Irkus Badillo euskal presoa baldintzapean aske geratu da
Ugaoko preso politikoak 2019ko otsailean bete zituen kondenaren hiru laurdenak. Basauriko espetxean zegoen maiatzetik, gaur arte.
Hamazazpi urte eta bederatzi hilabete zeramatzan espetxean Irkus Badillo ugaotarrak eta gaur aske utzi dute, baldintzapean, Etxeratek jakitera eman duenez. 2004an sartu zuten espetxean eta 2007. urtean epaitu zuten. 20 urteko kartzela zigorra ezarri zioten eta, beraz, 2019ko otsailean hiru laurdenak bete zituen.
Katalunian egon da espetxeratuta apirilera arte, Basaurira lekualdatzeko agindua eman baitzuten orduan, eta hirugarren gradura pasatu zen, Espainiako Espetxe Erakundeek halaxe eskatuta.
? Irkus Badillo Borde preso politiko ugaoarra baldintzapeko askatasunean geratu da, 17 urte eta 9 hilabeteko zigorra bete ondoren #Batgutxiago Ongi etorri Irkus!
Oharra ?https://t.co/ai2GyeWkHC
— Etxerat Elkartea (@EtxeratElkartea) November 16, 2021
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.