Emakumeak borrokan
Analisia

Independentzia adierazpena adostu dute, baina indarrean sartzea atzeratu

  • Alderdi independentistek Independentzia Adierazpena adostu zuten asteartean Legebiltzarrean, baina berau indarrean sartzea atzeratu, elkarrizketari beste aukera bat emateko. Kalean hoztasunez hartu zuen erabakia independentismoak. Madrilen aldarrikatutzat jotzen dute independentzia.

Xabier Letona @xletona
2017ko urriaren 11
Puigdemont legebiltzarreko prentsa aretoan, Independentzia Adierazpena sinatzen. (Argazkia: BBC)

Hori da urriaren 10eko ondoriorik nagusiena: “Bai, baina oraindik ez”. Junts Pel Sík eta CUPek Independentzia Adierazpena adostu dute, baina Junts Pel Sík erabaki du aste batzuetan ez dela indarrean sartuko. Generalitateko iturriak aipatuz, La Directa hedabide katalanaren arabera, epea “bi edo hiru astekoa” litzateke.

CUPek ez du bat egiten erabaki horrekin eta argi adierazi zuen hori Anna Gabriel bozeramaileak legebiltzarreko osoko bilkuran, baina berau amaitu ondoren, egoitzaren prentsa aretoan Junts Pel Sí-koekin batera sinatu zuen Independentzia Aldarrikapena. Negoziaziorako bizpahiru asteko epe hori pasatu ondoren, Aldarrikapena Legebiltzarrera itzuli beharko da eta bertan onartu.

Carles Puigdemonten agerraldiaren aurreko uneak oso nahasiak izan ziren legebiltzarrean, hastear zela iragarri baitzen ordubetez atzeratuko zela, 18:00etatik 19:00etara. Korridoreetan berehala hasi ziren zergatien zurrumurruak eta bi nagusitu ziren: bat, “nazioarteko azken orduko negoziazio aukerak dira eta aztertzen ari dira”; bi, “Junts Pel Sí-ren eta CUPen arteko desadostasunak dira”.

Gerora ikusi denez, biek bazuten bere egia zatia: Independentzia Aldarrikapenaren atzeratzea Europako negoziazio mahaietara begira egin da, eta CUPen eta Junts Pel Síren arteko desadostasunak hor dira, prozesu osoan egon diren legez.

Junts Pel Sí-ren eta CUPen arteko tirabirak

CUPek beti defendatu du zuzenean joan behar dela helburura, lehenago edo geroago hori egin behar baita. Junts Pel Sí-k, ordea, gehiago zaindu du irudia eta sigi-sagan egin ohi du aurrera, prozesua luzaraziz. Hortik sortu zen prozesismoaren ideia eszeptikoa.

CUPek beti defendatu du zuzenean joan behar dela helburura; Junts Pel Sí-k nahiago izan du sigi-saga egin aurrea, 'prozesismoa'-ren ideia eszeptikoa sortzeko bide emanez

Junts Pel Síkoek beti argudiatu dute beren asmoak bete egin direla lehenago edo geroago, eta orain ere hala izango dela. CUPek helburuen zaintza lana hartu du oro har, hainbat unetan bi indarren arteko egoera ia apurketaraino eramanez, baina azkenean zaintzale lan hori aintzat hartu dio mugimendu independentistaren zati handi batek. Orain ere, CUPek iragarri du pentsatzen ari dela legebiltzarreko ohiko lanera ez itzultzea eta bakarrik aritzea bertan independentzia prozesuarekin zerikusirik duten alorretan.

Beraz, atzera-aurrera horren azken kapituluan gaude orain? Inork ez daki, eta seguruenik pasatu beharko dira bizpahiru aste horiek independentismoaren gaurko jokaldia egokia izan den hala ez baloratzeko.

