Emakumeak borrokan

Klimaren aldeko protestek Macron jo dute errudun

  • Bihar, larunbatean, deituta daude mobilizazio jendetsuenak. Ikasleek eskola eguna bertan behera utziz hasitako protestei segida emanen diote herritarrek, mobilizazio zabalekin.

Mikel Asurmendi @masurmendi
2019ko martxoaren 15a
Argazkia: Philippe Wojazer

Klimaren gaiak zeru-sapaia jo du. Krisia gero eta larriagoa da, argi gorria gori-goria da. Bizi! mugimenduak “mendeko afera” gisa izendatua du aspaldi. ANV-COP21 mugimenduarekin batera. Frantziako Gobernuari adierazi diote enegarrenez politika aldatzeko. Macronen gobernuak ez duela klimaren politika aldatuko berretsi du behin baino gehiagotan.

Bizi!-ren hitzetan klima gaiaren inguruan gobernuen diskurtso faltsuek nahasten dute jendearen gogoa. Muturreko egoerara iristen ari da planeta, neurri zorrotzak ezarri ezean, berotegi efektuak gero eta zuzenagoa eragiten du gure bizitzan. Eguraldiaren aldaketa bat-batekoak bizi ditugu egunero. Planetaren geruzaren beroketa +1,5°C pean mantentzea gero eta zailagoa da. Bioaniztasuna ez da behar bezala babesten ari, eta espezieen desagertzea gero eta agerikoa da.

Zein dira neurriak? Bada, klimaren aldeko politikak eraginkorrak indarrean ezartzea. Bizi!-k, adibidez, garraioen eta mugikortasunen politika eraginkorrak indarrean jartzea begi onez ikusten du, baina taxuz jarriz gero. Macronen politika ele hutsez beteta omen dago, beren ustean, berotegi efektua ez da gutxituko hitz eta pitz arituz, erabaki zehatzak hartuz baizik.  

Ipar Euskal Herrian, konparazione, Lapurdi kostaldean bereziki garraio politikak zuzen jotzen du klima jasaten ari den erasoaren aurka:

– Biarritzeko aireportuaren jarduera etengabe handitzen ari da.

– SNCFaren merkantzien garraitzeko gaitasuna gero eta mugatuagoa da. Burdinbidea zaharkitua da, tren eta trenbideek emisio gero eta kutsakorragoa aireratzen dute.

– Tram’bus delakoak ez du “bide propio”-rik. Ibilbidea zatiz zati egiten du, nekez, bide hori autobus zaharrek erabiltzen baitute. Autoek segitzen dute izaten mugitzeko ibilgailu nagusia.

Mugimendu ekologistaren ustez, trena ez da behar bezala egokitua izan, ezta garraio publikoa ere. Bizikletaren aldeko azpiegiturak mugatuta daude “Bizikleta, trenak, tren bidezko merkantzia garraioa, autobus-bide bereziak: aldaketa masiboak nahi ditugu, orain!”, aldarrikatzen du Bizi!-k

Bizi eta ANV-COP21 mugimenduek ez dute Gobernuaren politika soilik kritikatzen bere praktikengatik, ostera ere, bere programan idatzia duena ez duelako betetzen baizik.   

Macronen Gobernuak Jaka Horiak direla eta, baita mmigratzaileen egoera dela, ezker-eskuin, tokian tokiko foroetan eta hedabideetan “eztabaidak” sustatzen ditu. Eta itxura batez, herritarrak gaien larritasunetik desbideratzen lortzen ari da

Emmanuel Macron presidentea populazioaren %65en sostengua izatetik, %20era jaitsi zen. Azken hiru hilabetetan, berriz, bere propaganda politika dela medio herritarren %20 berreskuratu du. Macron presidentea izendatua izan zeneko atxikimendua berreskuratu nahi du kosta ala kosta. Bere politikak era berean mantenduz, aldez edo moldez.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: COP21  |  Frantziako Gobernua

COP21 kanaletik interesatuko zaizu...
2019-03-15 | Mikel Asurmendi
Gazteen protesta eta grebak, klimaren aldaketa geldiarazteko Lapurdiko BABn

Mobilizazioak abian dira Frantziako Estatuan. Goizean lizeoetako ikasle asko kalera atera da. Frantziako Gobernuak gaiaz eztabaidatzera eta kontzientzia hartzera deitu dute. Ikasleek harago joan nahi dute. Bihar larunbatean, nazioarteko mobilizazioek segituko dute karriketan.


