Kilian Jornet atleta, Kataluniaren independentziaz: "Desberdintasunei eraso egitea hanka-sartzea da"

  • Kilian Jornet mendi lasterkari katalan ezagunak El Paísi adierazi dionez, Katalunian independentismoak gora egin du jendeak politikarien azken urteotako noraezak ez dutelako gustuko.


2014ko martxoaren 14an - 00:00
Azken eguneraketa: 2015-02-26 13:37:33
Kilian Jornet korrikalari katalana. Argazkia: www.sport.es.

Zehazki, jarraian euskaratu ditugun galdera-erantzunetan eman du Kataluniako prozesuaz bere iritzia Jornetek:

Katalunian dagoen tentsio independentistak kezkatzen al zaitu?

Tira, independentismoak gora egin du azken urteotako noraeza errefusatzen delako. Gure herrialdeko politikak munduko errealitatetik kanpo geratu dira. Askok ez dute egitasmo horretan parte hartu nahi.

Gaur egungo arazoak ez al dauka zerikusirik nazionalisten nolabaiteko eskuzabaltasun faltarekin? Artur Mas aurrena izan zen ongizate estatuari murrizketak ezartzen, eta gertatutakoak gertatuta, badirudi arazorik ez izateko ihes egitea erabaki duela, kontua gordin dagoenean.

Benetako eztabaida ez da independentismoa, nolako gizarte globala eraiki nahi den Espainian, Katalunian edo Europan baizik. Ezin da tokian tokikoaz pentsatu, mundu mailakoaz baizik. Desberdintasunei eraso egitea ere hanka-sartzea da. Arbuioa eragiten du. Trantsizioko hainbat kontuk bezala. Gauza asko ez ziren aintzakotzat hartu; hainbeste traumaren artean, ez zen erraza egun batetik bestera lagunak izatea. Ez zait ondo iruditzen frankismoaren edo Falangearen ikurrak erakustea; Alemanian jazarriak dira, nazismoari dagokionez. Ona eta gaizkia existitzen dira. Trantsizioa praktikoa izan zen, baina ahaztu ezin diren traumek irauten dute. Herrialde serioek iragan hori kitatu dute. Nik ez dut gogoko horren zati izatea, lotsa ematen dit, are gehiago kanpoan bizita.

Informazio gehiago:

ARGIArekin ere hitz egin zuen Kilian Jornetek 2.390. zenbakian. Irakurri elkarrizketa osorik: "Korrika zoazela lo geratzea ez da zaila, 40 ordu daramatzazunean".


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude