Iruñeko Alde Zaharrean okupatutako eraikina hustu du Foruzaingoak
Kaleratzea “normaltasun osoz” egin dela jakinarazi du Nafarroako Gobernuak ohar baten bidez. Husteko garaian identifikatutakoak epaitegira deitu ditu Nafarroako Auzitegiak.
Uztailaren lehen egunean gazte talde batek “etxebizitza eskubidea defendatzeko” Iruñeko Compañía karrikan okupatutako eraikina hustu du ostegunean Foruzaingoak. 13:00ak aldera azaldu ziren poliziak eta udal langileak, Iruñeko Instrukzioko 3 zenbakiko epaitegiak emandako agindua eskuan. Bi ordu pasatxo iraun zuen kaleratzea “normaltasun osoz eta era baketsuan” egin zela azaldu du Nafarroako Gobernuak.
Foruzaingoa azaldu zenean dozena bat lagun zeuden eraikinean. Haietako batek Noticias de Navarran azaldu duenez, “modu baketsuan irtenez gero gure gauzak jasotzen utziko zigutela eta salaketa kenduko dutela agindu ziguten, baina azken horren bermerik ez dugu”. Ekintzaileen esanetan, “gazteentzako etxebizitzak egingo dituzte, baina 20 lagun kalean geratuko gara”. Hori dela eta, beste eraikin bat okupatuko dutela iragarri dute.
Nasuvinsa enpresak jarritako salaketa baten harira hustu dute eraikina. Eraikinaren jabe den enpresa publikoari arrazoia emanda, “etxebizitza berehala husteko eta bertan zeudenak identifikatzeko” agindu zuen epaileak. Hilaren 8an Nafarroako Auzitegian azaldu beharko dute identifikatutakoek. Kaleratzearen ostean “salaketa bertan behera uzteko” eskatu du Nasuvinsak, baina epailearen esku dago ekintzaileak zigortu ala ez.
Nafarroako Gobernuak eraikin osoa zaharberritzeko asmoa azaldu du: gazteentzako alokairu-etxebizitzak egingo dituztela iragarri dute. Gobernuak zehaztu duenez, 450.000 euro bideratuko ditu horretarako.
Aurrez okupatutako eraikina
Ez da eraikin hau okupatzen duten lehen aldia. Iragan abenduan gazte talde bat sartu zen bertan, Alde Zaharrean gaztetxe bat sortzeko asmoz. Nasuvinsak Astindu Gazte Elkartekoak salatu zituen orduan, eta udalak irtenbide bat bilatu asmoz Caparroso txaleta eskaini zien ekainaren 17an. Eraikina berriz ere hutsik geratzean sartu zen ostegunean kaleratutako taldea.
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.