Bost mila milioi euroko erreskatea eskatu zuen atzo Kataluniako Generalitateak. Erakunde autonomikoaren bozeramaile Francesc Homs-ek atzo adierazi zuen erreskateak ez dizkiola Kataluniari baldintza ekonomiko eta politiko estuagoak ekarriko baina denek ez dute iritzi bera. Elisenda Paluzie Bartzelonako Unibertsitateko Ekonomia eta Enpresa fakultateko dekanoak VilaWeb atariari adierazi dionez, autonomiaren "erabateko interbentzioa" ekarriko du erreskateak.
"[Erreskatearen] lehenbiziko urratsa da, estatuak teknikari talde bat edo Ogasun Ministerioko inspektoreak bidaltzen dituela". Paluziek azaldu duenez, Espainiako Gobernuak bidaliko lituzkeen teknikari horiek esku hartzeko ahalmen handia izango dute: "Diru-sarrera edo gastuei buruzko edozein datu eska dezakete, eta astebeteko tartean neurriak eskatu. Ez baldin badira neurri horiek abiarazten (adibidez, 100 milioi euro murriztea TV3ren aurrekontuan edo Industria Sailean), estatuko gobernuak, Espainiako Senatuaren baimenarekin, zuzenean jar ditzake abian berehala".
Horrek Kataluniaren autonomia erabat interbenituko dutela esan nahi ote duen galdetuta, Paluziek baietz dio. "Estatuko gobernua hasiko da aginduak zuzenean ematen". Eta gogorarazi du erreskatea funtsean mailegu bat dela, "interesekin itzuli behar dena".
Autonomia erkidegoak jasoko dituen bost mila milioi euroek ez dutela laguntza handirik ekarriko uste du ekonomialariak. "Diru horiek ez da Generalitatearen sarrera gehigarria, zorra dira eta balantzean zor gisa agertuko da. Ez da murrizketa gutxiago aplikatzeko aukera ematen dizun sarrera bat, mailegu bat delako eta kito".
Erreskatearen mekanismoa "maltzurra" esan du Paluziek azkenik, "Gereralitateak interesak ordainduko dizkiolako mailegu batengatik, kataluniarrek ordaindutako zergen dirua daukan norbaiti".
Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.
Espainiako Ogasunak Kataluniako Irrati Telebista Publikoari 167,5 milioi euro itzultzeko eskatu dio, 2015 eta 2018 urteen arteko BEZaren prozeduragatik. Hedabidea egoera ekonomiko larrian utzi du erabakiak eta zenbait saio kendu litzake.
Espainiako Gobernuak, PSOE eta Ciudadanosen babesarekin, Kataluniako instituzio publikoen kontrola bereganatzeko mehatxua egin du. Tartean, TV3, Catalunya Ràdio eta Agència Catalana de Notícies (ACN) hedabideen funtzio publikoa deuseztatu eta kontrol... [+]
Espainiako Gobernuak, PSOE eta Ciudadanosen babesarekin, Kataluniako instituzio publikoen kontrola bereganatzeko mehatxua egin du. Tartean, TV3, Catalunya Ràdio eta Agència Catalana de Notícies (ACN) hedabideen funtzio publikoa deuseztatu eta kontrol... [+]
Telebista, tableta, mugikorra… batetik bestera egiten dugu salto informazio bila egunero. Joera hori “pantaila anitz” bezala ezagutzen da eta eskaintzen dituen erronka eta aukerez aritu ziren ostegunean Donostiako San Telmo museoan, Iametzak, ARGIA eta... [+]