45.000 kataluniarrek laguntza eskatu diote EBri Bruselatik bertatik

  • Urriaren 27an independentzia aldarrikatu zuen Kataluniako Parlamentuak. Egun berean, Espainiako Konstituzioaren 155. artikulua aplikatu zieten, autonomia Madrildik gidatzeko asmoz. Abenduaren 21ean hauteskunde autonomikoak egingo dira.

ARGIA @argia
2017ko abenduaren 07a
Gakoak
Erakutsi gako guztiak
Hamarnaka mila lagun bildu dira Bruselan, Kataluniako independentziaren alde. (Arg.: ANC)
Aiguaviva (Girona) herrian Polizia espainiarrak gas negar eragileak erabili ditu

@TV3 telebista publikoak eta Diari de Gironak eman dute albistea.

 

Ada Colau: "460tik gora dira une honetan zaurituak. Poliziari eskatzen diot oraintxe bertan geratzea herritarren kontrako erasoak"

Bartzelonako alkate Ada Colauk dei larria zabaldu dio munduari: arratsaldeko 16:44etarako 460tik gora dira zaurituak eta poliziari eskatzen dio oraintxe bertan geratzeko herritar babes gabeen kontrako erasoa.

 

Guardia Zibilak egurrean Sant Joan de Vilatorradan (bideoak)

Beren jokabidea baretu nahian edo esplikazio eske hurbildu zaizkien Mossoak ere egurtu dituzte.

 

"Espainia osoan" protesta zaratatsua egitera deitu dute, "Rajoyren errepresioaren" aurka

Espainiako Estatu osoan arratsaldeko 18:00etan kazerolada egiteko deialdia zabaltzen ari da sare sozialen bitartez, askatasunaren eta demokraziaren alde eta "Rajoyren errepresioaren" aurka. 

 

Torelló herrian traktoreak jarri dituzte erreferenduma babesteko

Herriz herri baitabiltza Guardia Zibil taldeak hauteslekuak itxi nahian, Empurdà eskualdeko Torellón baserritarrek sarbideak traktorez trabatu dituzte.

 

Fonollosan guardia zibilek jendea egurtu eta udaletxea txikitu dute

Regio7 egunkariak zabaldu duenez, guardia zibilek Fonollosa (Bages eskualdea) herri txikiko udaltxea txikitu eta bertan zeuden herritarrak gogor jipoitu dituzte, amaieran hautetsontzia eramateko. Hau lortu omen dute aurretik botoa ematera kamuflaturik sartu den agente batek emandako informazioari esker. Alkateak salatu du Guardia Zibila "herriari min egitera" etorri dela eta udaletxea birrindu duela.

 

Ultraeskuindarrek gazte independentista bat jipoitu dute Plaça Catalunyan (bideoa)

 

Uxue Barkos lehendakariak bere iritzia eman du Kataluniako gertakizunez

Iñigo Urkulluk EAEtik zabaldu duen mezuaren oso bestelako tonuan mintzatu da Nafarroatik Barkos.

 

Eduard Punset Espainiako ministro ohia botoa ematen

"Demokrazia geldi ezina da" idatzi du bere Twitterrean.

 

Omniumen dei urgentea: itzuli denok hauteslekuetara, kontaketa bermatu ahal izateko

Bozketa ez baita botoak zenbatu arte bukatzen, Omniumeko buru Jordi Cuixartek herritarrei egin die dei hauteslekuetara itzultzeko, polizia eta guardia zibilek ez dezaten une kritiko hori baliatu erreferenduma baliogabetzeko.

 

Barça-Las Palmas ateak itxita jokatuko da

Bartzelonako futbol taldeak partidua atzeratu nahi zuen, gaur Katalunian jasaten den errepresio giroa dela eta. Azkenean ate itxitan, ikuslerik gabe jokatuko dute.

 

Roquetes de Marren Guardia Zibilak gogor erasotu ostean, bozketak segitzen du

Tarragonako Roquetes de Mar herrian tentsio une  boritzak bizi izan dira eguerdian guardia zibilak etorri direnean. Zenbait iturriren arabera, hala ere, berdezkoek bi hautetsontzi eraman ondoren bozketak jarraitzen du.

 

Zauritu bat oso larri dago Lleidako Mariola auzoan

Segre egunkariak zabaldu du albistea. Polizia Nazionalaren erasoak zauritutako herritarrari erreanimazioa egin behar izan omen diote lekuan bertan medikuek.

