu dute emakumeek.
Libanoko Gobernua, beste aldera begira
Lan Ministerioko arduradunetako batek, Marlene Atallahk, etxeko langileen proposamena “aztertzen” ari direla adierazi du. Hala ere, Gobernuaren lehentasunak beste batzuk direla jaso du El Diariok, Siriako gatazka eta honek sortutako egonezina, besteak beste.
Rose, etxeko langile kamerundarrak argi dauka: “Antolatzen hasi ginenetik gauza askok egin dute hobera, gure eskubideen kontzientzia handiagoa daukagu. Orain ez dago atzera bueltarik”.
Hezbollah, Ekialde Hurbileko miliziarik boteretsuena, Libanoko lurretatik Israeli eraso egiten hasi zen, Gazako sarraskia hasi eta biharamunean. Palestinari elkartasuna adierazteko bigarren fronte honen etorkizuna Zerrendan gertatzen denarekin lotuta dago. 91.000 lagun inguru... [+]
Gaur estatua kiebra jota dago duela urte batzuk ‘Ekialde Hurbileko Suitza’ deitzen zuten Libanon. Herritarrei bermatu ezin dizkien oinarrizko zerbitzuen artean dago osasun sistema. Minbiziak, eritasun kroniko larri batek edo buruko gaixotasunak harrapatutako milaka... [+]
Gaur estatua kiebra jota dago duela urte batzuk ‘Ekialde Hurbileko Suitza’ deitzen zuten Libanon. Herritarrei bermatu ezin dizkien oinarrizko zerbitzuen artean dago osasun sistema. Minbiziak, eritasun kroniko larri batek edo buruko gaixotasunak harrapatutako milaka... [+]