Ibilaldiak lau gune izango ditu, baina ezingo da batetik bestera mugitu

  • Sopelan egingo da Ibilaldia, maiatzaren 30ean. Aurtengo edizioak ez du ibilbiderik izango, ez janari ez edari zerbitzurik, Ander Deuna eta Betiko ikastoletako ordezkariek jakinarazi dutenez.


2021eko maiatzaren 13an - 09:56

Herrian lau gune egongo dira, baina ezin izango da batetik bestera mugitu. Jendeak, hortaz, aukeratu egin beharko du zein gunetako egitarauak erakartzen duen gehien. Behin aukeraketa eginda, izena eman behar da Ibilaldia.eus webgunean.

Guneak non kokatu aukeratzeko orduan, bete beharreko osasun neurriak hartu dituzte kontuan. "Horrela, berezko babesa edota ixteko erraztasunak eman ditzaketen tokiak hautatu dira", antolatzaileen hitzetan.

Egitarauari dagokionez, gune bakoitzean bi aktibitate mota txertatu dira. Tailerrak batetik, eta ikuskizunak bestetik. "Ibilaldian zehar antolatu diren aktibitateetan adin guztietako pertsonek leku izan dezaten saiatu gara".   

Guneak

SUA, Ander Deuna Ikastolan. Zurezko jokoak eta dantza tailerra eskainiko dira bertan, Deabru Beltzak taldearen ikuskizuna. Hasiera ekitaldia ere gune honetan izango da. Ander Deuna eta Betiko ikastolek lekukoa pasako diote 2022ko Ibilaldiko antolatzaile izango den Bilboko Abusu ikastolari. 

URA, Barinetxeko goiko aparkalekuko alde batean. Batetik, Saharar herriaren kultura ezagutzeko aukera izango da; eta bestetik, haurren hondartza diseinatuko dute umeek. Ur-jolasak ere egingo dira. Zein ikuskizun eskainiko duten zehazteke dago.

HAIZEA, Barinetxeko goiko aparkalekuko beste aldean. Kometa eta perkusio tailerrak izango dira, eta Turutukupa kolektiboaren ikuskizuna.

LURRA, Larrabasterrako Urgitxieta plazan eta inguruan. Talo eta Tai Txi tailerrak egingo dira, eta Gora Kasete ikuskizuna.


Kanal honetatik interesatuko zaizu: Ibilaldia
2023-05-22 | ARGIA
Milaka herritar bildu dira Ondarroako IbilaldiXEn ikastolen festan

Zubi Zahar Herri Ikastola izan da 2023ko antolatzailea, eta balorazio positiboa egin du igandeko egunaren inguruan. Euskarazko hezkuntza aldarrikatu dute festa giroan, eta testigua pasa diote San Nikolas Algortako ikastolari.


2022-05-26 | Jone Gartzia
Liburu bat katean idatzia

Bilbotik Tafallarako dagoen bidean, eskuz esku eta ikastolaz ikastola idazten ari den ipuina da aurtengo Liburu Ibiltaria. Idazleek ez dute elkar ezagutzen eta eremu soziolinguistiko desberdinetako ikasleak dira, baina asmo komun bat dute denek: guztien artean, txandaka, euskara... [+]


1.800 lagun bildu dira ezohiko Ibilaldian, Sopelan

Hiruka.eus-en Iker Rincon Morenok Sopelan antolatutako Ibilaldiaren jarraipena egin du igandez. 1.800 lagun bildu dira Sopelako lau gunetan Leioako Betiko ikastolak eta Sopelako Ander Deuna ikastolak antolatutako ikastolen aldeko jaialdian. Hurrengo Ibilaldia Bilboko Abusu... [+]


2021eko Ibilaldiaren ‘Kala kalata!’ abestia aurkeztu dute

Aurten Leioa eta Sopelan ospatuko den Ibilaldiaren abestia eta bideoklipa kaleratu dituzte, Kala kalata! leloa oinarri hartuta jarri dio letra Xabi Payak.


2020-05-20 | ARGIA
Ikastolen lau jai udazkenean izango dira eta Nafarroa Oinez ez da egingo

Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]


Eguneraketa berriak daude