Preso Politikoen Nazioarteko eguneko gutuna


2024ko apirilaren 17an - 11:56

Apirilaren 17an Preso Politikoen Nazioarteko eguna dela eta, idazki hau sinatzen dugunok data honetan dagokigun protagonismoaren zatia aprobetxatu nahi dugu lerro batzuk plazaratzeko.

Preso politikoon existentzia, gatazka eta borroka politikoak indarrean dauden seinale bat da. Euskal Herriak hamarkadak daramatza borroka iraultzaile eta antifaxistan protagonista izaten; beraz, militante politikoen kontrako eraso eta errepresioaren lekuko izaten ere.

Gure lurraldeko auzo eta herrietan preso politikoekiko elkartasuna beti presente egon da eta, gaur egun, hola izaten jarraitzen du.

Preso politikook kartzelarekin ordaintzen dugu askatasun nazional eta sozialarekiko erakutsi genuen eta erakusten dugun konpromisoa, eta sistema errepresiboaren erdigunean urteak eta urteak igarotzen ditugu. Hori da, hain zuzen ere, sistema kapitalistak daukan eskaintza, berari aurre egiten diotenentzat, matxinatzen direnentzat, eta amore ematearen eta zapaltzen gaituen sistemaren onarpenaren ordez borroka koherentea aukeratzen dutenentzat.

Gure apustua hona ekarri gintuen konpromiso zintzoarekin jarraitzea da, gure izaera politiko iraultzaileaz baliatzea gure ekarpenik onena egiteko borroka askatzailean

Beraz, gure presentzia arlo politiko eta sozialean beharrezkotzat jotzen dugu, eta hori da gaur aldarrikatu nahi duguna.

Antolakuntzak, bai barruan zein kanpoan, gure indarrak handitzen ditu eta bi aldeetako lotura ezinbestekoa da aurrera jarraitzeko eta gure helburuak, herri eta klase zapaldu gisa, lortzeko.

Gu ez gara ez terroristak ezta delinkuenteak ere, eta hori da gaurko egunean plazaratu nahi dugun beste mezu bat. Gu militante politikoak gara eta hola aritzea da gure asmoa. Horrela ikusi eta errespetatu behar gaituzte.

Gure apustua hona ekarri gintuen konpromiso zintzoarekin jarraitzea da, gure izaera politiko iraultzaileaz baliatzea gure ekarpenik onena egiteko borroka askatzailean.

Bukatzeko, milaka preso palestinar horiek gogoratu nahi ditugu, emakume, gizon eta nerabeak, Israel estatu sionistaren ankerkeria egunero sufritzen ari direnak. Animo eta elkartasun osoa!

Presoak kalera, amnistia osoa!

*Hainbat euskal preso politiko:

Garikoitz Etxeberria, J.M. Etxeberria "Goierri", Fernando Jodra, Jon Kepa Preciado, Patxi Ruiz, Mikel Sansebastian

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Irakurleen gutunak
Transhumanismoa: arazo guztien konponbide ote?

Mondragon Unibertsitateko Humanitate Digital Globalak (HDG) graduan, etorkizunari buruzko hausnarketa eguneroko zerbait da, eta gogoeta horretan transhumanismoa saihestu ezin den gaia da.


Eguneraketa berriak daude