ARGIA.eus

2022ko ekainaren 25a

Kazetari espainiar batek Mertxe Aizpurua iraindu du Espainiako Kongresuan

  • “Putakume”, esan du Javier Negre eskuin muturreko kazetariak Kongresuko prentsa aretoan, Aizpuruak, egin ohi duen moduan, bere galderari ez diola erantzungo azaldu eta aretotik irteten ari zela.

Mertxe Aizpurua, irainak jaso aurretik. Irudia: youtube
ARGIA @argia
2022ko maiatzaren 25a

Egin ohi duen moduan, asteartean Espainiako Kongresuan emandako prentsaurrekoan eskuin muturreko zenbait kazetariren galderak ez erantzutea erabaki zuen EH Bilduko bozeramaile Mertxe Aizpuruak. Javier Negreren aurretik eskuin muturreko kazetari batek egin zion galdera Aizpuruari. "Eskerrik asko, baina badakizu ez diedala zure galderei erantzungo", esan zion Aizpuruak. “Badakizu kazetarioi betoa jarri, askatasuna mugatu, bahitu eta tiroak emateko garaia aspaldi pasa zela, ez da ala?”, erantzun zion kazetariak. Jarraian Negrek zuzendu zion beste galdera bat, Aizpuruak erantzun berbera eman zion, eta aretotik irteten hasi zen. Orduan esan zuen Negrek, “Zergatik ez diguzu erantzuten? Hau izugarria da! A ze putakumea!”

Hemen bideoa ikusgai, euskarazko azpitituluekin:
 

Elkartasuna Aizpuruari

Jasandako tratua salatu eta elkartasuna adierazi diote Aizpuruari hainbat politikarik, esaterako Podemoseko Jaume Asens eta Pablo Echeniquek, edo EH Bilduko Oihana Etxebarrieta eta Maddalen Iriartek. Aizpuruak Twiterren eskertu du babesa: “Ultraeskuin mediatikoari ez erantzuten jarraituko dut. Ultraeskuinaren irain eta erasoek ez gaituzte geldituko. Egin irri, irabaztera goaz!”

Kanal honetan artxibatua: Eskuin muturra

Eskuin muturra kanaletik interesatuko zaizu...
Faxismoa berdetu eta ekologia ikuspegi faxistarekin aztertzen duen gaitza dugu ekofaxismoa

Écofascismes (“Ekofaxismoak”) liburua argitaratu berri dela, ekologia eta faxismoa uztartzen dituen ekofaxismoari so egiteko tartea hartu dugu, ideologia horrek dakartzan arriskuez kontziente. “Ekologiaren faxistatzea” eta “faxismoaren... [+]


"Debekatu itzazue horrelako egitasmoak, emakume guztion sexu eta ugaltze eskubideen aurkakoak direlako"

Amarako talde feministak, Groseko Asanblada Feministak eta Plazandreok alderdiak agerraldia egin dute Amarako Askabide klinikaren aurrean. “Ia bi hilabete daramagu gatazka larrian hiriko gune honetan, baina urteak daramatzagu emakumeok eta Askabide klinikak jazarpena... [+]


Le Penen itzalaren zabalpenaz

Ttipi-ttipia nintzenean Le Penek bi boto biltzen zituen ene sorterrian. Hauteskunde oro bi boto, eta bistan da, ehun bat biztanleko –75 bat hautesle– herria izanik, bagenekien zein etxetakoak ziren. Hauteskundeak jin hauteskundeak joan, 2002an ere bi zituen, lehen... [+]


PODCAST 2x25 | Deabruari mozorroa kentzen

Azken hogei urteetan bikoiztu ditu botoak Fronte Nazionalak (2018az geroztik Batasun Nazionala deiturikoak): 5,5 milioi hautesletik 13,2 milioira pasa da –Frantziako lehendakaritzarako bigarren itzulian %41,4 egin du–. Elementu anitz kontuan hartu behar dira eskuin... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude