ARGIA.eus

2020ko maiatzaren 26a

Ivan Duque eskuindarra hautatu dute presidente kolonbiarrek


Asier Gonzalez de San Pedro @asiertxiki98
2018ko ekainaren 18a
Ivan Duque (argazkia: la oreja roja)

Ivan Duquek irabazi du Kolonbiako presidentetzarako hauteskundeen bigarren itzulia, botoen %54,28arekin. Aurreko presidentearen, Manuel Santosen, bake akordioa errespetatuko duela adierazi du baina “zuzenketak” behar dituela eta egingo dituela gehitu du. “Biktimak prozesuaren erdian” jarri nahi ditu zuzenketa horiekin, “egia, justizia eta erreparazioa bermatzeko”. Gerrillarien bergizarteratze aroa atzean utziko duela gaineratu du.

Ardura nagusiena ustelkeriaren aurkako borroka izango dela esan du Duquek. Eskerrak eman dizkie Andres Pastrana eta Alvaro Uriberi, hauteskundeetan emandako bultzadagatik. Segurtasunaz eta bakeaz aritu da. Segurtasuna “behar demokratikoa” dela eta, berau justizian oinarrituta eraikitzeaz hitz egin zuen. Santosen bake prozesuak tirabirak sortu dituela iradoki du, “bakearen aldeko eta etsaien arteko zatiketa” sortu dela.

Gustavo Petro bilakatu da oposizioko burua botoen %41,54rekin eta pozik azaldu da egin dituen adierazpenetan, zortzi milioi kolonbiar “libre eta zutik” daudelako. Santosek Duque zoriondu du eta bere gobernuaren babes osoa edukiko duela adierazi dio botere banaketa modu egoki eta ordenatu batean egiteko.

Rodrigo Londoño Timochenko FARCeko buruak, adierazitakoaren arabera, berdin zitzaion zein aterako zen presidente, nahi zuena zen irabazlea edozein dela ere bake akordioa bultzatzea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Politika  |  Kolonbia  |  Kolonbiako bake prozesua

Politika kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude