Ikastaro trinkoa Aroztekin
Ohartzen ez bagara ere, egunero dugu aukera zerbait ikasteko (edo desikasteko, akaso), leitu dugun zerbaitekin, ikusi dugun zerbaitekin, edo norbaitek erran digun zerbaitekin. Berdin du, afera da kasurik egiten diogun edo ez. Hamaika egunekoa izan da Aroztak ekimenak egin duen kanpaldia, eta hala, hamaika ikasgai izan ditu harat hurbildu edo hurbiletik bizi izan duen edozeinek. Obra txikitzailea gelditu da, baina ez hori bakarrik.
aurre egingo dieten hedabide independenteak
Makinak gelditzeaz gain harat hurbildu denak, harremanak sendotzeko bidea ikasiko zuen. Helburu bera izaten delarik, errazagoa dela elkarrekin haren alde egitea eta hala eginez, indartzen dela borroka. Adin, belaunaldi eta bizipen desberdinen artean posible dela elkarlana eta posible baino, interesantea, beharrezkoa, eraikitzailea. Lurra zaintzea elkar zaintzea dela gogoratuko zuen.
Ohartuko zen gatazka batean ez dagoela erdigune bakarra. Momentu batean erdigunea herri harresia izaten ahal dela, baina bertze batean batzarra, edo otordua ziurtatu beharra, edo sua ez itzaltzeaz arduratzea (metaforarik gabe edo metaforarekin, nahi duzuen bezala).
Konturatuko zen zapalketa bat ez dela bakarrik heldu, eta berarekin gurutzatzen diren gainerako zapalketak agerian gelditzen direlarik, erne egon behar dela: hizkuntzarena, sexismoa, adinkeria, paternalismoa...
Ikasiko zuen baietz, euskara hutsean funtzionatzea posiblea dela, errealitatea dela. Euskara erdigunean paratzea zer den, eta euskara bertze edozein hizkuntza bezain itzulgarria, azpititulagarria dela ikasiko zuen.
Jakinen zuen umorea zein inportantea den. Umorez gurearen alde egiten ahal dugula, eta inposizioaren kontra aritu. Umorez ere haserretzen ahal garela, zergatik ez? Baina ikasiko zuen (gaur gero ikasia ez bazuen) bakean ezin dela gatazka bati aurre egin. Edozein erresistentziak indar errepresiboa hortxe izanen duela gau eta egun, umore txarreko indar errepresiboa.
Eta ohartuko zen borrokak ez direla akitzen. Batailak irabazten direla, baina sistemak ongi lotuak dituela gezurrak, errepresio ekonomikoa eta bertze edozein erantzun.
Ikasketa prozesu guziak bezala hau ere ez da ematen duen bezain erraza izan, eta segur aski ikasteko hazia zementuan eroriko zen batzuetan, baina badakigu ongi ongarritutako lurretan eroriko zela ere bai, eta horrek esperantza baino, gogoa eta indarra pizten digula ikasten segitzeko. Ondoko ikastaro trinkoaren esperoan.
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]
Aroztegiko epaiketaren akusazioen –fiskaltza eta akusazio partikularra– idazkiak irakurrita, pentsatzekoa zen epaiketan aterako zituztela froga argiagorik, horrekin bakarrik talde kriminalaren akusazioa oso larria baitzen. Ez ba, bost eguneko epaiketa zuzenean... [+]
Fiskalak eta akusazio partikularrak zazpi auzipetuen zigor eskaerak berretsi dituzte, 46 hilabeteko kartzela zigorra eta 56.000 euro enpresei egindako kalteen ordain gisa. Auzipetuen abokatuek absoluzioa eskatu dute. Epailearen eskuetan geratu da erabakia.
Ostegunean auzipetuek deklaratu dute, eta haien adierazpenetatik honakoa laburbildu liteke: Lekarozko plazan edo akanpadan biltzen ziren herritarrek taldean erabakitzen zuten zer egin; oro har, obren eremura joan eta makinen aurrean era pasiboan jarri.
Asteazkenean lau foruzain, bi alkate ohi eta bi kazetari izan dira haien testigantzak ematen. Geroago, amaiera amaigabean, akusazio partikularraren 11 bideo eta albistegi ikusi eta itzuli dira gaztelerara: desobedientzia zibila begien aurrean. Oso luze joan da, luzeegi.
Bigarren ahozko saioan Aroztegiako obren eremuan izan ziren 11 guardia zibilek deklaratu dute asteartean, gehien-gehienak fiskaltzak deituta. Astelehenekoarekin konparatuta azkar joan da dena, eta arras lasaiago. Haien guztien testigantzan zerbait azpimarratu behar bada zera da:... [+]
Goiza epel esnatu da Iruñean, eta Nafarroako Justizia Jauregiaren aurrean epela beroa zen, elkartasunaren beroa. Baztandik hurbildutako Aroztegiko Elkartasun Komiteak karpa jarrita zuen auzitegiaren aurrean eta dozenaka pertsonak haien elkartasuna adierazi diete zazpi... [+]
Aste osoan ARGIAko kazetari bat dedikazio osoz izango da auzitegi barruan gertatzen denaren berri ematen, baita kanpoan Aroztegiko Elkartasun Komiteak auzipetuen absoluzioa eskatzeko antolatutako egitarau zabala jarraitzen ere. Argia.eus-en aurkituko duzue informazio guztia... [+]
Epaiketetan aldeen arteko akordio aukera iritsi daiteke ahozko auzia hasi baino minutu batzuk lehenago. Auzi honetan akusatuek publiko egin dituzte orain arte egondako negoziazio saioak, eta azkena aste honetakoa izan da, ezagutarazi den moduan porrot egin duena. Akordiorik egon... [+]
Hilabeteak dira jada fiskaltza, defentsa eta akusazio partikularra –Palacio de Arozteguia SM– epaiketa ez egiteko negoziatzen ari direla. Bazegoen oinarrizko akordio bat, baina Aroztegiko Elkartasun Komiteak prentsa ohar bidez iragarri du bertan behera gelditu dela.
Euskal Herriko hainbat arlotako 196 pertsona ezagunek Aroztegiako auzipetuen aldeko manifestua aurkeztu dute Iruñean astearte goizean. Errepresioa eta Aroztegiako proiektuak ordezkatzen duen garapen eredua salatu dituzte. Astelehenean hasiko den epaiketa salatzeko ekintzak... [+]
Aroztegiako hirigintza proiektuaren lanak eteteagatik Baztango zazpi herritar epaituko dituzte maiatzaren 19tik 23ra. Auzipetuei elkartasuna adierazi eta beren absoluzioa eskatzeko kanpaldia hasi zuten igandean Elizondoko plazan, larunbatera arte. Aroztegiko Elkartasun... [+]
Baztango zazpi herritar epaituko dituzte maiatzaren 19tik 23ra. Epaiketaren bezperan, Aroztegiko Elkartasun Komiteak zazpi absoluzioa aldarrikatzeko kanpaldia antolatu du, maiatzaren 4tik 10era, Elizondoko Plazan. Askotariko egitaraua osatu dute egunotarako.