Japoniako inbertsio funts pribatu batek erosi du Donostiako Santa Teresa komentua
Londresen oinarrituta dagoen inbertsio funts pribatu japoniar batek erosi du azkenean Parte Zaharrean dagoen Santa Teresa komentua, Diario Vascok argitaratu duenaren arabera. Country Hall Arts (CHA) izena du inbertsio funtsak, eta webgunean duten informazioaren arabera, artean, zineman, literaturan, arkitekturan eta bestelako diziplinetan gazteak edukatzeko helburua du funtsak, “onura publikorako”.
Oraindik ez dago garbi zer egingo duen bertan CHAk, baina dirudienez, ikasleentzako erresidentzia bat egiteko asmoa dute. Izan ere, komentuaren jabe berriek ikasle-erresidentzia bat egiteko kontsulta egin dio Donostiako Udalari. Komentuak “babes berezia” du, Parte Zaharreko sei kategorietatik babes maila handiena duena, eta A Kategoria ere badu, Parte Zaharreko eta Kaiko Monumentuen Multzoko eraikinetako bat delako. Hau dela eta, jabe zaharrek edozeini saldu aurretik Donostiako Udalari eta Gipuzkoako Foru Aldundiari eskaintzeko beharra zuten, baina bi erakunde publikoek ez zuten interesik eraikina erosteko. Hau dela eta, 3,5 milioi euroan erosi du eraikina inbertsio funts japoniarrak.
Oposizioaren kritika
Erosketa honen aurrean, EH Bilduk adierazi du hotel proiektuen aurrean “udal gobernuari kitto esateko” ordua dela. Koalizio abertzaleak gehitu du albiste honek “harridura eta haserrea” eragin duela Parte Zaharreko bizilagunen artean. Auzoan bestelako beharrak daudela dio EH Bilduk, eta ostalaritzara bideratutako proiektuak auzoak behar dituen “azken gauzak” direla azpimarratu du. Amaitzeko, EH Bilduk udal gobernuari eskatu dio “legezkotasun zalantzagarriko eta zilegitasunik gabeko proiektuak baimentzeari uzteko”.
Bestalde, Haizea Garay Elkarrekin Donostiako zinegotziak sareetan “Donostia salgai” dagoela adierazi du: "Ondarea galtzen ari gara beste batzuek negozioa egin dezaten. Hotelik edo jatetxerik egongo ez dela esango dute, baina izen alternatibo bat jarriko diote eta ostatu ematea eta ostalaritza egongo dira. Beste urrats bat “Donostia, oporretarako hirian".
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
Berriki Donostiako Arkitektura Eskolan agerkunde arkitektoniko bat izan dugu. Tesi doktoral baten markoan eta Ibon Telleria arkitektoaren eskutik, euskal baserriaren inguruko ezagutzaren aldaera bat azaldu da. Ekarpenak dio, lagar ereduaren baserrien hasierako eraikuntza 1450... [+]
Baserri ingurunea dramen gertakari izan da berrietan, eskopeta eta hondeatzailea bitartekari. Notizietako baten arabera, Moskenea zuen izena, eta akabatua izan da. Bere haragia harri eta egurrezkoa bazen ere, bere desagerpenak inpaktua sortu eta tristura ekarri du. Hondarribiko... [+]
Herrietako elizen zaintzaz arduratzen ziren emakumeak ziren serorak eta Euskal Herri osoan ezagunak izan ziren, Erdi Arotik XX. mendera arte. Baina bete zuten funtzioa ez zen berdina izan lurralde guztietan, ezta garai guztietan ere. Emakume haiek publikoki nabarmentzen ziren... [+]
Hondarribiko Zimizarga auzoan zegoen Moxkanea izeneko baserria bota dute egunotan hondeamakinek. Baserriaren lehen aipamenak 1663. urtekoak dira eta garai hartan Bidasoa bailaran eta Lapurdin hedatu zen tipologia arkitektonikoa mantentzen zuen. Udalak gertatutakoa... [+]