Jaurlaritzaren curriculum dekretuak salatuko ditu Espainiak, LOMCEra ez egokitzearren
Hezkuntza Ministerioak hartu du erabakia. Uriarte sailburuak adierazi du “dekretu eta helegiteen gainetik” euskal hezkuntza defendituko dutela.
Eusko Jaurlaritzaren oinarrizko hezkuntza curriculuma salatuko du Espainiako Gobernuak, Berria egunkariak jakinarazi duenez. Curriculumak Lehen Hezkuntza eta DBH barnebiltzen ditu, eta LOMCEren hezkuntza erreformara ez egokitzeagatik eramango dute auzitara.
Salaketa oraindik jarri gabe dagoen arren, asmo hori dutela azaldu dio Jaurlaritzari Espainiako Hezkuntza Ministerioak. Hala, ikusteke dago igandeko hauteskundeek zer eragin izan dezaketen salaketaren ibilbidean. Hasiera batean, zenbait alderdi LOMCE bertan behera uztearen alde daude.
2015eko otsailean aurkeztutako proposamena da salatutakoa. Gobernu Kontseiluak onartu egin zuen, eta LOMCEren erreferentziak ezabatuta, Espainiako Gobernuak nola jokatuko zain zegoen Jaurlaritza. Cristina Uriarte Hezkuntza sailburuak Araba Euskaraz jaian baieztatu zuen salaketa jartzekoa dela Moncloa, eta “dekretu eta helegiteen gainetik” euskal hezkuntza defendituko dutela adierazi zuen.
Ez da Espainiako Gobernuak auzitara jotzen duen lehen aldia. Aurrez LOMCEren inguruko errekerimendua bidalia dio, amaierako probak ez ezartzeagatik. Jaurlaritzaren bekak ere salatu ditu, ministerioaren irizpideak kontuan ez hartzeagatik.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]