 

Nazioartetik gero eta ahots gehiago Katalunian errepresioa gelditzeko eskatuz

Jeremy Corbyn Britainia Handiko laboristen buruarena mezua izan da argienetakoa: "Ikaragarria da poliziaren bortizkeria herritarren kontra Katalunian. Espainiako gobernuak berehala gelditu beharra dauka hau".

Corbynena bat gehiago da gero eta ozenago entzuten diren ahotsen artean. Esloveniako lehen ministroa:

Greziako parlamentuko lehendakari ohia...

Eskoziako lehen ministro Nicola Sgurgeon...

 

Gutxienez 337 zauritu Espainiako Poliziak hautesleen aurkako erasoetan, Generalitatearen arabera

Generalitateak emandako datuen arabera, gutxienez 337 zauritu eragin dituzte Espainiako Poliziek bozkatzera joan diren herritarren aurkako erasoetan.

Sant Cebrià de Vallalta: Guardia Zibilak bakea jarri nahi duen Mossoari bultzaka, jendea Mossoa babesten... (bideoa)

Goizean zehar herri txikietan Guardia Zibilek egindako operatiboen arteko deigarrienetakoa zian da Sant Cebrià de Vallaltakoa. Une batean, mosso autonomikoetako bat guardia zibiletara hurbildu da bake zerbait jarri nahian, berdezkoek zakarki astindu dute eta herritarrak sartu dira tartean polizia autonomoari laguntzera. Bideoan bildu dute herritarrek.

 

Belgikako lehen ministroa: "Bortxa ezin da izan inoiz erantzuna"

Charles Michel lehen ministroak sare sozialetan zabaldu du bere iritzia Kataluniako gertakizunen aurrean: "Bortxa ezin da inoiz izan erantzuna! Bortizkeriaoro gaitzesten dugu eta berresten elkarrizketa politikorako deia"

 

Kataluniako Futbol Federazioak gaurko partidu guztiak bertan behera utzi ditu

Erabakitik kanpo geratu dira 2-B eta 3. mailako ekipoen partiduak, Espainia mailakoak direlako.

 

Democracia Nacional-eko 60 ultraeskuindar Bartzelonan kontzentratu dira
Argazkia: Xabi Murua.

Bartzelonako Vergara kalean bildu dira Democracia Nacional-eko 60 ultraeskuindar. Ondorengo oihuak botatzen ari dira Agencia UO-ko kazetariek jaso dutenez: "Puidemont kartzelara" eta "separatistak terroristak".

Bartzelonan orain arte zaurituak 60 dira, Som Defensores plataformaren arabera

Zein larritasun mailakoak diren zehaztu gabe ere, zauri seriosak dituzten herritarrak 60 direla azaldu dute 13:30etan Som Defensores plataformako kideek. Gehienak hiriburuan Polizia Nazional espainiarrak zauritu ditu, defendatzaile talde honen ustez "herritarren artean panikoa hedatzeko asmoarekin". Epaileei eta fiskaliari esku hartzeko deia egin diete, eta edonori laguntzeko zabalik daukaten telefonoaren zenbakia oroitarazi.

 

PSCk eskatu du polizia operazioa eteteko

Kataluniako Alderdi Sozialistak prentsaurrean eskatu dio Mariano Rajoyren gobernuari eteteko polizia operazioa. Hitzez hitz:

"Eskatzen dugu berehala eteteko herritarren mobilizazio garrantzitsu hau indarrez gelditzeko saiakera guztiak"

 

Dena ez da istilu: jende ilara izugarriak, esaterako Gracia auzoan

 

Bideoa: Espainiako Poliziak aurpegira tiro egin dio herritar bati

La Directa hedabideko David Bou kazetariak grabatutako bideoan ikus daitekeenez, Espainiako Poliziak herritar bati aurpegira pilota bat tiro egin dio metro gutxira.

Bideoa grabatu duen kazetariak, piloten argazki bat igo du sarera.

Kataluniako Arartekoak giza eskubideen urraketa salatu eta nazioarteari dei egin dio

Rafael  Ribo Kataluniako Sindic de Greuges edo Arartekoak uneotan poliziak herritar baketsuen kontra egiten ari diren giza eskubideen urraketak salatu ditu eta nazioarteko erakundeei dei egin die egoera larri honetan esku har dezaten.

 

Urkullu lehendakariak bere balorazioa zabaldu du

"Kataluniari buruzko ikuspegia" agiria plazaratu du Urkullu lehendakariak bere Facebookean.

