Txupinazoan ikurrina jartzea "lege iruzurra" dela esan zuen atzo epaile batek. "Lehenbailehen eta koherentziaz" ariko direla esan du Joseba Asiron alkateak.
Gobernua sostengatzen duten lau alderdiek akordio programatikoan adostu zuten Sinboloen Legea aldatzea.
Nafarroako ikurren legeak debekatu egiten du ikurrina udaletxeko balkoian jartzea. Legearen arabera, "atzerriko herrialde, erkidego edo udalerri baten bandera" jarri ahal da, "salbuespen moduan", betiere leku horretako agintariek bisita ofiziala egiten badute.
Nafarroako hiriburuko Udalak argudiatu zuen EAEko bi legebiltzarkide bertan zeudelako jarri zuela ikurrina. Epaileak,ordea, esan du EAEko legebiltzarkideena ez zela bisita ofiziala izan.
Gainera, magistratuaren hitzetan, Gernikako Estatutuak ez die ordezkapen ahalmenik ematen bi legebirtzalkideei. Haren ustez, udaletxean ikurrina jarri ahal izateko gonbidatu zituzten.
Beste epaile batek dio ikurrina Berriozarko udaletxean jartzea legezkoa izan zela, eta, beraz, kontraesanak sortu ditu epaiak. Garrantzitsua da aurrekaria, izan ere beste bost udalerri egoera berean daude: Lizarra, Leitza, Etxarri-Aranatz, Oteitza eta Lakuntzako udalak ere zigortu nahi ditu Iruñeko administrazioarekiko auzietako 2. aretoak.
[Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra]
Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan gizartean gertatu den aldaketa sakona”, adierazi du Barkosek,... [+]
Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.
Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.
Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.
Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.