2022ko maiatzaren 21a
Maiatzaren Lehenean pertsona batzuek manifestari talde bat tirokatu zuten, eta bertan zegoen Francisca Sandoval kazetaria. Tiroz jo zuten, eta atzo hil egin zen ospitalean.
Señal 3 La Victoria Txileko hedabide independienteko Francisca Sandoval kazetaria ospitalean hil da bart. Maiatzaren Lehenean izan zen tirokatua, sindikatu baten protestaren inguruko informazioa ematen ari zela; gizon batzuk manifestariak tirokatzen hasi ziren, eta larriki zauritu zuten Sandoval.
Sandoval hil ostean, ehunka pertsona kalera atera ziren Santiagoko kaleetan, eta polizia haien aurka oldartu zen: kargez gain, ur-txorrotada kamioiez aldendu zituzten manifestariak. Honen aurrean, "Zer aldatu da? Ez da ezer aldatu" adierazi du Señal 3 La Victoria hedabideak sareetan.
36 urtean lehena
Txilen duela 36 urte hil zuten azkenekoz kazetari bat, Piocheten diktadura garaian. Sandoval tirokatu zuten egunean, Maiatzaren Lehenean, pertsona eta talde askok poliziaren konplizitatea salatu zuten; izan ere, tirokatua izan zen lekutik oso gertu zegoen polizia, eta adierazi dute ez zutela ezer egin hiltzaileak atxilotzeko.
Definitivamente nada ha cambiado pic.twitter.com/UxjAKbtgPJ
— Señal 3 La Victoria (@tv_piola) May 13, 2022
Hala moduz daudela dio, egunen arabera, batzuetan hobeto, besteetan okerrago. Hala ere, indarra transmititzen du Oihana Goirienak (Gernika, 1975), Poloniako Radom-go espetxean preso duten Pavelen emazteak. Senide eta lagunek hala deitzen baitiote, eta zelan diren kontuak,... [+]
Pablo Gonzalez kazetaria Polonian atxilotuta daukate duela ia hiru hilabetetik. Maiatzaren 29an amaitzen zaio behin-behineko espetxealdia Errusiako espioi izatea egotzita, eta erreportaje hau ixtean, epaiketarako data zehatzik ez dute jakinarazi oraindik. Hamar urteko espetxe... [+]
Al Jazeerak eta bestelako tokiko hedabideek adierazi dutenaren arabera, Israelgo armadak ez du Shireen Abu Akleh kazetariaren hilketa ikertuko; kazetariaren familiak dio erabaki honek ez dituela harritzen.
51 urteko Shereen Abu Akleh kazetari palestinarra hil du Israelgo armadak asteazken goizean, Jenin hiri okupatuan egiten ari zen operazio militarraren berri ematen ari zela. Buruan jo dute tiroz. Al Jazeerak Israelgo armadari egotzi dio berariaz hil izana kazetaria.