 

 

Zabalik dauden hauteslekuak, Generalitateak 13:00etan zabaldutako mapan

 

Sant Cebrià de Vallaltan Guardia Zibilaren basakeria (bideoa)

 

Sant Cebrià de Vallalta herri txikian hauteslekua inbaditu eta bertan bakean bildutako herritarrak errukirik gabe jipoitu dituzte guardia zibilek. Informazio batzuen arabera, mahaiko arduradunek garaiz ezkutatuak zituzten kutxa eta paperak.

 

Euskal Herrian ere jendea hasi da Kataluniarekiko elkartasun ekintzak egiten

Ilunabarrerako herri guztietan protesta egiteko egin diren deiei itxaron gabe, eguerdian hasi dira herritarren elkarretaratzeak.

 

Carles Puigdemont: "Gaur dena esanda dago: bortizkeria, makilkadak eta gomazko balak jendearen kontra"

Prentsaren aurreko agerraldia egin du Carles Puigdemont lehendakariak eguerdian. Herritarrak animatu ditu pazientzia eduki eta botoa emateko ilaretan jarraitzea. "Gaur estatuak lehen galdu zuenetik askoa gehiago galdu du, eta katalanek irabazi dute lehen irabazitakoa baino askoz gehiago" esan du, Espainiako Estatuari madarikazio hau uzteko: "Betirako pertsegituko ditu gaur erabili duten bortxa justifikaziorik gabeak".

 

Bartzelonako Raval zaharrean hainbat hauteslekutan normaltasunez ari dira

 

Sanseko hauteslekuan polizia espainiarrak noiz etorriko zain "L'Estaca" kantari (bideoa)

 

22:00etan elkartasunezko mobilizaziora deia Euskal Herriko herri guztietan

Kataluniari elkartasuna adierazteko mobilizazio zaratatsura deitu dute, gaur gaueko 22:00etatik aurerra; lapikoak eramateko eskatu dute.

38 zauritu kontatu ditu Generalitateko Osasun Sailak

Hauteslekuetatik jendea kendu eta hautetsontziak eraman ahal izateko espainiar poliziaren oldarraldietan 38 lagun zauritu dituzte. 35 arin zaurituta daude eta hiruk zauri larriak dituzte. Bederatzi herritar osasun etxeetara eraman behar izan dituzte. Gehienek kolpeak, zorabioak eta antsietate krisiak izan dituzte.

Argazkia: Nació Digital.

 

Hauteslekuak defenditzen dituzten traktoreen mapa

Erreferendumaren inguruko gertakizunen jarraipena egiten duen Agència 1 d'octubrek zabaldu du non dauden kokatuta traktoreak hauteslekuak babesten.

 

Honela ari da jendea bozkatzen

 

'The Guardian' egunkaria zuzenean ari da jarraitzen Kataluniakoa, gertakizun handietan ohi duenez

Izenburu hau darama Guardianen zuzeneko kontakizunak: "Kataluniako erreferenduma: informazioek diote poliziak disparatzen dizkiela protestan ari direnei. Independentziari buruzko bozketan milioika jendek botoa ematea espero da Espainiako gobernuari desafio eginez".

Ikusi The Guardianen zuzeneko jarraipena.

Sabadellen herritarrek atzera egitera behartu dituzte polizia espainiarrak (bideoa)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2018-10-12 | ARGIA
Kataluniako Parlamentuak Felipe VI gaitzetsi eta Espainiako monarkia abolitzeko eskatu du

JxCat, ERC eta Catalunya En Comun-Podem taldeak ados jarri dira ostegunean eta Espainiako Errege Felipe VI gaitzesteaz gain, monarkiaren abolizioa eskatu du Kataluniako Parlamentuak.


2018-10-10 | ARGIA
Independentistek gehiengoa galdu dute Kataluniako parlamentuan, elkarren arteko desadostasunengatik

Kataluniako parlamentuko mahaiak bertan behera utzi du Carles Puigdemont eta preso dauden gainontzeko diputatuek boto delegatua emateko aukera ERCren eta PSCren aldeko botoekin. Erabaki horren ondorioz, independentistek parlamentuko gehiengoa galdu dute. JxCat eta ERCren arteko desadostasunak geroz eta agerikoagoak dira.