2019-02-22 | Mikel Asurmendi
Klimaren arazoa salatu dute herriko etxeetan
Macronen argazkiak udaletxeetako paretetatik kentzeko deia egin dute Bizi! eta ANV-COP21 mugimenduek

Atzo, otsailaren 21ean, Action Non-Violente-COP21 eta bizi mugimenduek, Frantziako Errepublikaren presidente Macronen argazkiak eraitsi zituen Paris, Lyon, Uztaritz eta Biarritzeko Herriko Etxeetan. Macronen gobernuak klimaren arazoaren aurrean daraman politika geldia salatzeko ekintza.


2018-03-09 | Mikel Asurmendi
Klimaren borroka galtzen ari ote gara?

Bizi! mugimenduaren iritziz, 2015eko COP21aren karietara hartu ziren engaiamenduek ez dute inolaz ere klimaren egonkortasuna segurtatzen. Galdera da: klimaren borroka galtzen ari ote gara?


2016-11-11 | Unai Brea
Nola jokatuko du Donald Trumpek klima aldaketarekiko?

Iaz Parisen egindako klimaren gailurrean lortutako akordioa ospatu zutenek akordio horretan AEBak sartu izana nabarmendu zuten ospatzeko arrazoien arte. Aurtengo gailurra hasi eta bigarren egunean, hara zer den bizitza, estatubatuarrek presidente aukeratu dute klima aldaketa existitzen denik ere ukatzen duen gizon bat.


2016-11-04 | Unai Brea
Klima aldaketa: bitartekoak zehazten hasteko ordua iritsi da

Azaroaren 7an hasiko da Marrakexen klima aldaketari buruzko COP22 gailurra. Helburu nagusia 2015ean adostutako Parisko Hitzarmena nola beteko den zehaztea da. Momentuz, 72 estatuk berretsi dute hitzarmen hori, baina gas emisoak murrizteko aurkeztu dituzten planak ez dira nahikoa beroketa globala maila segurutik behera mantentzeko.


2016-03-01 | Unai Brea
Parisko Hitzarmena: AEBak eta hidrokarburo ekoizleak garaile

Klima aldaketari buruzko lehenbiziko nazioarteko akordio globala utzi zigun 2015ak: Parisko Hitzarmena. Mugarri hori historikotzat joa izan zen, eta hala ospatu zuten adostu zutenek, baina ezin esan aurrerapausoa izan zenik, kontrakoa baizik. Aurreko hamarkada biak alferrik galdu eta gero, COP21 gailurrean bildutako munduko agintariek ez zuten ausardiarik izan zientzialariek esandakoa aintzat hartzeko. Hala, ez zuten mekanismo loteslerik ezarri –ez eta epe zehatzik ere– planeta... [+]


Malkorik ez mangladien galeragatik: ekin 150 milioi zuhaitz landatzeari

Mangladiak, itsas bazterrean marea beteak gerriraino estaltzen dituen eta bajamarrean sustraiak airean erakusten dituzten zuhaitzezko oihanak, suntsitzen ari gara planetako bazter guztietan. Guztietan? Ez: badira tropiko guztietan elkarte eta jendeak zuhaitz  ‘anfibiook’ milioika landatzen ari direnak, milimetroka gora datorkien itsasoari aurre egin nahian.


Parisko kasinoa

Bi gradu, gradu eta erdi, funtsa berdea, erabaki loteslea ala lotzen ez duen asmoa, herrialde garatuak eta garapen bidean daudenak… Kontzeptu ugari erabili dituzte abenduaren lehen hamabostaldian Parisen. Mundu osoko herrialde eta mandatari ugari aritu dira deliberazioetan. Lortutakoa, asko edo gutxi izan, ez da jakingo urte batzuk igaro arte, bitartean egingo diren neurketek erakutsiko baitute Parisko adostasunen kalitatea.

Parisen oihartzun eskasa izan dute energia berriztagarriek... [+]


2015-12-17 | ARGIA
Joan Martinez Alier:
Joan Martinez Alier: "Parisko COP21 eta 'Zero Eranskin'-ekoen proposamena"

Joan Martinez Alier (Bartzelona 1939) Ekonomia Ekologikoaren aitzindarietakoa da, Ecología Política aldizkariaren sortzaile eta zuzendaria, eta katedratikoa Bartzelonako Unibertsitate Autonomoan. Parisen COP21a amaitzean, Mexikoko La Jornada egunkarian plazaratu du "La COP21 de París y la propuesta del “Anexo 0”", hemen euskaratu duguna.


Klima aldaketaren kontzientziaren aitak dio Parisko Hitzarmena "iruzurra" dela

NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik biltzen ez dituelakoan.


Azkenak
EGILEA
Eguneraketa berriak daude