Emozioak dantzan

Diadaren egunetik kalean bizi da mugimendu independentista eta, gainera, irailaren 20tik aurrera –Madrilek emandako lehen zartako handiaren eguna– ia-ia iraultza egoeran, bereziki erreferendum klandestino bat bideratu eta defendatzeko lanagatik. Kalean bizi da, halaber, Madrilgo errepresioari erantzunez, baina funtsean ekimen politikoa berak eramanez eta Madril erantzutera behartuz. Urriaren 1ean soberanismoak aurrera atera zuen erreferenduma, parte-hartzearen %42arekin eta baietzaren %90arekin, eta horren ondorioz, independentismoak argi ikusi zuen independentzia aldarrikapena eskura zuela, besteak beste Erreferendumaren Legeak horrela agintzen duelako. Hori gauzatu behar zen urriaren 10ean.

Irailaren 11tik kalean bizi da mugimendu independentista, azken asteetan ia iraultza egoeran. Horregatik, Puigdemonten adierazpenak zer esan nahi duen ulertzeko denbora beharko du

Eguna atzo iritsi zen eta Aldarrikapen borobila ez zela izango jakinda ere, berau egin egingo zela pentsatzen zen; mugimendu independentistak eta bere medio anitzek ideia hori elikatu dute behin eta berriz. Horrela bakarrik uler liteke Carles Puigdemont legebiltzarrean bere agerraldia egiten ari zenean, kalean aldarrikapena defendatzeko bildu ziren milaka herritarren erreakzioa: txalo zaparradarekin hartu zen presidenteak Errepublika Aldarrikatzeko ordua zela jaurti zuenean, baina noraeza barreiatu zen minutu bat geroago Parlamentuari aldarrikapen hori aste batzuez bertan behera uzteko eskatu zionean.

Ordu batzuk behar izan ziren independentismoaren lerroetan horrek zer esan nahi zuen ulertzeko eta, seguruenik, gaur bertan ere esparru zabaletan ez da guztiz ulertuko asteartean independentzia ez aldarrikatzea. Mugimendu independentistak, hala ere, mobilizazio gaitasuna eta erabakigarritasunaz gain, badu konfiantza Junts Pel Sí-k eta CUPek erakutsi duten batasunean, eta Puigdemontek agertutako irmotasunean. Asteartean arrakala batzuk sortu ziren konfiantza horietan, baina oraindik sendo dirau. Noiz arte? Bizpahiru astetan erantzuna.

Lehen minutu eta orduetan jasotako kolpeari buelta ematen lan egin beharko du independentismoak datozen egunetan, baina bestetik, egoeraren sendotasunetako bat da Independentzia Adierazpenaren testua publikoa dela dagoeneko; sendoa da eta adostua dago. Jadanik inork ez du galdetuko: “Eta zer esango du orain Puigdemontek?”. Kataluniako Errepublikaren lehen urratsak bideratu behar dituen Adierazpena hor dago, herritar guztien eskura.

Independentziaren atzerapena atzerrira begira egina dago itxura guztien arabera

Independentzia aldarrikapenaren atzerapena, hala ere, atzerrira begira ei dago egina itxura guztien arabera. Helburu nagusietakoa, nagusiena ez bada? Europari berriz ere argi uztea Kataluniako agintariak guztiz zabalik daudela elkarrizketa eta negoziaziora, eta hori erakusteko prest direla independentzia aldarrikapenaren harribitxia aste batzuez atzerako.

Madrilen txanda orain

Independentismoak bere azken mugimendua egin ondoren, Madrilen mugimenduari so gaude guztiak, baina erantzuna orain arteko ezpal berekoa izango dela suma liteke. Printzipioz, hedabide eta alderdi nagusienek egiazko independentzia aldarrikapen gisa hartu dute Junts Pel Sí-ren eta CUPen akordioa, eta amarru gisa jo dute berau atzeratzearena. Bere garaiko “tregoa-tranpa” “aldarrikapen-tranpa” bihurtu dute.

Espainiako Gobernuko Ministroen Kontseilua, asteazkenean 9:00etan bilduko da. Hartuko dituen neurrien zain, denak adierazten du errepresioaren bideak bere horretan jarraituko duela eta hori bera izango dela, beste behin ere, independentismoaren kohesio osagairik garrantzitsuenetakoa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2019-04-09 | ARGIA
TV3 eta Catalunya Radio, auzipetuen aulkian

Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.


