Irati haurra gurasoekin uzteko eskatu dute Bilbon
Jira eta Bira Irati gurasoekin Euskal Herrira kalejira burutu da larunbat honetan Bilbon, Arriaga Plazatik Areatzara. Zaballako espetxean familientzako modulu misto bat edo zaintzapeko pisu bat prestatzea eskatu da, Irati haurrak bere gurasoekin bizitzeko aukera izan dezan.
Irati Aranjuezko espetxean bizi da amarekin, aita ere bertan dago baina beste modulo batean. Martxoaren 8an Iratik 3 urte beteko ditu eta espetxea uztera derrigortuta egongo da. Bere gurasoengandik aldenduko dute. Erantzun bezala, Irati gurasoekin Euskal Herrira dinamika sortu da eta azken hilabeteetan hainbat ekimen burutu dituzte: Iratiren eskubideak aldarrikatu haurren nazioarteko egunean, prentsaurrekoak, Olentzero eta Mari Domingiren opariak eraman Zaballako espetxera…
Irati gurasoengandik aldentzeko hilabete falta dela, Bilboko Arriaga Plazan hasita kalejira egin da larunbat honetan, euria goian-behean izan arren ez du ekimena zapuztu eta Irati Zapirain Etxebarria haurraren eta motxiladun umeen eskubideak aldarrikatu dituzte. Musika, dantza, buruhandiak eta suziriak izan dira, proposamenak eta errebindikazioa festa giroan eginez.
Eztizen Artola, Irati Gurasoekin ekimenaren partaidea eta bera ere motxiladun umea izandakoa, bertaratu zen ekimenera. Aldarrikapenak betegarriak direla eta eskumenen transferentziarekin urrats nahikoa egiten ari direla nabarmendu zuen.
Yogurinha Borova eta Katixa Agirrek ere parte hartu zuten ekimenean. Lehenengoak, dantzan jarri zituen larunbatean Bilbora hurbildu zirenak eta Agirrek umeen eskubideak aldarrikatzeko hurrengo hitzak erabili zituen: "Umeei min emateko modu asko daude egun. Gauza bakarra dute beharrezkoa: gurasoen maitasuna eta babesa. Iratik ezin duenez ahotsa altxatu, hemen dauka gurea".
Motxiladun haurra izango da Izadi, Maria Lizarraga eta Iñigo Gutierrez euskal presoen alaba. Igandean bete ditu hiru urte, eta legeak hala dioenez, Aranjuezeko espetxetik atera dute urtemuga egunean, amagandik banatuta. Aitarekin elkartu da, Gutierrez ostiralean aske utzi... [+]
Domekan, hilaren 23an, Iñigo Gutierrez (Algorta) eta Maria Lizarraga (Burlata) presoen alaba den Izadik hiru urte beteko ditu eta, ondorioz, gurasoengandik banatzera behartuko dute. Hori salatzeko, Izadi Gurasoekin Etxera ekimenak manifestazioa egingo du Algortan, Txiki... [+]
Martxoaren 20an ekitaldi bateratua antolatu zuten Bilbon Irati Gurasoekin Euskal Herrira ekimenak eta Sarek. Umeek haien guraso presoekin Euskal Herrian egoteko aukera izan dezaten aldarrikatu dute.
Madrilen preso dauden Bea Etxebarria eta Iñigo Zapirain euskal preso politikoen alaba da Irati. Iratiren gurasoak Euskal Herriko espetxeetara ekartzea eskatu du Sarek.
Mobilizazioak deitu dituzte abenduaren 19tik 26ra Hego Euskal Herriko lau hiriburuetan. Horrez gain, kartzeletara martxak ere egingo dira.