Larunbatean egingo da gazte mugimenduaren komunikazio jarduna berpentsatzeko topaketa
Militantzia komunikatiboa berpentsatu eta eztabaidan jarriko dira tresnak zein proiektuak. Txantxarreka gaztetxean (Antiguo, Donostia) jarri da hitzordua, goizeko 10:00etan.
Komunikazioan aritzen garen gazteak gara, gazte mugimenduaren baitan komunikatzaile lanaz arduratzen garen militanteak. Ez gara soilik ordenagailu aurrean edo kamera atzean aritzen, hori baino gehiago egiten dugu. Gure lana ez da bi frikiren kontua, guztion ardura izan beharko luke. Izan ere, komunikazioa da irabazteko dugun tresna eraginkorrena.
Kezka sorrarazten digu komunikazioari herri eta gazte mugimenduan ematen zaion trataerak. Jakin badakigu komunikazioa dela jendartea mugiarazten duen motorra, alde batera edo bestera bira egiteaz konbentzitzen gaituen tresna. Hori horrela izanda ere, ez diogu behar beste denbora eta dedikazio eskaintzen. Ez ote gara ari jendarte eraldaketa bultzatzeko dugun tresna eraginkorrenari atera geniezaiokeen zukua komunetik behera botatzen?
Gaur hemen gaudenak kezka horren bueltan bildu garen gazteak gara. Eraikuntza lanetan ari gara gazte dinamikaren baitan dihardugu lanean, eta hausnartzen ari gara gazte mugimenduak komunikazio eredu alternatibo eta eraginkorrak garatzeko egin beharreko bideez. Batzuk jakintza teknikoa dugu, baina beste batzuk ez. Batzuek Kazetaritzan edo Ikus-entzunezko Komunikazioan egi(te)n ditugu ikasketak, baina beste hainbatek Ingenieritzan, Arte Ederretan, Zientzia Politikoetan, Filosofian, Gizarte Hezkuntzan, Arkitekturan eta ustez komunikazioarekin zerikusirik ez duten hainbat disziplinetan. Gazte langabeak ere bagara, edota unibertsitatera joateri uko egin diogunak. Erakutsi nahi dugu komunikazioa ez dela jakintza formal esparru konkretu bati lotutako ardura bat, guztiona dela, norbanako bakoitzaren jarreretan hasten baita. Beraz, militantzia komunikatiboa berpentsatu, birformulatu eta berreraikitzea da gure helburua.
Partida irabazi nahi diegu Euskal Herriko gazteria inkonformista kriminalizatzen duten mass media eta gainontzeko bitarteko komunikatiboei. Era berean, kontziente gara helduen ikuspegitik eraikiak diren tresnek ez dutela guretzat erabat balio. Panorama horren aurrean, ezinbesteko garrantzia du Euskal Herriko gazte mugimenduak bere jarduna ahots propioz kontatzeak, eta pausoak eman nahi ditugu hori lortzeko bidean. Guk geuk kontatu behar dugu nor garen, zer egiten dugun eta nola egiten dugun, gure beharrak erdigunean jarriz eta gu geu izanez gure bizitzetako protagonistak.
Baditugu tresnak bide hori egiteko, baina horien inguruan hausnartu behar dugu ikusteko ea gure helburuak betetzeko egokiak diren. Sumatzen dugu beharra dagoela gazte mugimendu osoak, borroka eremu anitzetan aritzen diren kolektibo eta norbanakoek, horren inguruan eztabaidatzeko.
Orain dugu aukera, eta ardura guztiona da. Gazte mugimenduaren komunikazio jarduna birpentsatu behar dugu. Horretarako, ekainaren 4rako gazte mugimenduaren komunikazio topaketa antolatu dugu. Donostian izango da, eta militantzia komunikatiboaz hausnartu eta tresnen inguruan eztabaidatuko dugu. Topaketa irekia izango da, eta gonbidatuta zaudete gazte kolektiboetan aritzen zareten gazte guztiak, espreski komunikazioan aritzen zaretenak edo ez. Halere, dei berezia luzatzen dizuegu komunikazio proiektuetan edo kolektiboetako komunikazio jardunean aritzen zaretenoi: fanzineetan, irrati libreetan, multimedia komunikazioan, sare sozialetan etab.
Albiste hau Topatuk argitaratu du eta CC-by-sa lizentziari esker ekarri dugu ARGIAra
Gazteak dira, jaiotzetik aro digitala baino ez dute ezagutu, eta hiperkonexioaz eta estimulu jarioaz nekatuta/nazkatuta amaitu dute. Gutxiengoa dira, baina garbi dute sare sozialen zurrunbilotik ihes egitea hoberako izan dela: "Ez da alarmismo kontua, baina jakin behar dugu... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.