2019-04-09 | Z. Oleaga
Herritarren boteretzearen kronika amaitu gabea

Hala Bedi, La Directa, ARGIA: hiru komunikabide independiente bildu ziren maiatzaren 5ean Gasteizen. Aitzakia, ARGIAren mendeurreneko ospakizunak; tokia, Hala Bediren lokal berria; zitaren xedea, prozesu katalanaz ikastea La Directako Jesus Rodriguez kazetariaren eskutik. Hamarnaka pertsonek entzun zituzten Rodriguezen hausnarketak, katalanez edo euskarara itzuliak, Maria Coleraren, Itzulipurdika kolektiboaren eta EHNE sindikatuaren laguntzari esker.


2019-04-07 | Z. Oleaga
Jesús Rodriguez, La Directa-ko kazetaria
"Eraldaketa sozialaren borroka eta independentzia erabat lotuta doaz egun"

Jesús Rodriguez Selles pertsona ezaguna da Kataluniako kazetaritzan. 1996. urtetik ari da informazioaren munduan lanean eta militatzen, beti ere prentsa konprometitu eta tokikoaren lubakitik. Hamabost urte dira La Directa komunikabidearen oinarriak jartzen hasi zela hainbat kiderekin batera. Apirilaren 5ean Gasteizen izango da, ARGIAk eta Hala Bedi irratiak elkarlanean antolatutako hitzaldian hizlari. Elkarrizketa hau ere bi hedabideotan aurkituko duzu, Hala Bedin irrati-elkarrizketa... [+]


2019-04-04 | ARGIA
Lazo horiak kendu dituzte ertzainek legebiltzarreko leihoetatik, Bakartxo Tejeriaren aginduz

EH Bilduren bulegoan zeuden jarrita preso katalanen aldeko ikurrak. Eraikineko segurtasun zerbitzuek kendu dituzte Eusko Legebiltzarreko presidente Bakartxo Tejeriaren ebazpen bati jarraiki.


2019-04-02 | Xabier Letona
Espainiako Polizia CUPeko zuzendaritzan zelatari bat sartzen saiatu zen

2017ko udaberrian izan zen, urriko erreferendumaren aurretik eta infiltrazioaren helburua kontsultari buruzko datuak biltzea zen, Kataluniako La Directa hedabideak jakinarazi duenez.


2019-04-02 | ARGIA
"Kataluniako prozesua eta garaipenaren ikasbideak" hitzaldia apirilaren 5ean Gasteizen

La Directa hedabideko Jesús Rodríguez kazetari zailduak emango du, 18:30ean Hala Bediren lokalean. Hala Bedik eta ARGIAk elkarlanean antolatu dute eta ARGIAren mendeurrena ospatzeko ekitaldietako bat da.


2019-03-27 | ARGIA
Torraren aurkako kereila jarri du Kataluniako Fiskaltzak, desobedientzia egotzita

Hauteskunde Zentralaren aginduak “kontzienteki eta apropos” aintzat ez hartzeagatik eta Generalitateko eraikinetatik preso politikoen aldeko xingola horiak garaiz ez kentzeagatik, desobedientzia leporatu dio Fiskaltzak Quim Torra presidenteari.


2019-03-24 | Karmelo Landa
Zer aldatu da, zer alda daiteke?

Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.

Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin,  haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]


2019-03-24 | Saioa Baleztena
Betona Comín. Duintasuna aldarri
"Errepresioaren lehen erronka betidanik izan da banaketa"

Frankismoak jazarritako Alfonso Comín kazetari eta politikariaren alaba, eta Toni Comín ERCko diputatu erbesteratuaren arreba da Betona Comín (Bartzelona, Herrialde Katalanak). Mundu duinagoaren aldeko borrokan, Giza Eskubide Zibilen Aldeko Elkarte Katalaneko kidea, ANCko idazkari nazionala eta Omnium Culturaleko bazkidea da.


Azkenak
EGILEA
Eguneraketa berriak daude