2021eko Ibilaldiaren 'Kala kalata!' abestia aurkeztu dute

  • Aurten Leioa eta Sopelan ospatuko den Ibilaldiaren abestia eta bideoklipa kaleratu dituzte, Kala kalata! leloa oinarri hartuta jarri dio letra Xabi Payak.


2021eko martxoaren 15an - 13:21
Argazkia: Ibilaldia

Bizkaiko ikastolen aldeko jaia Sopelan eta Leioan egingo dute maiatzaren 30ean, Ander Deuna eta Betiko ikastolek antolatuta. Kala kalata! lema oinarri hartuta aurtengo Ibilaldiaren abestia eta bideoklipa aurkeztu dituzte. Xabi Payak jarri dio letra abestiari, eta musika Xabi Aburruzagak. Abeslarien artean, ikastoletako ikasleez gain Aiora Renteria, Maitane Salvador, Iholdi Beristain eta Itziar Ituño daude.

"Letraren egileak inor baino hobeto jakin du berba gutxitan biltzen lelo horrekin adierazi nahi dena" ,azaldudute antolatzaileek. Hain zuzen ere, "bidaia honetan, goitik behera eta hezur mamiraino busti beharra dagoela" adierazi nahi izan dute: "Busti beharra euskara ezagutu eta ikasteko, busti beharra euskaraz mintzatzeko, busti beharra euskara edonorekin edonon eta edonoiz erabiltzeko, busti beharra, azken batean, euskaraz bizitzen ikasteko". 

 

 

 


Kanal honetatik interesatuko zaizu: Ibilaldia
2023-05-22 | ARGIA
Milaka herritar bildu dira Ondarroako IbilaldiXEn ikastolen festan

Zubi Zahar Herri Ikastola izan da 2023ko antolatzailea, eta balorazio positiboa egin du igandeko egunaren inguruan. Euskarazko hezkuntza aldarrikatu dute festa giroan, eta testigua pasa diote San Nikolas Algortako ikastolari.


2022-05-29 | Jone Gartzia
Liburu bat katean idatzia

Bilbotik Tafallarako dagoen bidean, eskuz esku eta ikastolaz ikastola idazten ari den ipuina da aurtengo Liburu Ibiltaria. Idazleek ez dute elkar ezagutzen eta eremu soziolinguistiko desberdinetako ikasleak dira, baina asmo komun bat dute denek: guztien artean, txandaka, euskara... [+]


1.800 lagun bildu dira ezohiko Ibilaldian, Sopelan

Hiruka.eus-en Iker Rincon Morenok Sopelan antolatutako Ibilaldiaren jarraipena egin du igandez. 1.800 lagun bildu dira Sopelako lau gunetan Leioako Betiko ikastolak eta Sopelako Ander Deuna ikastolak antolatutako ikastolen aldeko jaialdian. Hurrengo Ibilaldia Bilboko Abusu... [+]


2021-05-13 | ARGIA
Ibilaldiak lau gune izango ditu, baina ezingo da batetik bestera mugitu

Sopelan egingo da Ibilaldia, maiatzaren 30ean. Aurtengo edizioak ez du ibilbiderik izango, ez janari ez edari zerbitzurik, Ander Deuna eta Betiko ikastoletako ordezkariek jakinarazi dutenez.


2020-05-20 | ARGIA
Ikastolen lau jai udazkenean izango dira eta Nafarroa Oinez ez da egingo

Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]


Eguneraketa berriak daude