2018-10-08 | Santi LeonÚ
GAIZKI ERRANKA
Ortzirale beltzak

Urriak 1: Kataluniako erreferendumaren urteurrenean, Espainiako telebistak zehaztu digu zenbat enpresak egin duten alde prozesua martxan jarri zenetik (ez digu erran, ordea, denboraldi berean baten bat finkatu ote den). Kontuak, bistan da, gutienez bi irakurketa ditu: zeinen kaltegarria izan den eta den independentismoa ekonomiarako, edo zeinen lotsagabe saiatu den botere ekonomikoa jendearen erabaki politikoak baldintzatzen.


Kolore guztiak faxismoaren kontra

Oso paradigmatikoa izan da Kataluniako urriaren bateko lehen urteurrenaren harira gertatutakoa: herritarren protesta “koloretsuak”, segurtasun indarren biolentzia eta agintarien pasibitatea. Aktoreen rola ordea aldatu egin da. Iaz Espainiako poliziak eta guardia zibilak aritu ziren bozkatzera joan ziren kataluniarren hezurrak apurtzen. Aurten, aldiz, Espainiako polizien defentsan aritu dira Eskuadra Mossoak kalean. Baita erruz jardun ere: 24 lagun jipoitu eta zauritu dituzte,... [+]


2018-10-02 | Xabier Letona
"Bete agindua, egin Errepublika"

Iazko urriaren 1eko oihartzuna entzun zen atzo Katalunian. Hemen berba batzuk atzokoaren interpretazio bat egiteko. Sekulako indarra bildu da berriz kaleetan, herri botereak kuku egin du ostera ere eta  independentismoak horren irakurketa argia egin du. Argi baina, La Vanguardia-ko zuzendaria Màrius Carolek gogoratzen duen moduan, “ ez da greba orokorrik egon eta herria ez da gelditu”.


2018-10-01 | ARGIA
Urriaren 1aren urteurrena
Erreferendumaren memoriak eta Errepublikaren aldarrikapenak kaleak hartu ditu Katalunian

Errepide mozketekin eta botere ekonomikoaren egoitzen kontrako ekintzekin hasi dute erreferendumaren urteurren eguna.


2018-10-01 | ARGIA
Mossoek independentisten aurka kargatu zuten Espainiako polizien aldeko manifestazioan

Larunbatean tentsio une handiak bizi izan ziren Bartzelonan, CDRek eta beste erakunde batzuek deituta milaka herritarrek Jusapol poliziaren sindikatuak deitutako manifestazioari aurre egiteko bildu zirenean Iazko urriaren 1ean erreferendumaren aurkako errepresioanp parte hartutako Espainiako segurtasun indarrak omendu zituen poliziaren sindikatuak.


Urriaren 1a
Urtebete geroago dena zabalik

Urtebete joan da Txarangok “ho tindrem tot i es parlarà de vida” [dena izango dugu eta bizitzaz hitz egingo da] leloarekin erreferendum-kanpaina alaitu zuenetik. Une gogoangarri asko baina aurrerabide gutxi ikusi ditugu joan den 365 egunean: ANC eta Òmnium-eko presidenteen espetxeratzea, erreferenduma, poliziaren bortizkeria, baiezkoaren garaipen borobila, gerra zibilaz geroztiko grebarik handiena, independentzia-aldarrikapen zapuztua, “dena prest zeukaten”... [+]


2018-09-30 | Saioa Baleztena
Alejandra Rayas
"Mobilizazio baketsuaren sendotasuna da Kataluniaren itxaropena"

Barcelonetako Mediterrània eskolako erasoetan Espainiako Poliziak zauritu izanagatik gogoratzen du batek baino gehiagok Alejandra Rayas (Queretaro, Mexiko, 1970). Urriaren 1eko lehen urteurrena betetzear dela, eta, kolpatu zuen guardia zibilaren aurkako epaiketarekin zer gertatuko den jakiteko “adi” dagoen bitartean elkarrizketatu dugu.


2018-09-30 | Saioa Baleztena
Jordi Pesarrodona
"Eraso faxistak eteteko gai izango da Kataluniako mugimendu baketsua"

Irailaren 20an Espainiako Poliziak Generalitatearen Herrizaintza Sailean egindako miaketak salatu asmoz sudur gorria jantzi zuen guardia zibilen aurrean Jordi Pesarrodonak (1960). Pailazoa eta Sant Joan de Vilatorradako kultura zinegotzia (ERC) da. Urriaren 1ean, bere herriko eskolan erresistentzia egiteagatik auzipetu zuten. Lau delitu egotzi zizkioten: desobedientzia, autoritatearen kontrako erresistentzia larria, lidergo iskanbilatsua eta gorrotoa sustatzea.


Azkenak
EGILEA
Eguneraketa berriak daude