“Irudi lazgarriak ikusi nahi ez dituenak ez luke egunkaririk erosi behar”
Santiagoko tren istripuaren karietara, hedabideen jokabideaz idatzi du Iñigo Saenz de Ugarte kazetariak bere blogean. Interesgarriak iruditu zaizkigun adierazpenak itzuli eta hona ekarri ditugu:
Egoera zailak
“Istripu edo gerra bat, erredakzio baten lanerako gaitasuna eta haren irakurle edo ikusleen pazientzia agerian uzten duen gertakizuna da. Albistearen berri jasotzen dutenek ahalik eta informazio gehien jaso nahi dute, baina baita zorrotza ere. Bi eskakizun horiek ez dute zertan kontraesankorrak izan, baina mundu errealean, jendeak hanka sartzen du. (...) Ez dago egoera zailenek agerian uzten duten ahulgunerik gabeko hedabiderik”.
“Arriskuak biderkatu egiten dira gertaeraren osteko lehenengo orduetan. (...) Albiste baten etenik gabeko jarraipena egingo duzula erabaki dezakezu, baina beharrezko baliabideak ez badituzu edota ez bazaude horretarako prest, egoera jasan ezinera eramango dituzu zure kazetariak: zuzeneko jarraipena informaziorik gabe egin behar izatea porrotera kondenatutako lana da. (...) Halako tragedia baten ostean, ohikoa da agintariek zer eta zergatik gertatu den zehaztasunez ez jakitea, are gutxiago kazetariek”.
Egunkariak eta argazkiak
“Prentsaren lana baloratzeko argudio txepelik bada, argazkiak eta titularrak hautatzean ahalik eta egunkari gehien saltzea bilatzen dela esatea da txepelena. (...) Ez dut sekula inor entzun argazki bat aukeratu eta horri esker ale gehiago salduko direla esaten. Iruzkin ergela litzateke. Mundu guztiak daki tragedia baten ondoren egunkari gehiago salduko direla, informazioaren kalitatea kontuan izan gabe ere”.
“Ez nago ados zaurituen edo haien senitartekoen argazkiak erakusteak debekatua behar lukeela diotenekin. Kazetariaren lana gertatu denaren berri ematea da eta ezin da horrelako albiste baten dramatikotasuna adierazi argazki izugarririk gabe.”. (...) Kokapena kontuan hartzea ezinbestekoa da. Ezbeharra zure hirian edo herrialdean gertatu bada, gehiago kontrolatu behar duzu zure burua herrialde urrun batean jazo bada baino. Ezin da bi kasuetan irizpide bera erabili”.
“Artikulu edo irudi batek informazio garrantzitsua ematen duen edo ez neurtzea da gakoa. Hedabide batek ezbehar baten dramatismoa arindu nahi balu, zaurituen argazki guztiak ezabatuz, gezurretan ariko litzateke; gainera, agintariei laguntzeko egiten duela susmatuko genuke”.
“Erabaki eztabaidagarriak dira denak, eta egia esan, hobe da motz geratzea muga gainditzea baino. Dena den, gertakizun lazgarri baten irudi lazgarriak ikusi nahi ez dituenak ez luke egunkaririk erosi behar. Ez dituzte errealitatetik babestuak izateko beharra dutenentzat egiten”.
Hasi ginenean ez genuen urrik ere emango, baina Beranduegi iritsi da bere seigarren denboraldira. Eta oraingoan, babesle eta guzti: Reparaz autoak. Guk ere agindu bat jaso dugu, George Orwellek San Mames betetzeko esan digu, baina gure aurretik Pellori utziko diogu, eta... [+]
Itsuki Irratia Bermeoko ahotsa izan zen 1985etik 2022ko otsailera arte. Orduan, zailtasun ekonomiko eta teknikoek proiektua bideraezin bihurtu zuten, eta irratiaren itxiera ekarri. Baina urtebeteko berrantolakuntza prozesu baten ondoren, irailaren 1ean berriro martxan jarri dute.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
ARGIAk aspaldi du harremana Alemaniako Red.media hedabidearekin, beren bideo batzuk topatuko ditu irakurleak ARGIAren webgunean. Baina haien aurkako jazarpen kanpaina baten ondorioz proiektua ixtea erabaki dute. Red-eko kideek arrazoiak publikoki azaldu dituzte eta artikulu... [+]
Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.
Landareen inteligentziari buruzko eztabaidak hor jarraitzen du, eta podcast honetan gustatzen zaigun gaia denez, berriro ere ekarri egin dugu. Memoria, kontzientzia eta komunikazioa gauzatzeko gaitasuna gizaki eta animaliez gain landareek ere ba ote duten da oraingo ikerketa... [+]
2025ean Guatemalan gutxienez kazetari bat hil dute eta beste bat desagerrarazi. Arriskutsua da kazetaritza lana egitea herrialde horretan, eta hala jaso du Mugarik Gabeko Kazetariak erakundeak ere, maiatzaren 2an argitaratutako 2025eko Prentsa Askatasunaren Munduko Sailkapenean... [+]
Espezieei buruz aritu gara gaurkoan. Aurreko saioetan ere aipatu izan ditugu, baina gaurkoan ikerketa bat ekarri dugu, datu interesgarri asko dituelako. Kurkuma, kanela eta jengibrea oso ohikoak ditugu gure artean, baina badira espezietzat jotzen diren sendabelarrak ere (ezkaia,... [+]
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Erramua, nardoa, benjui, mirra, sandaloa, garia, isipu-belarra eta halakoak hartu ditugu ahotan gaurko saioaren hasieran. Aste Santuari eta erlijio katolikoari loturikoak denak ere, sinbolismo handikoak, eta gure egunerokoan arruntak direnak, nahiz askotan ez dakigun izenik... [+]
Martxoaren 14an Donald Trumpek agindu exekutibo bat sinatu zuen, hainbat berri agentziak jasotzen duten diru kopurua asko murrizteko. Kaltetuetako bat United States Agency for Global Media (USAGM) izan zen eta, ondorioz, Voice of America (VOA), Radio Free Europe/Radio Liberty... [+]