ERCko Roger Torrent izendatu dute Kataluniako parlamentuko presidente
Roger Torrent ERCko diputatua da Kataluniako Parlamentuko presidente berria. Independentistek gehiengoa mantenduko dute mahaian, erbestean dauden diputatuek euren botoa delegatzeari uko egin badiote ere.
Goizeko 11etan hasi da Kataluniako Parlamentua osatzeko saioa. Astearte arratsaldean, ERCk eta JxCATek akordioa izenpetu zuten Roger Torrent ERCko diputatu gaztea parlamentuko presidente izendatzeko, Carme Forcadellek iragan astean uko egin baitzion kargua berrartzeari. Parlamentuan zeuden 65 diputatu independentistek babestu dute Torrent eta hartara, gehiengo sinplea lortu du bigarren bozkaketan.
Espetxean dauden hiru diputatuek ezin izan dute parlamentuaren osaketako saioan parte hartu, Lllarena epaileak debekatu ostean. Euren botoa delegatzeko aukera izan dute. Oriol Junquerasek Marta Rovirari eman dio bere boto eskubidea, Jordi Sanchez eta Joaquim Fornek berriz Jordi Turullen esku utzi dute.
Erbestean dauden diputatuek berriz, uko egin diote euren botoa delegatzeari saio honetan euren botorik izan gabe ere mahaiaren gehiengoa eskuratzea bermatuta zutelako. Boto delegatua eskatu izan balute, oposizioak esana zuen aurreko legegintzaldian hamaika aldiz egin zuten bezala, zalaparta sortuko zutela Parlamentuan.
Behin parlamentua osatuta, hurrengo pausoak Presidentea aukeratu eta Gobernua osatzea izango dira independentismoarentzat. Asteartean ERCk eta JxCATek adostu dute Puigdemont izendatzea presidente, bai behintzat saiakera egitea. Espainiak esana du ordea ez duela inbestidura telematikorik onartuko. Parlamentuko legelariek ere ez dute aukera hori ontzat eman. Ikusi beharko da Espainiako Estatuaren ezetzaren aurrean independentismoak hartuko duen estrategia.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]