Korrika Gasteizera bidean
Korrikak Erribera zeharkatu zuen atzo. Gaur, Nafarroan eta Araban barrena ibili ostean, Gasteizera helduko da arratsaldeko 18:45 aldera.
Korrikaren 18. edizioa gaur goizeko 8:00ak aldera sartu da Araban, gauean Nafarroako Erriberatik ibili ostean. Kanpezu, Cabredo, Maeztu edota Bernedo zeharkatuko dituzte goizean.
Ibilbidearen 1.153. kilometroan iritsiko dira Arabako Lautadara, Azazetan sartuz, eta lehenengo aldia izango da lasterketa bertatik egunez eta eskola orduetan igaroko dena. Pozik daude, beraz, Arabako ume eta gaztetxoak, orain arte egin duten Korrika txikia egin beharrean “benetako Korrikan” parte hartuko dutelako; horietako batzuk, gainera, protagonista izango dira.
Horrez gain, atzo Eusko Legebiltzarrak jakinarazi zuen kilometro bat erosi duela, Korrikaren historian lehenengo aldiz. Bertan izango dira, besteak beste, Cristina Uriarte Hezkuntza eta Kultura sailburua eta Bakartxo Tejeria Legebiltzarreko lehendakaria.
Dagoeneko 1.000 kilometro baino gehiago egin dituzte korrikalariek, eta beste 1.500 dituzte aurretik.
Zalduondotik Aiararako lau kilometroak mendi bidetik egingo dira. Beldurra zuten bertatik igaro behar zuten korrikalariek, azken egunotan elurra egin baitu; baina badirudi azkenean ez dela arazorik egongo hura zeharkatzeko.
Atzoko etaparen inguruan (bosgarrena), Berria.infok argitaratu duen bideo batean diotenez, “nabarmentzekoak dira bi kontu. Alde batetik, babesik ez dugula inoiz galdu, herriko eskoletan ume asko atera baita, baita edadetu asko ere, korrika edota bide bazterrean txaloka aritu direnak. Eta bestalde, zeharkatu ditugun herri gehienak erdaldunak izanda, korrikalari asko ez zegoen arren, atera ez den beste jende horrek, behintzat, kotxearekin albotik pasa eta bozina jo duela; leihotik atera eta txalo egin duela. Hori ere bada zerbait”.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, martxoaren 24arekin heldu da Korrikaren lekukoa Baionako Askatasun plazara, eta mezu sekretua irakurri du Garazi Arrulak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak,... [+]
43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.
Garazi Arrrula Ruiz izan da aurtengo Korrikaren mezugilea. Txalaparta argitaletxeko editorea da tafallarra. Baionan, milaka euskaltzaleren aurrean, esan du euskara ez dela "ez altxor, ez oroitarri, ez toponimia. Euskarak hegemonia hartzeaz ari gara". Eta gehitu du... [+]
AEKren mezua bertako kide Maider Heguyk eta Bixente Claveriek irakurri dute. Erakundeei “hizkuntza politika ausarta eta sendoa” eskatu diete eta ez “brilli-brillizko bilgarria”. Konpromiso eta baliabide gehiago eskatu dituzte. Gogorarazi dute oraindik... [+]
23. Korrika makina bat irudi esanguratsu egiten ari da, eta dagoeneko oso ohituta gaude jendetza ikustera "Harro Herri" leloaren atzetik korrika. Baina gauean zer pasatzen da? Larunbatetan ere, jendea festan dagoen bitartean, lekukoa norbaitek sostengatzen du. Nafarroa... [+]
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
23. Korrikaren karietara, helduei euskara irakasten diharduen AEK edo Alfabetatze Euskalduntze Koordinakundeko Ipar Euskal Herriko koordinatzailea den Ihintz Olideni, Enbatak hainbat galde pausatu dizkio. Jarraian, argitaratua den elkarrizketak, AEK eta Korrika zehazkiago... [+]
2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]