Lesbosen elikagaiak banatzeko behar adina diru bildu du Zaporeak proiektuak
Urtarrilaren erdialdean hasi zuen diru-bilketa, furgoneta bat erosteko helburuarekin 40.000 euro biltzeko. Sare sozialen bidez jakinarazi du Zaporeak-ek lortu dutela kopuru horretara iristea.
Furgoneta berriak Lesbos irlan (Grezia) dauden errefuxiatuei janaria banatzea ahalbidetuko die proiektuan lanean diharduten langileei. "Euskal gizartearen babesa" eskertu dute. Lagungarri izan dira Iruñean antolatu zituzten bi musika jaialdiak, behar zuten diru kopurura iristeko.
Martxora bitarteko epea jarri zuten crowdfounding kanpaina zabaldu zutenean, urtarrilaren 14an egindako agerraldian. Baina bi aste besterik ez dira igaro, eta 40.000 euroko langara iritsi dira. Behar zen dirua lortu ezean, adierazi zuten ezin izango luketela egunero milaka errefuxiatu elikatzen jarraitu Moriako errefuxiatuen kanpalekuan.
Laster furgoneta berria izango dugu Lesbosen kozinatzen ditugun otorduen banaketarako.
Ikaragarria izan da, euskal gizartearen babesa eta engaiamendua. Ez dugu beste hitzik:
ESKERRIK ASKO!!!!!! #soserrefuxiatuak #janariduina #gizaeskubideak @gipsolidarioa pic.twitter.com/fQntnzQzw9
— Zaporeak (@ProyectoSabores) January 28, 2020
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.