Ipar Euskal Herriko abertzaleek aurrera begirako erronkak zehaztu dituzte

  • Bagira prozesuak Ipar Euskal Herriko mugimendu abertzaleak etorkizunera begira hartu beharreko orientabideen inguruko gogoeta egin du, eta ondorio nagusiak aurkeztu berri ditu. Inkesta 1.500 pertsonak erantzun dute. Mugimenduaren erronka nagusi izango diren bost gai zehaztu dituzte: euskara, etxebizitza, klima aldaketa, borroka sozialak eta laborarien borroka.


2023ko azaroaren 06an - 11:54
Azken eguneraketa: 13:41

1.500 inkesta bildu ditu mugimendu abertzaleak. Pozik dira koordinatzaileak, parte hartu duen jende kopuruagatik eta emandako erantzunengatik. Bagira prozesuaren gidaritza batzordeko Txomin Povedak ondokoa adierazi du: “Mugimendu abertzaleak elkartzeko eta gibeltasun- eta gogoeta-tarte baten hartzeko gaitasuna erakutsi du”.

Bost erronka

Erakundeen alorrari dagokionez, beste urrats instituzional bat emateko dinamikak berriz bultzatzearen aldeko iritzia eman dute inkesta bete duten gehienek. Lau eremu hauetan aritzea defendatu dute: instituzio tresna gorago iragatea lurralde kolektibitatearekin; Euskal Herriko instituzio bati buruzko desmartxa berrabiatzea; Ipar Euskal Herrirako autonomia estatus bat aldarrikatzea; eta Euskal Hirigune Elkargoa indartzea eta bilakatzea.

Mugimenduak aldarrikapen instituzionalen ondoan aritu beharko luketen bost ardatz nagusi lehenetsi ditu: euskara, etxebizitza, klima aldaketa, borroka sozialak eta laborarien borrokak eta laborantzarako lurren defentsa. Bost ardatz horien ondoren beste gai batzuk agertu dira indartsu eta gidaritza batzordeak adierazi du horiei ere aterabidea eman beharko zaiela datozen urteetan. Hauek dira gai horiek: generoen arteko berdintasunaren aldeko borroka, belaunaldiak berritzea eta gazte dinamikak.

Ondorio nagusiak

Aurrera begirako erronkez gain, prozesuaren bultzatzaileek hainbat ondorio atera dituzte gogoeta prozesua egin eta gero.

Lehenik, inkesta erantzun dutenak ezaugarri askotakoak izanda ere, inkestaren emaitzek gaien inguruan gehiengo argiak erakutsi dituzte. Bigarrenik, militanteen dinamikaren eta mugimendu abertzalearen oinarri militante zabalaren arteko bat-egitea. Hirugarrenik, inkestatuek abertzaletasunaren oinarri historikoekiko atxikimendua berretsi dute, dela euskara, subiranotasun politikoa eta materiala, eta Euskal Herriarekiko atxikimendu sentimentala. Era berean, abertzaletasuna sozialismoarekin, ekologismoarekin eta feminismoarekin lotu dute. Laugarrenik, abertzaletasunaren aldeko aktibismo askotarikoa eta eraldatzailea azpimarratu dute.

Emaitzen aurkezpenak

Datozen asteetan han eta hemen emaitzak aurkeztuko dituzte eta aurrera begirako erronkez gogoeta egiteko aukera izango dute. Egun garrantzitsuak ondokoak izango dira: Gazte Eguna abenduaren 2an, mugimendu abertzalearen jardunaldiak urtarrilaren 27an, eta 2024ko Aberri Eguna martxoaren 31n. Azken egun horretan Bagira prozesua bukatutzat emango dute.

 


Kanal honetatik interesatuko zaizu: Politika
Erraustegiak lehen pozoiak erakutsi baldin baditu... zer egin?

Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]


Aritz Colio (HTX)
“Hatortxu amaituko da, baina elkartasuna eta auzolanaren bidean gure aletxoa jartzen jarraituko dugu”

Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]


AHTren obrak eta Renfe: murrizketak eta buruhausteak Gipuzkoako tren zerbitzuan, zazpi urtez

2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]


Eskuina krisi sakonean: Errepublikanoak-eko presidente Ciotti eta Birkonkista alderdiko Maréchal kanporaturik

Frantziako Legebiltzarrerako hauteskundeetarako eskuin muturreko RN alderdiarekin aliantzak osatzeko asmoa plazaratu du Errepublikanoak alderdi eskuindarreko presidente Eric Ciotti-k. Alderdiaren barnean desadostasuna sortu du alde bakarrez harturiko erabaki horrek eta... [+]


2024-06-13 | Gedar
Adin txikiko pertsona migratuak indarrez tokialdatzeko erreforma bat onartu dute Espainiako Estatuan

Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.


Eguneraketa berriak daude