ARGIA.eus

2022ko abenduaren 09a

Dantza sorlekua egingo dute Errenterian, Leku-Ona eraikina berrerabiliz

  • Errenteriako Leku-Ona okindegi zaharra izango da dantza, arte eszeniko eta gorputz espresioaren sorkuntza topaleku 2015etik aurrera. Eraikinean bertan aurkeztu zuten atzo proiektua Gipuzkoako Foru Aldundiko eta Errenteriako Udaleko kultura ordezkariek. Donostian zegoen Dantzaguneak Errenterian izango du tokia hemendik aurrera.

Errenteriako Lekuona eraikina dantza sorleku bihurtuko dute (Argazkia: dantzan.com)
2013ko urtarrilaren 11 - 00:00Azken eguneraketa:2015-02-26 13:37:33

Dantzagunea Donostiako Artelekun egon da orain arte, baina uholdeek egoera desegokian utzi zutenez Errenterian egingo den dantza sorlekura lekualdatuko da. 2015 arte Niessen eraikinean jardungo dira. “Errenteria dantza garaikide eta tradizionalean erreferentzia izango da”, adierazi du bertako alkateak, “herri mailan nahiz Euskal Herrian dauden beharrei erantzungo die”.

Errenteriako Udalak 800.000 euro inbertituko ditu dantza eta sorkuntza zentro berrian eta erdibana ordainduko dute Niessen eraikina egokitzeko beharrezkoak diren 400.000 euroak.

Inbertsio horien inguruko informazio gehiago eskertuko lukeela adierazi du Oier Araolaza dantzariak bere blogean: "Ondo legoke jakitea kultur, dantza eta arte eszenikoen sorkuntza eta jardueretarako zenbat bideratuko den".

Industria murriztu kultura sustatzeko

Errenteria herri industrializatua izan da azken hamarkadetan eta zerbitzuek aurrea hartzeko apustua dela adierazi dute bertakoek, dantza sorlekua izateaz gain, “garrantzia berezia” izango duela. “Helburu hori lortze aldera, ez dago, sinbolikoki, eraikin hau baino aproposagorik: eraikin industriala izatetik kulturara bideratutako eraikin izatera pasatuko baita”, adierazi du alkateak.

Oarsoaldea “biziberritzeko” apustuaren parte ere badela gaineratu du, 2025erako plan estrategikoaren urrats bat dela kulturaren “beharrari” erantzutea.

Eraikina

Leku-Ona hutsik dago 2005. urtetik. 3.500 metro karratu ditu eraikinak. Ikerne Badiola Gipuzkoako Kultura Diputatuak adierazi du Donostiako Artelekua baino handiagoa dela  eta hobeto komunikatuta dagoela.

Kanal hauetan artxibatua: Dantza  |  Gipuzkoako politika

Dantza kanaletik interesatuko zaizu...
2022-12-07 | ARGIA
Moor Krad dantza ikuskizuna estreinatuko dute ostiralean Arriaga Antzokian

Ertza dantza konpainiak Aitor Zabaleta dantzari eta koreografoaren Moor Krad lana taularatuko du lehen aldiz ostiralean, Bilboko Arriaga Antzokian. Gure baitan "guztiok gordetzen dugun itzal hori" da obraren ardatza.


2022-12-05 | dantzan.eus
Joseba Arrieta hil da, dantza eta euskara lotu zituen Gaztediko dantzaria

Santutxuko Gaztedi dantza taldearekin dantzaren munduan sartu eta euskaltzaletasuna dantzaren eta ikastolen bidez bultzatzen jardundako Joseba Arrieta "Txertudi" (1932-2022) hil da 92 urterekin. Gaztedi dantzari taldearen lehen belaunaldiko kidea izan zen eta EDBn... [+]


2022-11-29 | dantzan.eus
2.000 grabaziotik gora jaso dira euskal dantzen ikus-entzunezko ondarea babesteko proiektuan

Euskal dantzen ikus-entzunezko ondarea arriskuan zegoela ikusita, hondatu aurretik bildu eta digitalizatzeko lanak egin dira. Zortzi urte iraun dituen programan 2.000 grabaziotik gora digitalizatu eta dokumentatu dira, eta fitxak dagoeneko kontsulta daitezke Eresbilen katalogo... [+]


2022-11-29 | dantzan.eus
2000 grabaziotik gora jaso dira euskal dantzen ikus-entzunezko ondarea babesteko proiektuan

Euskal dantzen ikus-entzunezko ondarea arriskuan zegoela ikusita, hondatu aurretik bildu eta digitalizatzeko lanak egin dituzte. Zortzi urte iraun dituen programan 2000 grabaziotik gora digitalizatu eta dokumentatu dituzte, eta fitxak dagoeneko kontsulta daitezke Eresbilen... [+]


Salutxu Etxebarria, erbestean zein etxean dantzari

Dantzan eta dantzarekiko maitasuna transmititzen aritu zen han eta hemen Salutxu Etxebarria Garai (Baranbio, Araba, 1924 - Laudio, 2008). Erbestea dantzarekin goxatzeko aukera izan zuen, eta han hasitako Itxarkundia dantza taldearen ibilbidearekin jarraitu zuen Euskal Herrian... [+]



Irakurrienak
Argia buletina
Egunaren laburpena
zure e-postan
Eguneraketa berriak daude