Uztailaren 17 goizean irten ziren kartzelatik hirugarren graduko baimenarekin Kataluniako independentzia erreferenduma antolatzeagatik atxilotutako preso politikoak. Gauak espetxean eman beharko dituzte eta Fiskaltzak hirugarren graduaren aurkako helegitea aurkeztu dezake. TV3 kate publikoak audientzia handiko telebista saioan elkarrizketatu ditu Jordi Cuixart, Josep Rull eta Raül Romeva.
Uztailaren 17 goizean irten ziren kartzelatik hirugarren graduan Kataluniako independentzia erreferenduma antolatzeagatik atxilotutako preso politikoak: Carme Forcadell parlamentuko presidente ohia, Oriol Junqueras Kataluniako Gobernuko presidenteorde ohia, Jordi Cuixart Omniumeko presidentea, Jordi Sanchez ANCko presidente ohia, eta kontseilari ohiak: Joaquim Forn, Raul Romeva, Jordi Turull, Josep Rull eta Dolors Bassa.
Hirugarren graduarekin, asteburuak etxean igaro ahal izango dituzte eta egunez ateratzeko baimena izango dute astean zehar, baina gauak espetxean eman beharko dituzte. Espetxetik irten orduko, guztiek nabarmendu zuten hirugarren gradua ez dela "askatasuna".
Uztailaren 18 gauean, kartzelatik atera berri ziren Jordi Cuixart, Josep Rull eta Raül Romeva elkarrizketatu ditu Kataluniako telebista publikoak, FAQs saioaren denboraldia indartsu amaitzeko.
Jordi Cuixartek "Berriro egingo dugu" berretsi du saio horretan. "Baina berriro egin, zer?" galderari horrela erantzun dio (bideoan ikusgai katalanez): "Oinarrizko eskubideak praktikan jartzea, hori delako eskubideok babesteko modu bakarra. Berriz deituko dugu mobilizazioa. Berriz aplikatuko ditugu Espainiako Estatuak kondenatu dituen eskubideak".
“El que tornarem a fer és exercir drets fonamentals perquè és l’única manera de preservar-los. Tornarem a convocar la mobilització. Tornarem a exercir els drets que l’estat espanyol ha condemnat” @jcuixart #FAQStresestrellesTV3 ▶️ https://t.co/xh9WFnPmcY pic.twitter.com/5TlEUqmyXU
— Preguntes freqüents (@FAQSTV3) July 18, 2020
Raül Romevak adierazpen hauek egin zituen Espainiako Gobernuaren eta Kataluniakoaren arteko harremanei buruz: "Ezin dugu inozoak izan pentsatuz elkarrizketa mahaia dagoenez arazoa konponduko dela. Baina ezta ere ezin dugu pentsatu arazoa elkarrizketarik gabe konponduko denik. Badugu mahaia. Baliatu dezagun".
📌 Entrevista a Romeva després d'obtenir el tercer grau: “Estic convençut que la fiscalia el tombarà". L'exconseller explica que quan li van proposar ser cap de llista de Junts pel Sí "sabia que la presó era un escenari possible" #FAQStresestrellesTV3 ▶️ https://t.co/9dxPJaWlih pic.twitter.com/EEFykaSJSk
— Preguntes freqüents (@FAQSTV3) July 19, 2020
Josep Rullek azaldu du nola bizi izan dituzten kartzelan 880 egun horiek. Eta egungo beraien egoeraz adierazi du: "Preso politikoak hasi gara helmuga moduko bat ikusten. Erbestean direnak, ez".
📌 "Els presos polítics comencem a tenir un cert horitzó. Els que són a l'exili, no". L'exconseller Rull explica a #FAQStresestrellesTV3 com han estat aquests 880 dies a la presó: “Hi ha tones d’humanitat per part de tothom" ▶️ https://t.co/Uwem7YdAV9 pic.twitter.com/rzZQYEPI9y
— Preguntes freqüents (@FAQSTV3) July 19, 2020
Uztailaren 2an preso hauei hirugarren gradua ezartzea proposatu zuten espetxeetako tratamendu batzordeek, eta Kataluniako Gobernuak ontzat eman zuen. Baina Fiskaltzak erabakiaren kontrako helegitea aurkezteko aukera du, espetxe zaintzako epailearen aurrean. Hura ere hirugarren graduaren alde agertuko balitz, berriz helegitea aurkezteko aukera izango luke Fiskaltzak eta Espainiako Auzitegi Gorenak izango luke azken hitza.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]