Euskal preso politikoa etxeranzko bidean da jada, Frantziako Estatuak ezarria zion zigorra burututa. Irailaren 15ean Mont de Marsango presondegitik irten zen, eta Espainiara eraman zuten. Madrilen Auzitegi Nazionaletik igaro ostean, baldintzapean aske geratu da.
Ibon Goieaskoetxea preso busturiarra Mont de Marsango espetxetik irten da, hamaika urteko espetxe zigorra amaitu ostean. Irailaren 15ean, Frantziako Estatuak Espainiaratu egin zuen, euroaginduari jarraiki.
Espainiako Auzitegi Nazionalak oraindik bere aurka akusazioak dituenez, epailearen aurretik pasa behar izan zen. Leporatzen zaizkion karguak frogatzeko deus ez dagoenez, baldintzapeko askatasunean utzi dute. Baldintza horien artean pasaportea kentzea eta astero epaitegietan sinatu beharra aurkitzen dira.
Behin xedapenok eginda, irailaren 16ko arratsaldean aske geratu zen euskal preso politikoa. Bere senitartekoek Madrilen egin diote harrera, etxerako bideari ekin aurretik.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.