ARGIA.eus

2020ko urriaren 25a

Indarkeria matxistaren biktima bat eta bi adingabe etxegabetu ditu Alokabidek Barakaldon

  • Asteazken goizean etxegabetu dute familia Barakaldoko epaitegiko ordezkariek eta Ertzaintzak. Etxegabetutako emakumeak salatu du Barakaldoko Udalak ez diola laguntzarik eman. Argitan eta Berri Otxoak elkarteek erakundeek haien protokoloa ez dutela bete azpimarratu dute.

ARGIA @argia
2020ko otsailaren 26a
Argazkia: Eitb.

Asteazken goizean 41 urteko emakume bat eta 6 eta 15 urteko haren seme-alabak etxegabetu dituzte Barakaldon (Bizkaia). Eskaera Alokabide entitate publikoak egin zuen, eta Barakaldoko Epaitegiak eman du gauzatzeko agindua. 10:00ak inguruan heldu dira epaitegiko langileak etxera eta Ertzaintza izan dute laguntzaile etxegabetzean. Familiak bere jabetzak atera ditu etxetik, erresistentziarik ezarri gabe.

Erakundeen jarrera salatu dute

Kontzentrazioa deitu dute Barakaldoko zenbait eragilek etxegabetzea salatzeko, eta hogei herritar inguru bildu da atariaren aurrean. Argitan Emakumeentzako Aholku Etxeak eta bazterketaren aurkako Berri Otxoak elkarteek Eusko Jaurlaritza jo dute errudun. Argitanek gogoratu du 2012an Amaia Egaña barakaldarrak bere buruaz beste egin zuela etxegabetzearen unean etxeko leihotik botata. Horren ondoren, 2013an, Eusko Jaurlaritzak, Eudelek eta Botere Judizialaren Kontseilu Nagusiak protokolo bat adostu zuten. Protokoloaren arabera etxegabetutako familiei premiazko alojamendu bat eskaini behar zaie. Protokoloa ez betetzea leporatu die Argitanek erakundeei. Kaleratutako emakumeak salatu du Barakaldoko Udalak ez diola inongo laguntzarik eman. Amaia Egañak bere burua leihotik bota zuenetik 1500 etxegabetze egin dituzte Barakaldon, astero lau bataz beste.

Argitanek salatu du emakumea indarkeria matxistaren biktima dela. Orain urte erdi emakumeak senarraren tratu txarrak salatu zituen epaitegian, lesioen parte mediku bat ere aurkeztuz. Baina urruntze agindua indarrean ez dagoenez, besteak beste, erakundeek ez dute indarkeria matxistaren biktima bezala aintzat hartzen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Etxegabetzeak  |  Indarkeria matxista  |  Barakaldo

Etxegabetzeak kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude