Jaurlaritzak hilean banatuko dituen 300 euroek emantzipazio adina jaitsiko dute?
Emantzipa dirulaguntza eskatu dezakete jada Araba, Bizkaia edo Gipuzkoan erroldatuta dauden 25-29 urte artekoek. Niko Cuenca ekonomialariaren esanetan, momentuan lagunduko die baina “partxe bat” besterik ez da.
Eusko Jaurlaritzak EAEko gazteen emantzipazio adina 30etik 28ra jaitsi nahi du, izan ere, gaur egun Araba, Bizkaia eta Gipuzkoako gazte gehienak (%71,5) 30 eta 34 urte artean emantzipatzen dira. Hori aldatzeko, Jaurlaritzak Emantzipa dirulaguntza iragarri zuen abenduan; otsailaren 20an ireki da eskaera egiteko epea, eta azaroaren 29an izango da eskatzeko azken eguna.
Etxebizitza kostuak arintzeko hilean 300 euro jasoko dituzte, gehienez ere bi urtez, 25 eta 29 urte artean dituzten gazteek. Niko Cuenca ekonomialariak Euskadi Irratian azaldu du “aringarria eta lagungarria” bai izango dela laguntza eskuratzen dutenentzat, baina ohartarazi du “partxe bat” besterik ez dela. Gogorarazi du arazoa eskaintzan dagoela, eta 2023ko Espainiako Etxebizitzaren Legearen ondoren etxejabe askok erabaki dutela alokairura beharrean turismora bideratzea etxeak, bete beharreko baldintzei iskin egiteko.
Zer gertatuko da bi urteren ostean gazteek ezin badute alokairua ordaindu? Nola eragingo du Emantzipa programak etxebizitzen prezioetan? Cuencak argitu du ziurrena dela etxejabeek alokairu edo salmenta prezioak garestitzea, jakinda pisu bereko hiru gaztek hilean 300 euro jasotzen dituztela, besteak beste: “Ikusita merkatua nola dagoen, prezioak arazorik gabe igotzen dituzte”.
Gehienez 28.000 euroko errenta
Baldintza hauek bete behar dira dirulaguntza eskatzeko: alokairuko edo etxebizitza erosteko kontratua izatea; hiru lurraldeetako herriren batean erroldatuta egotea eskaera egin baino urtebete lehenagotik, edo azken hamar urtean gutxienez hiru urtez jarraian; urteko errenta 3.000 eta 28.000 euro artekoa izatea. Etxebizitza partekatzen duten gazteen kasuan, gehienez hiru pisukidek jasoko dute laguntza.
Laguntza publikoak, gehiago zorpetzeko
Espainiako Gobernuak otsailean onartu du 35 urtetik beherako gazteei lehen etxebizitza erosteko laguntza ekonomikoa ematea, Kredituen Institutu Ofizialaren (ICO) bidez. Hamar urterako maileguak izango dira, sarrera ordaintzeko, besteak beste. Niko Cuencak Euskadi Irratian txanponaren beste aldea erakutsi du: “Mailegu altuagoak emateak eragiten du pertsona are gehiago zorpetzea. Mailegua hamar urterako da, eta gero zer?”. Aldaketa etxejabeengan eta merkatuan ezarri behar dela dio.
CaixaBank Researchek egindako ikerketak agerian eman du Nafarroako etxebizitza merkatuaren egoera. 2007-2008 arteko higiezinen burbuilaren garaian baino %3,7 garestiagoa dira etxebizitza eraiki berriak Nafarroan.
Joan den astean jakinarazi zuten Basque Culinary Centerren GOe eraikina urriaren 20an inauguratuko dutela, eta horren harira, Kaleratzeak Stop plataformak idatzi bat helarazi du komunikabideetara. Bertan, gaitzetsi egin du Basque Culinary Centerreko eraikin berria 20 hilabetetan... [+]
Maximo historiko berri bat ezarri du Donostiako etxebizitzaren prezioak: 5.869 euro metro koadroko, batez beste. Hori da Higiezinen Jabetzako Artekarien Gipuzkoako Elkargo Ofizialak aurkeztu berri duen txosteneko ondorioetako bat; txostenak 2025eko bigarren hiruhilekoko... [+]
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]